തുള്ളിച്ചാടി മഞ്ജുവിനെ വാരിപ്പുണർന്ന് മകൾ ദയ; പിറന്നാൾ സർപ്രൈസ് ഏറ്റെടുത്ത് സോഷ്യൽ മീഡിയ
നടി മഞ്ജുപിള്ള, മകൾക്ക് നൽകിയ പിറന്നാൾ സർപ്രൈസ് ഏറ്റെടുത്ത് സോഷ്യൽ മീഡിയ. മഞ്ജു പിള്ളയും ഭർത്താവ് സുജിത് വാസുദേവും കുടുംബവും ചേർന്നാണ് മകളുടെ പിറന്നാൾ ഗംഭീരമാക്കിയത്. മകൾക്ക് ഏറ്റവും പ്രിയപ്പെട്ട ആൽദോ ഷൂസായിരുന്നു മഞ്ജു സമ്മാനമായി നൽകിയത്. സമ്മാനം കണ്ട് മകൾ സന്തോഷം കൊണ്ട് തുള്ളിച്ചാടുന്നതിന്റേയും അമ്മയോടും അച്ഛനോടും നന്ദി പറയുന്നതും വീഡിയോയിൽ കാണാൻ സാധിക്കുന്നുണ്ട്. സർപ്രൈസ് പിറന്നാൾ സമ്മാനം കൂടാതെ മകൾക്ക് സർപ്രൈസ് പിറന്നാൾ പാർട്ടിയും മഞ്ജുവും ഭർത്താവും ചേർന്ന് ഒരുക്കിയിരുന്നു. മകളുടെ കണ്ണുകൾ മൂടി കൊണ്ടാണ് സർപ്രൈസ് പാർട്ടിയിൽ കൊണ്ടു വന്നത്. ഒരു പോലുള്ള വസ്ത്രവും ആഭരണങ്ങളുമാണ് അമ്മയും മകളും ധരിച്ചത്. എന്റെ മകളുടെ സർപ്രൈസ് പിറന്നാൾ പാർട്ടിയെന്ന് അടിക്കുറിപ്പോടെ വീഡിയോ പങ്കുവെച്ചിരിക്കുന്നത്.
മിനിസ്ക്രീനിലും ബിഗ് സ്ക്രീനിലും ഒരുപോലെ ആരാധകരുളള മഞ്ജുവിന്റെ പുറത്തിറങ്ങാനുള്ള ഏറ്റവും പുതിയ ചിത്രം രാജീവ് കുമാർ സംവിധാനം ചെയ്യുന്ന കോളാമ്പിയാണ്. സുജിത്ത് വാസുദേവൻ സംവിധാനം ചെയ്ത ഓട്ടോർഷയിലും മഞ്ജു എത്തിയിരുന്നു. ലൂസിഫറിലാണ് ഏറ്റവും ഒടുവിൽ പുറത്തു വന്ന സുജിത്ത് ചിത്രം. ദയയ്ക്ക് വേണ്ടി മഞ്ജുവും ഭർത്താവും ചേർന്നാണ് സർപ്രൈസ് പാർട്ടി സംഘടിപ്പിച്ചത്.
സുജിത്തിന്റെയും മഞ്ജുവിന്റെയും മാതാപിതാക്കളും അടുത്ത സുഹൃത്തുക്കളും പാർട്ടിയിൽ പങ്കെടുത്തു. മനോഹരമായി അലങ്കരിച്ച വീടു കണ്ട് ദയ അതിശയിക്കുന്നതു കാണാം.വീഡിയോയ്ക്കു താഴെ ദയയ്ക്ക് ആശംസകളുമായി നിരവധിപ്പേർ എത്തിയിരുന്നു. അടുത്തിടെ ‘മൈ ലൗവ്’ എന്ന കുറിപ്പിനൊപ്പം മകൾക്കൊപ്പമുള്ള ചിത്രം മഞ്ജു പങ്കുവച്ചിരുന്നു. ഇതും ആരാധകർ ഏറ്റെടുത്തിരുന്നു.
https://www.facebook.com/Malayalivartha