കണ്ണൂരിന്റെ കണ്ണീരാണ് ബോംബേറ്. ഇത്തരം ബോംബേറുകള്‍ എത്രയോ കുടുംബത്തെ ജീവിതകാലം മുഴുവന്‍ കണ്ണീരിലാഴ്ത്തിയിട്ടുണ്ട്. ആ ബോംബേറില്‍ ദൈവത്തിന്റെ കൃപ ഒന്നുകൊണ്ടു മാത്രം രക്ഷപ്പെട്ട പെണ്‍കുട്ടിയാണ് കണ്ണൂര്‍ ചെറുവാഞ്ചേരിയിലെ അസ്‌ന.
അസ്‌നയ്ക്ക് ആറു വയസു പ്രായമുള്ളപ്പോള്‍ 2000 സെപ്റ്റംബര്‍ 27നാണു വീടിന്റെ ഇറയത്ത് കളിച്ചു കൊണ്ടിരുന്ന അസ്‌നയുടെ സമീപത്ത് ബോംബ് വീണു പൊട്ടിയത്. ബോംബേറില്‍ അസ്‌നയുടെ അമ്മ ശാന്തയ്ക്കും സഹോദരന്‍ ആനന്ദിനും പരുക്കേറ്റിരുന്നു. കണ്ണൂരിലും കൊച്ചിയിലും മാസങ്ങളോളം നീണ്ട ചികിത്സക്കൊടുവില്‍ വലതുകാല്‍ മുട്ടിനു കീഴെവച്ചു മുറിച്ചുമാറ്റി കൃത്രിമക്കാല്‍ വയ്ക്കുകയായിരുന്നു. അതോടെ അസ്‌നയുടെ ജീവിതം ദുരിതമായി. വേദന തിന്ന് പരസഹായത്തോടെ ജീവിതവുമായി പൊരുതി.
എസ്എസ്എല്‍സിക്കും പ്ലസ് ടുവിനും ഉന്നതവിജയം നേടിയ അസ്‌ന ഭിന്ന ശേഷിയുള്ളവരുടെ പട്ടികയില്‍ 18ാം റാങ്കോടെയാണ് എന്‍ട്രന്‍സ് പാസായത്. കോഴിക്കോട് മെഡിക്കല്‍ കോളേജില്‍ എംബിബിഎസിനു പഠിക്കുകയാണ് അസ്‌നയിപ്പോള്‍. 
കാലം കുറേ ആയിട്ടും കാലിന്റെ വേദന ഇപ്പോഴും അസ്‌നയെ അലട്ടുന്നുണ്ട്. തുടര്‍ ചികിത്സയ്ക്കായി എറണാകുളം സ്‌പെഷലിസ്റ്റ് ആശുപത്രിയില്‍ അസ്‌ന എത്തി. ആ ദിനങ്ങള്‍ ഓര്‍ക്കുമ്പോള്‍ ഇപ്പോഴും അസ്‌നയുടെ മനസില്‍ തീയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha