നാടിനേയും നാട്ടുകാരേയും അബൂബക്കറിന്റെ കരുതല്‍ അത്ഭുതപ്പെടുത്തി!
ഗള്‍ഫില്‍ നിന്നു നാട്ടിലെത്തിയ ചെര്‍ക്കള നെക്രാജെ അറാട്ട് കടവിലെ അബൂബക്കര്‍ (33) നേരെ വീട്ടിനടുത്തുള്ള ഷെഡ്ഡിലേക്കാണ് കയറിയത്. പിന്നീട് സ്വയം ഐസലേഷനില്‍ കഴിയുകയായിരുന്നു. 'സാമൂഹിക അകലം' കൃത്യമായി പാലിച്ചു നാടിനെ അത്ഭുതപ്പെടുത്തിയ യുവാവ് കോവിഡിനെ അതിജീവിച്ചു വീട്ടിലേക്കു മടങ്ങി.
കഴിഞ്ഞ ദിവസം രാത്രിയില്‍ കോവിഡ് നെഗറ്റീവ് ആയി വീട്ടിലേക്കു മടങ്ങിയത്. ഒരാള്‍ക്ക് പോലും രോഗം നല്‍കാതെ ഹെല്‍ത്ത് ടീമിന് റൂട്ട് മാപ്പ് പോലും തയാറാക്കാന്‍ ഇല്ലാതിരുന്ന ഈ യുവാവ് കോവിഡ് കാലത്ത് ആരോഗ്യപ്രവര്‍ത്തകര്‍ക്ക് ഊര്‍ജം നല്‍കുന്നു.
ആരോഗ്യപ്രവര്‍ത്തകര്‍ അബൂബക്കറുടെ വീടും താമസിച്ച ഷെഡ്ഡും തൊട്ടടുത്ത വീടും അണുനശീകരണം നടത്തി. 14 ദിവസം ക്വാറന്റീനില്‍ ഡോക്ടര്‍മാര്‍ നിര്‍ദ്ദേശിച്ചതിനാല്‍ വീട്ടിലുള്ളവരെ തൊട്ടടുത്ത വീട്ടിലേക്ക് മാറ്റി. ഇന്നലെ ഹെല്‍ത്ത് ഇന്‍സ്‌പെക്ടര്‍ ബി.അഷ്‌റഫ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഹാസിഫ് എന്നിവര്‍ കാണാന്‍ ചെന്നപ്പോള്‍ ജനല്‍ തുറന്നാണ് സംസാരിച്ചത്.
കോവിഡ് 19 രോഗമുക്തനായി ആശുപത്രിയില്‍ നിന്നു വീട്ടിലെത്തിയ അബൂബക്കറിന് ഹെല്‍ത്ത് ഇന്‍സ്‌പെക്ടര്‍ ബി.അഷറഫ് പൂച്ചെണ്ട് നല്‍കി ആദരിച്ചു.
https://www.facebook.com/Malayalivartha
