ഇന്ത്യ ജയിക്കുമെന്ന ഉറച്ച് പ്രതീക്ഷയിലായിരുന്നു ഇന്നലെ ഓരോ ക്രിക്കറ്റ് പ്രേമികളും. പക്ഷെ, ഫലം വന്നതോടെ ആരാധകര്‍ നിരാശരായി. സിഡ്‌നി ക്രിക്കറ്റ് ഗ്രൗണ്ടില്‍ ഇന്ത്യന്‍ ടീം അങ്ങനെ തോല്‍വി രണ്ട് കൈനീട്ടിയും ഏറ്റുവാങ്ങി. പക്ഷെ, സിഡ്‌നി സ്‌റ്റേഡിയത്തില്‍ ക്രിക്കറ്റ് കാണാന്‍ വന്ന ഓരോ മലയാളികളിലും പ്രതിഷേധത്തിന്റെ സ്വരവും ഭാവവുമുണ്ടായിരുന്നു എന്നതാണ് യാഥാര്‍ത്ഥ്യം. ക്രിക്കറ്റില്‍ ഇന്ത്യ പരാജയപ്പെട്ടെങ്കിലും സ്റ്റേഡിയത്തില്‍ കാണാന്‍ വന്ന ഇന്ത്യന്‍ ആരാധകര്‍ അത് കൊണ്ടെന്നും നിരാശപ്പെടാന്‍ തയ്യാറായിരുന്നില്ല. കളിക്കിടെ സ്‌റ്റേഡിയത്തില്‍ കളി കാണാന്‍ വന്ന ആരാധകര്‍ മുഖ്യമന്ത്രി രാജിവയ്ക്കണമെന്ന പോസ്റ്ററുകള്‍ ഉയര്‍ത്തി പിടിച്ചു.
സിഡ്‌നിയിലെ സ്‌റ്റേഡിയത്തിലും അങ്ങനെ കേരള രാഷ്ട്രീയത്തിന്റെ അഴിമതി കഥകളും ബാര്‍ വിഷയങ്ങളും ഉയര്‍ന്നു. ഇന്ത്യ കളിച്ച് തോറ്റാലും ജയിച്ചാലും മുഖ്യമന്ത്രി രാജിവെക്കണമെന്നായിരുന്നു പോസ്റ്ററുകള്‍ ഉയര്‍ത്തി പിടിച്ചവരുടെ ആവശ്യം. ഇന്ത്യന്‍ ജേഴ്‌സി അണിഞ്ഞെത്തിയ മലയാളി ആരാധകരാണ് മുഖ്യമന്ത്രി രാജിവെക്കണം എന്ന പോസ്റ്ററില്‍ എഴുതിയത്. ഇത് ഫേസ്ബുക്കിലൂടെ പുറത്തുവിടുകയും ചെയ്തു ഇവര്‍. എന്നാല്‍ ആരാണ് ആ മുഖ്യമന്ത്രി എന്നതാണ് പലരുടെയും സംശയം. വെറെ ആരുമല്ല. കേരളത്തിന്റെ മുഖ്യമന്ത്രി ഉമ്മന്‍ ചാണ്ടി തന്നെ.
ബാര്‍ വിഷയം, സോളാര്‍ തട്ടിപ്പ് കേസ് അങ്ങനെ നിരവധി ആരോപണങ്ങള്‍ നേരിടുന്ന ഉമ്മന്‍ ചാണ്ടിക്ക് നല്ലൊരു പണി കൊടുക്കാന്‍ കാത്തിരിക്കുകയായിരുന്നു സിഡ്നിയിലെ മലയാളികള്‍. മലയാളത്തിലെ എഴുത്ത് ലോകം മുഴുവനും കാണട്ടെ എന്ന് കരുതി തന്നെയാണ് ഇവരുടെ പോസ്റ്ററുകളും. മലയാളത്തില്‍ എഴുതിയ പോസ്റ്ററുകളുമായി നിരവധി മലയാളികളാണ് സിഡ്‌നി സ്‌റ്റേഡിയത്തില്‍ കളി ആസ്വാദിക്കാന്‍ എത്തിയത്. ഏതായാലും ഇത്തരം അഭിപ്രായ പ്രകടനങ്ങള്‍ ഉമ്മന്‍ ചാണ്ടിക്ക് തലവേദന തന്നെയാണ് സൃഷ്ടിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha