മേയ് 3 വരെ ലോക്ക് ഡൗൺ നീട്ടിയത് രാജ്യത്തിന്റെ സമയ ദോഷം മാറാൻ! വ്യാഴം മൂന്നു രാശികളിൽ സഞ്ചരിച്ചാൽ ലോകത്തുള്ള കോടിക്കണക്കിന് ജനങ്ങൾക്ക് പലവിധ നാശനഷ്ടങ്ങൾ ഉണ്ടാകാമെന്നാണ് ജ്യോതിഷികളുടെ പ്രവചനം; നരേന്ദ്രമോദിയുടെ തീരുമാനം രാജ്യത്തിന്റെ സമയം കഠിനമാണെന്ന ജ്യോതിഷപ്രവചനത്തെ തുടർന്നാണെന്ന് സൂചന
മേയ് 3 വരെ രാജ്യത്ത് ലോക്ക് ഡൗൺ പ്രഖ്യാപിക്കാൻ നരേന്ദ്രമോദി തീരുമാനിച്ചതിന് കാരണം
മേയ് 4 വരെ ജ്യോതിഷ വശാലുള്ള രാജ്യത്തിന്റെ സമയം കഠിനമാണെന്ന ജ്യോതിഷപ്രവചനത്തെ തുടർന്നാണെന്ന് സൂചന.
ഇക്കഴിഞ്ഞ 7 മാസത്തിനുള്ളിൽ വ്യാഴം മൂന്ന് തവണ മാറിയിരുന്നു. ഇത് തീർത്തും പതിവില്ലാത്ത മാറ്റമാണ്. സാധാരണ ഒരു രാശിയിൽ ഒരു വർഷം നിൽക്കേണ്ട വ്യാഴമാണ് ഇങ്ങനെ മാറുന്നത്. വ്യാഴം മൂന്നു രാശികളിൽ സഞ്ചരിച്ചാൽ ലോകത്തുള്ള കോടിക്കണക്കിന് ജനങ്ങൾക്ക് പലവിധ നാശനഷ്ടങ്ങൾ ഉണ്ടാകാമെന്നാണ് ജ്യോതിഷികളുടെ പ്രവചനം.
മകരത്തിൽ സ്വക്ഷേത്ര ബലവാനായി ശനി, ഉച്ചത്തിൽ നിൽക്കുന്ന ചൊവ്വ, തീരെ ശക്തി ഇല്ലാത്ത നീചരാശിയിലെ വ്യാഴം . ഈ ഗ്രഹസ്ഥിതി 2020 മേയ് 4 ന് ചൊവ്വ
കുംഭത്തിലേക്ക് മാറും വരെ തുടരും. അതുകഴിയും വരെ പൊതുവെ നല്ല കാലം എന്ന് പറയാനാവില്ല. കുജ, ശനി,
ഗുരുക്കൾ ഒന്നിച്ചാലോ സമ സപ്തമ സ്ഥിതിയിൽ വന്നാലോ ആണ് വസുന്ധരായോഗം ഭവിക്കുന്നത്.
ശനിയും ഗുരുവും കുജനും ഒരു രാശിയിലോ സമസപ്തമ സ്ഥിതിയിലോ വന്നാൽ ലോകത്തിന്റെ മൂന്നിലൊരുഭാഗത്ത് പല അനിഷ്ട സംഭവങ്ങളും ഉണ്ടാവാം. മാരക രോഗങ്ങളുടെ വ്യാപനം മൂലം ജനസംഖ്യ കുറയാം, വായു, അഗ്നി സംബന്ധമായ അസ്വസ്ഥതയും മരണഭീതിയും വേട്ടയാടാം.പ്രകൃതിക്ഷോഭങ്ങളുണ്ടാകാം. അങ്ങനെ പലതും സംഭവിക്കാം. മനുഷ്യർക്ക് ആകെ സംശയങ്ങൾ ബാധിക്കാം. ഗ്രഹങ്ങളുടെ സ്വാധീനം ഓരോ അണുവിലും പ്രതിഫലിക്കും.
വസുന്ധരാ യോഗകാലം ഇങ്ങനെയൊക്കെ ആവും എന്നാണ് ആചാര്യന്മാർ പറയുന്നത്. കർമ്മങ്ങൾ നടത്തി ഇതിന്റെ ദോഷകാഠിന്യം കുറയ്ക്കണം. കൂടാതെ ഉപാസനകൾ - നാമജപം, സൽകർമങ്ങൾ എന്നിവ പരമാവധി വർധിപ്പിക്കണം.
എല്ലാ സൽകർമ്മങ്ങളും കൂട്ടായി നടത്താൻ പറ്റാതെ വന്നേക്കാം. വ്യാഴം പിഴച്ചാൽ അതാണ് സ്ഥിതി. ആളുകൾകൂടും എന്ന കാരണം കൂട്ടായ ജപം, സത്സംഗം, സപ്താഹയജ്ഞങ്ങൾ എന്നിവപോലുള്ള ആദ്ധ്യാത്മിക കാര്യങ്ങൾപോലും മുടങ്ങും.
ഈ സമയത്ത് മൃത്യുഞ്ജയ മന്ത്രജപവും ധന്വന്തരി മന്ത്രജപവും പതിവാക്കുന്നത് നല്ലതാണെന്ന് പ്രമുഖ ജ്യോതിഷി ഡോ. ആറ്റുകാൽ രാധാകൃഷ്ണൻ പറഞ്ഞു.
മേയ് 3 ന് കഠിനകാലത്തിന് അയവുണ്ടാകുമെന്നാണ് സൂചന. ഏപ്രിൽ 30 വരെ ലോക്ക് ഡൗൺ മതിയെന്ന് സംസ്ഥാനങ്ങൾ നിർദ്ദേശിച്ചിട്ടും മേയ് 3 വരെ അത് തുടരാൻ പ്രധാന മന്ത്രി തീരുമാനിച്ചത് രാജ്യത്തിന്റെ സമയം മാറുന്നതിന് വേണ്ടിയാണെന്ന് കരുതാം.
https://www.facebook.com/Malayalivartha