വടുതല വാത്സല്യഭവന് അനാഥാലയത്തിലെ കുഞ്ഞനുജത്തിമാര് നിര്മിച്ചു നല്കിയ മാസ്ക് കൊറോണകാലം അതിജീവിച്ചശേഷവും കഴുകി വൃത്തിയാക്കി ഒരു നിധിപോലെ സൂക്ഷിക്കുമെന്ന് ജില്ലാ കളക്ടര്
വടുതല വാത്സല്യഭവന് അനാഥാലയത്തിലെ കുഞ്ഞനുജത്തിമാര് എറണാകുളം ജില്ലാ കളക്ടര് എസ്. സുഹാസിന് അവര് നിര്മിച്ച ഒരു മാസ്ക് സമ്മാനിച്ചിരുന്നു. അതിന് നന്ദി അറിയിച്ചുകൊണ്ട് അദ്ദേഹം ഫേസ്ബുക്കില് കുറിപ്പിട്ടു.
അതിലിങ്ങനെ പറയുന്നു: ഇതിലും വലിയ സംരക്ഷണം ഇല്ല! ഈ സ്നേഹത്തിന്രേയും കരുതലിന്റേയും മുന്നില് എങ്ങനെ നന്ദി പറയണം എന്നെനിക്കറിയില്ല. ഇവരുടെ സ്നേഹത്തിനു മുന്നിലാണ് നമ്മള് തോറ്റുപോകുന്നത്. ഇവര് നിര്മിച്ചു നല്കിയ മാസ്ക് കൊറോണകാലം അതിജീവിച്ചശേഷവും കഴുകി വൃത്തിയാക്കി ഒരു നിധിപോലെ സൂക്ഷിക്കാന് ഞാന് ആഗ്രഹിക്കുന്നു
ഈകൊറോണ കാലത്ത് ഈ പ്രായത്തിലും എങ്ങനെ സമൂഹസേവനം ചെയ്യാം എന്നതിന് ഉത്തമ ഉദാഹരണമാണിത്. എനിക്ക് മാത്രമല്ല, നിരവധി പോലീസ് സ്റ്റേഷനുകളിലും ഇവര് മാസ്ക് നല്കിയിട്ടുണ്ട്. വില്ക്കുകയല്ല ആ സ്നേഹം ജനങ്ങളിലേക്ക് എത്തുകയാണ്. അവരുടെ മനസ് പോലെ വര്ണ ശബളമാണ് ഈമാസ്കുകള് -കളക്ടര് ഫേസ്ബുക്കില് എഴുതി.
ഈ തിരക്കൊക്കെ ഒഴിഞ്ഞു ഒരുദിവസം കുടുംബമായി ഈ അനുജത്തിമാരോടൊപ്പം ചെലവഴിക്കാന് എത്താമെന്ന് വാക്കുനല്കിയാണ് കളക്ടര് കുറിപ്പ് അവസാനിപ്പിച്ചിരിക്കുന്നത്. കുട്ടികള് നല്കിയ മാസ്ക് അണിഞ്ഞുള്ള പടവും ഇതോടൊപ്പമുണ്ട്.
https://www.facebook.com/Malayalivartha