യുഎസ് സംസ്ഥാനമായ വെര്‍ജീനീയയിലുള്ള കില്‍മാര്‍ക്കിലെ ഒരു ബ്യൂട്ടീഷനാണ് ഏപ്രില്‍ ഗില്‍മോര്‍ തിരക്കു പിടിച്ച ഒരു പ്രഭാതത്തില്‍ ഭര്‍ത്താവിനോടും രണ്ടു കുട്ടികളോടുമൊപ്പം പ്രാതലിനായി മക്‌ഡൊണാള്‍ഡിന്റെ ഒരു റസ്റ്റോറന്റില്‍ നിന്നും ഓരോ മഫിനാണ് വാങ്ങിയത്. മുട്ടയും സോസേജും ഒക്കെ അടുക്കിയിട്ടുള്ള ഒരു തരം സാന്‍ഡ് വിച്ചാണ് മക്മഫിന്‍. ധൃതി പിടിച്ച് കാറിലിരുന്ന് അതിന്റെ പകുതിയോളം കഴിച്ചു. അപ്പോഴാണ് അതിലേയ്ക്ക് അല്പം സോസ് ഒഴിക്കാന്‍ തുടങ്ങുമ്പോഴാണ് അതിനുള്ളില്‍ മുഴുവന്‍, ഷേവ് ചെയ്യുമ്പോള്‍ മുറിഞ്ഞു വീഴുന്നതു പോലുള്ള താടിരോമങ്ങള്‍ കണ്ടത്. ഇതിന്റെ പകുതിയോളം താന്‍ അകത്താക്കിയല്ലോ എന്നോര്‍ത്തപ്പോള്‍ അവള്‍ക്ക് ഓക്കാനും വന്നു.
ഏതായാലും അതിന്റെ ഒരു ഫോട്ടോയെടുത്ത് ഫേസ്ബുക്കില്‍ പോസ്റ്റു ചെയ്തു. പകുതി കഴിച്ച സാന്‍ഡ് വിച്ചുമായി തിരികെ റസ്റ്റോറന്റിലെത്തി. പരാതിപ്പെട്ടു. അവിടത്തെ മാനേജര്‍ അനുഭാവപൂര്‍ണ്ണമായ നിലപാടാണെടുത്തത്. ലോകത്താകമാനം ഭക്ഷ്യശ്രൃംഖലകളുള്ള മക്‌ഡൊണാള്‍ഡിന് തങ്ങളുടെ റസ്റ്റോറന്റുകള്‍ വൃത്തിഹീനമാണെന്ന് അംഗീകരിച്ചു കൊടുക്കാനാവില്ലല്ലോ. തന്‍മൂലം അവര്‍ അന്വേഷണത്തിന് ഉത്തരവിട്ടിട്ടുണ്ട്.
തങ്ങളുടെ റെസ്റ്റോറന്റുകളില്‍ നിന്നുള്ള ഭക്ഷണ പദാര്‍ത്ഥങ്ങളുടെ ഭക്ഷ്യ സുരക്ഷയ്ക്ക് ഏറ്റവും ഉയര്‍ന്ന പരിഗണനയാണ് നല്‍കുന്നതെന്നും ഇത്തരം ഒരു അനുഭവം ഉണ്ടായതില്‍ ഖേദിക്കുന്നുവെന്നും അറിയിച്ചു കൊണ്ട് മക്്‌ഡൊണാള്‍ഡ് ഏപ്രിലിനു കത്തെഴുതി. എങ്കിലും മക്‌ഡൊണാള്‍ഡിന്റെ ആ റസ്റ്റോറന്റില്‍ നിന്നും ഇനിയൊരിക്കലും ഒന്നും കഴിക്കില്ലെന്നു തന്നെയാണ് ഏപ്രിലിന്റെ തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha