പ്രാര്‍ത്ഥനയോടെയും സന്തോഷത്തോടെയും ഏറെ കാത്തിരുന്ന ആ നിമിഷം അവസാനം അയാള്‍ക്ക് നല്‍കിയത് ഒരിക്കലും നികത്താനാകാത്ത ദു:ഖം. നാല് ചോരക്കുഞ്ഞുങ്ങളെ നല്‍കി അയാളെ തനിച്ചാക്കി അവള്‍ യാത്രയായി. പ്രസവത്തിനിടെ ഉണ്ടായ അമിത രക്ത സ്രാവത്തെ തുടര്‍ന്നാണ് അയാളുടെ പ്രിയപ്പെട്ടവള്‍ ഈ ലോകം വിട്ടു പോയത്. കാണുന്നവരുടെ മുഴുവന്‍ കണ്ണു നനയിച്ച് അയാള്‍ ഇപ്പോള്‍ ആ കുഞ്ഞുങ്ങളെ ചേര്‍ത്തു പിടിച്ച് നില്‍ക്കുകയാണ്. 
അമേരിക്കയിലെ അരിസോണ സ്വദേശിയായ കാര്‍ലോസ് മൊറെയില്‍സാണ് ആറ്റു നോറ്റുണ്ടായ നാല് അരുമ കിടാങ്ങള്‍ക്കൊപ്പം തനിച്ചായത്. അയാളുടെ പ്രിയതമ 36കാരിയായ എറികയാണ് പ്രസവത്തിനുശേഷം മരിച്ചത്. ഐ.വി.എഫ് ചികില്‍സയിലൂടെ ഗര്‍ഭിണിയായ എറിക മക്കളെ കുറിച്ച് ഏറെ സ്വപ്നം ബാക്കിയാക്കിയ ശേഷമാണ് ലോകം വിട്ടുപോയത്. 
2007ലാണ് ഇവരുടെ വിവാഹം കഴിഞ്ഞത്. രണ്ട് തവണ ഗര്‍ഭം അലസിയതിനു ശേഷമാണ് ഐ.വി.എഫ് ചികില്‍സ ചെയ്യാന്‍ അവര്‍ തീരുമാനിച്ചത്. 
അരിസോണയിലെ ഗുഡ് സമരിറ്റന്‍ ആശുപത്രിയില്‍ നെറ്റിയില്‍ ചുംബനം നല്‍കി ഭാര്യയെ ലേബര്‍ റൂമിലേക്ക് പറഞ്ഞയച്ചതാണ് അയാള്‍. 
നേരത്തെ പറഞ്ഞതിലും ഒരു മാസം മുമ്പായിരുന്നു എറികയുടെ പ്രസവം. നാല് കുഞ്ഞുങ്ങള്‍ ആയതിനാല്‍ റിസ്‌ക് ഒഴിവാക്കാനാണ് പ്രസവം നേരത്തെ ആക്കിയത്. എന്നാല്‍, അപ്രതീക്ഷിതമായുണ്ടായ അമിത രക്ത സ്രാവം എറിക്കയുടെ ജീവനെടുത്തു. മൂന്ന് പെണ്‍കുഞ്ഞുങ്ങളെയും ഒരു ആണ്‍ കുട്ടിയെയും അയാളുടെ കൈയില്‍ ഏല്‍പ്പിച്ചശേഷമാണ് അവള്‍ പോയത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha