കുട്ടികള് ഹോംവര്ക്ക് ചെയ്യാത്തതിന് അദ്ധ്യാപകരുടെ ക്രൂരശിക്ഷ, കുട്ടികളെ മൂന്ന് മണിക്കൂര് നഗ്നരാക്കി വെയിലത്ത് മുട്ടുകുത്തി നിര്ത്തി
അദ്ധ്യാപകര് വിദ്യാര്ത്ഥികളെ വളരെ ക്രൂരമായാണ് ഇപ്പോള് സ്കൂളുകളില് ശിക്ഷിച്ച് വരുന്നത്. പല തരം ശിക്ഷകളാണ് കുട്ടികള് തെറ്റ് ചെയ്താല് അദ്ധ്യാപകര് നടപ്പാക്കുന്നതും. ഹോം വര്ക്ക് ചെയ്യാത്തതിന് മൂന്ന് മണിക്കൂര് കുട്ടികളെ വെയിലത്ത് നിര്ത്തിയ സംഭവം ഏറെ വിവാദമായിരിക്കുകയാണ്. ഹോം വര്ക്ക് ചെയ്തില്ലെന്നാരോപിച്ച് കുട്ടികളെ പീഡിപ്പിച്ച അദ്ധ്യാപകര്ക്കെതിരെ നടപടിയെടുക്കാനുള്ള തീരുമാനത്തിലാണ് അധികൃതര് ഇപ്പോള്. ഹോം വര്ക്ക് ചെയ്തില്ല എന്നതിനെ തുടര്ന്ന് സഹോദരന്മാരായ വിദ്യാര്ത്ഥികളെയാണ് അദ്ധ്യാപകന് മൂന്ന് മണിക്കൂര് നഗ്നരാക്കി് വെയിലത്ത് മുട്ടുകുത്തി നിര്ത്തിയത്. വിശാഖപട്ടണത്തിലെ മരദപാലം മേഖലയിലെ മണ്ഡല് പരിഷത് പ്രൈമറി സ്കൂളിലാണ് ഇത്തരമൊരു ക്രൂര സംഭവം ഉണ്ടായിരിക്കുന്നത്.
മൂന്ന് മണിക്കൂര് മുട്ടുകുത്തി നിന്ന കുട്ടികള് കുഴഞ്ഞു വീഴുകയും ചെയ്തു. രണ്ട് അദ്ധ്യാപകര് ചേര്ന്നാണ് ഈ ക്രൂര ശിക്ഷ നടപ്പിലാക്കിയിരിക്കുന്നത്. സംഭവത്തില് രണ്ട് അദ്ധ്യാപകരും കുറ്റക്കാരാണെന്ന് മണ്ഡല് വിദ്യാഭ്യാസ ഓഫീസര് വ്യക്തമാക്കി. ഇവര്ക്കെതിരെ ഉടന് നടപടിയെടുക്കുമെന്നും അധികൃതര് സമ്മതിച്ചതായാണ് വിവരം. നാലാം ക്ലാസ് വിദ്യാര്ത്ഥിയായ സൂര്യ തേജ, സഹോദരനും അഞ്ചാം ക്ലാസ് വിദ്യാര്ത്ഥിയുമായ ദിലീപ് കുമാര് എന്നിവരെയാണ് നഗ്നരാക്കി വെയിലത്ത് മുട്ടുകുത്തി നിര്ത്തിയത്. അനില് കുമാര്, റാണി കുമാരി എന്നീ അദ്ധ്യാപകരാണ് വിദ്യാര്ത്ഥികള്ക്ക് ഇത്തരത്തിലുള്ള ക്രൂരശിക്ഷ നടപ്പിലാക്കിയത്.
സംഭവം അന്വേഷിച്ച് ജില്ലാ വിദ്യാഭ്യാസ ഓഫീസര്ക്ക് മണ്ഡല് വിദ്യാഭ്യാസ ഓഫീസര് റിപ്പോര്ട്ട് നല്കിയതായാണ് വിവരം. റിപ്പോര്ട്ടിന്റെ അടിസ്ഥാനത്തില് ഉടന് നടപടിയുണ്ടാകുമെന്നും അധികൃതര് അറിയിച്ചു. കുട്ടികള് പഠിക്കാന് മോശമായത് കാരണം നല്ല ശിക്ഷ നല്കണമെന്ന് കുട്ടികളുടെ രക്ഷിതാക്കള് പറഞ്ഞതിനെ തുടര്ന്നാണ് ശിക്ഷ നല്കിയതെന്നും കുറ്റക്കാരനായ അദ്ധ്യാപകന് അനില് കുമാര് പോലീസിനോട് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha