കാക്കയ്ക്കും തൻ കുഞ്ഞ് പൊൻകുഞ്ഞ് എന്ന മഹത് വാക്യം മറന്നിട്ടല്ല ഈ പോസ്റ്റ്... ഒരു മത്സരം ഉണ്ടാകുമ്പോൾ തീർച്ചയായും ഒരാളെ തെരഞ്ഞെടുക്കണം . അങ്ങനെ 2019 ലെ ഏറ്റവും സുന്ദരിയായ കുട്ടിയായി തെരഞ്ഞെടുക്കപ്പെട്ട ആ ആറുവയസ്സുകാരി ഇതാണ് ...ലോകത്തിലെ ഏറ്റവും സുന്ദരിയായ പെണ്‍കുട്ടിയുടെ പിന്നാലെയാണ് ഇപ്പോൾ സമൂഹമാധ്യമങ്ങള്‍.

പ്രൊഫഷണല്‍ മോഡലുകളേപ്പൊലും പിന്‍തള്ളിയാണ് നൈജീരിയക്കാരിയായ ഈ ആറുവയസ്സുകാരി സമൂഹമാധ്യമങ്ങളില്‍ നിറയുന്നത് . മോഫെ ബാമുയിവാ എന്ന വനിതാ ഫോട്ടോഗ്രാഫറാണ് ജാരെ ഇജലാനയെന്ന ആറുവയസ്സുകാരിയുടെ സൗന്ദര്യം ക്യാമറക്കണ്ണിലൂടെ പകർത്തിയത്

ചുരുണ്ട് നിറഞ്ഞ മുടിയും തുളച്ച് കയറുന്ന നോട്ടവുമായി മോഫെ ബാമുയിവായുടെ ക്യാമറയ്ക്ക് മുന്നില്‍ പോസു ചെയ്യുന്ന ജാരെ ആരുടേയും ശ്രദ്ധ ആകർഷിക്കും..'അവളൊരു മനുഷ്യനാണ്, അവളും ഒരു മാലാഖയാണ്' എന്ന അടിക്കുറിപ്പോടെയാണ് മോഫെ ബാമുയിവാ ജാരെയുടെ ചിത്രം പങ്കുവെച്ചത്

അവളുടെ കണ്ണുകളിലെ തുളച്ചുകയറുന്ന സൗന്ദര്യം എടുത്തു പറയേണ്ടതാണ്..ജാരെയുടെ ചിത്രത്തില്‍ ജാരെയെ കാണുമ്പോള്‍ കൂടുതല്‍ മുതിര്‍ന്ന ഒരാളെപ്പോലെ തോന്നുന്നുവെന്ന് പറഞ്ഞവരും ധാരാളം 

സഹോദരിമാരായ ഏഴ് വയസുകാരി ജോമി, പത്തുവയസുകാരി ജോബ എന്നിവര്‍ക്കൊപ്പവും ജാരേയുടെ ചിത്രം പോസ്റ്റ് ചെയ്തിട്ടുണ്ട്..ഇന്‍സ്റ്റഗ്രാമില്‍ പങ്കുവച്ച ജാരെയുടെ ചിത്രങ്ങള്‍ കുറഞ്ഞ സമയത്തിനുള്ളില്‍ വൈറലായി....കൂടുതല്‍ പേരും 'ലോകത്തിലെ തന്നെ സുന്ദരി' എന്നാണ് ഫോട്ടോയ്ക്ക് കമന്റ് ചെയ്തത്...

 2010ലാണ് ലോകത്തിലെ ഏറ്റവും സുന്ദരിയായ പെണ്‍കുട്ടിയെന്ന പേരില്‍ ഒരു ക്യാംപയിന്‍ തുടങ്ങിയത്. ഫ്രെഞ്ച് സ്വദേശിയായ തയ്ലാന്‍ ആയിരുന്നു 2010ലെ ലോകത്തിലെ ഏറ്റവും സുന്ദരിയായ പെണ്‍കുട്ടി....