പോലീസുകാരെ പേടിച്ച് നിസാമിനെ സ്ഥലം മാറ്റി; കൊടും തീവ്രവാദികളെ പാര്പ്പിച്ചിരുന്ന സെല്ലിലേക്ക് നിസാമിനെ മാറ്റി
സെക്യൂരിറ്റി ജീവനക്കാരന് ചന്ദ്രബോസിനെ കൊലപ്പെടുത്തിയ കേസിലെ പ്രതി നിസാമിനെ കൊടും തീവ്രവാദികളെ പാര്പ്പിച്ചിരുന്ന സെല്ലിലേക്ക് മാറ്റി. സാദാ സെല്ലില് നിസാമിന് സൗകര്യങ്ങള് ഒരുക്കാനും പലതും ചെയ്തു കൊടുക്കാനും ജയില് ഉദ്യോഗസ്ഥര് മത്സരിക്കുന്നുവെന്ന ആക്ഷേപം ഉയര്ന്ന സാഹചര്യത്തിലാണ് കനത്ത ബന്തവസുള്ള സെല്ലിലേക്ക് ഇന്നലെ മാറ്റിയത്. ഇവിടേയ്ക്ക് ജയില് ഉദ്യോഗസ്ഥര്ക്ക് അത്ര എളുപ്പം കടന്നു ചെല്ലാന് കഴിയില്ല. ഉരുക്ക് കമ്പിവലയുള്ള സെല് തുറക്കുന്നതിനും പ്രതിയെ കാണുന്നതിനും ജയില് ഉദ്യോഗസ്ഥര്ക്ക് വിലക്കുണ്ട്. മാത്രമല്ല നിസാമിനെ മറ്റു പ്രതികള് ഉപദ്രവിക്കാനും സാധ്യതയുണ്ട്. അതുകൂടി കണക്കിലെടുത്താണ് മാറ്റമെന്ന് അറിയുന്നു.
നിസാമിനെ സന്തോഷിപ്പിക്കാന് ചില ജയില് ഉദ്യോഗസ്ഥര് ഇറങ്ങിയതോടെയാണ് മേലധികാരികള് ഇങ്ങനെയൊരു തീരുമാനം എടുത്തത്.
അതേസമയം, കാപ്പ ചുമത്താനുള്ള റിപ്പോര്ട്ട് പൊലീസ് ഇന്ന് കളക്ടര്ക്ക് കൈമാറുമെന്ന് അറിയുന്നു. കളക്ടര് അത് അംഗീകരിച്ചാല് നിസാമിനെ കണ്ണൂര് സെന്ട്രല് ജയിലിലേക്ക് മാറ്റും. വടക്കന് ജില്ലകളിലെ കാപ്പക്കാരെ മുഴുവന് അവിടെയാണ് പാര്പ്പിക്കുന്നത്. അവിടെ പോയാല് നിസാമിന് കൂടുതല് വിലസാന് കഴിയുമെന്നാണ് അറിയുന്നത്. കാരണം രാഷ്ട്രീയക്കാരുടെ താളത്തിനു തുള്ളുന്ന ജയിലെന്ന ആക്ഷേപം പണ്ടേ കണ്ണൂര് ജയിലിനുണ്ട്. അതുകൊണ്ടുതന്നെ പണം വാരി എറിയുന്ന നിസാമിനെ കിട്ടിയാല് കണ്ണൂര് ജയിലിന് ലോട്ടറി അടിച്ചതുപോലെയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha