പഠനചിലവുകള്‍ താങ്ങുന്നില്ല,ബ്രിട്ടനില്‍ വിദ്യാര്‍ഥികള്‍ ശരീരം വില്‍ക്കുന്നതായി റിപ്പോര്‍ട്ട്
പഠന ചെലവുകള്‍ക്ക് പണം കണ്ടെത്താനായി ബ്രിട്ടനില്‍ വിദ്യാര്‍ഥികള്‍ ശരീരം വില്‍ക്കുന്നതായി റിപ്പോര്‍ട്ട്. ജീവിത ചിലവുകള്‍ക്കും ഫീസടക്കാനുമായിട്ടാണ് വിദ്യാര്‍ഥിനികള്‍ ശരീരം വില്‍ക്കാന്‍ തയ്യാറാവുന്നത്. ഇനരെ ചൂഷണം ചെയ്യാനാണ് പല ഏജന്‍സികളും രംഗത്തുണ്ട്. ഇത്തരം ഏജന്‍സികള്‍ വന്‍തുകയാണ് ഓഫര്‍ ചെയ്തിരിക്കുന്നത്. ബ്രിട്ടനില്‍ ഇത്തരത്തിലുള്ള എസ്‌കോര്‍ട്ട് ഏജന്‍സികള്‍ നിരവധിയുണ്ട്.
സോഷ്യല്‍ മീഡിയ പോസ്റ്റുകളായി പരസ്യം നല്‍കി വന്‍തുക വാഗ്ദാനം നല്‍കിയാണ് വിദ്യാര്‍ത്ഥികളെ ഇവര്‍ ആകര്‍ഷിക്കുന്നത്. ഇടപാടുകാര്‍ക്കൊപ്പം ഒരു രാത്രി ചെലവിട്ടാല്‍ ഏകദേശം അയ്യായിരം രൂപ മുതല്‍ എഴുപത്തിയയ്യായിരം രൂപ വരെ വിദ്യാര്‍ത്ഥികള്‍ക്ക് നേടാനാകുമെന്ന് യൂണിവേഴ്‌സിറ്റി ഓഫ് ലീഡ്‌സ് നടത്തിയ ഒരു പഠനം പറയുന്നു. എസ്‌കോര്‍ട്ടുകള്‍ക്ക് ആഴ്ചയില്‍ ലക്ഷക്കണക്കിന് രൂപ നേടാനാകുമെന്നും റിപ്പോര്‍ട്ട് ചൂണ്ടിക്കാട്ടുന്നു. തങ്ങളുടെ ഹോട്ട്‌ലൈനുകളിലേക്ക് കൂടുതല്‍ വിദ്യാര്‍ത്ഥിനികളുടെ വിളികള്‍ വരുന്നതായി ഇംഗ്ലീഷ് കളക്ടീവ് ഓഫ് പ്രോസ്റ്റിറ്റിയൂട്ട് വക്താവ് ലോറ വാട്‌സണ്‍ പറയുന്നു. ലോണുകള്‍ വ്യാപകമായതോടെ വിദ്യാര്‍ത്ഥികളുടെ വിളികളും വര്‍ധിച്ചതായും ലോറ പറയുന്നു.
സോഷ്യല്‍ നെറ്റ് വര്‍ക്കിലൂടെയാണ് എസ്‌കോര്‍ട്ട് ഏജന്‍സികളും ലാപ് ഡാന്‍സിങ് ക്ലബുകളും സുന്ദരിമാരായ വിദ്യാര്‍ത്ഥിനികളെ അധിക പണം നേടാമെന്ന വാഗ്ദാനവുമായി രംഗത്തുള്ളത്. ഇവര്‍ ഫേസ്ബുക്കിലെ വിദ്യാര്‍ത്ഥി ഗ്രൂപ്പുകളില്‍ പരസ്യം പോസ്റ്റ് ചെയ്തും ട്വിറ്ററില്‍ ഫോളോ ചെയ്ത് പരസ്യമിട്ടുമാണ് ആളെ തേടുന്നത്. മാഞ്ചസ്റ്ററിനുടത്ത് പ്രവര്‍ത്തിക്കുന്ന സഫ്രോണ്‍ ഗോള്‍ഡ് എന്ന എസ്‌കോര്‍ട്ട് ഏജന്‍സി ഇത്തരത്തില്‍ ഒരു പരസ്യം മാഞ്ചസ്റ്റര്‍ ആന്‍ഡ് സാല്‍ഫോട് യൂണിവേഴ്‌സിറ്റി സ്റ്റുഡന്റ്‌സ് എന്ന ഫേസ്ബുക്ക് ഗ്രൂപ്പില്‍ ഒരു പരസ്യം പോസ്റ്റ് ചെയ്തിരുന്നു. ആകര്‍ഷകമായ ആകാരവും സൗന്ദര്യവും വ്യക്തിത്വവുമുള്ള 18നും 40നും ഇടയില്‍ പ്രായമുള്ള യുവതികളെ എസ്‌കോര്‍ട്ട് സര്‍വീസിനായി ആവശ്യമുണ്ടെന്നായിരുന്നു ഈ പരസ്യം. ഇടപാടുകള്‍ വ്യത്യസ്ത അഭിരുചികളുള്ളവരായതിനാല്‍ വിവിധ മേഖലകളില്‍ നിന്നുള്ള സുന്ദരികളെ ആവശ്യമുണ്ടെന്നും പരസ്യത്തിലുണ്ട്.
ഈസ്റ്റ് ആംഗ്ലിയയിലെ ട്വിറ്റര്‍ ഉപയോഗിക്കുന്നവര്‍ക്കും മറ്റൊരു ഏജന്‍സിയുടെ സമാന പരസ്യം മെസേജുകളായി ലഭിച്ചു. ഇവര്‍ കാര്യമായും ആവശ്യപ്പെടുന്നത് വിദ്യാര്‍ത്ഥികളേയാണ്. ക്ലബ് മാനേജര്‍മാരും വിദ്യാര്‍ത്ഥികളെ ഇത്തരം സേവനങ്ങള്‍ക്ക് ഉപയോഗപ്പെടുത്താന്‍ തേടുന്നുണ്ടെന്ന് ലീഡ്‌സ് യൂണിവേഴ്‌സിറ്റി പഠനത്തില്‍ പറയുന്നുണ്ട്്. ഭാരിച്ച ജീവിത ചെലവും വിദ്യാഭ്യാസ കടവും മൂലം കൂടുതല്‍ പണം കണ്ടെത്താനായി യുവതീ യുവാക്കള്‍ സെക്‌സ് വ്യവസായ രംഗത്തേക്ക് കടന്നു വരുന്ന പ്രവണത വര്‍ധിച്ചിരിക്കുകയാണെന്ന് ദി ടൈസും റിപ്പോര്‍ട്ട് ചെയ്യുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
