കിണറ്റിലെ ചെളിയിലേക്ക് വീണ ആനക്കുട്ടിയെ തള്ളയാന രക്ഷിച്ചു, കുട്ടി ആനയെ രക്ഷപ്പെടുത്തുന്നതിന്റെ വീഡിയോ ഇപ്പോള് വൈറലാകുന്നു
ഒരമ്മയുടെ സ്നേഹവും ലാളനയും ഒരിക്കലും മനുഷ്യര്ക്ക് മാത്രം അവകാശപ്പെടാന് പറ്റില്ല. ഈ ലോകത്തിലെ എല്ലാ ജീവികള്ക്കും മൃഗങ്ങള്ക്കും മാതൃസ്നേഹം ഒരുപ്പോലെയാണ്. അതിന് ഉത്തമമായ ഒരു സംഭവമാണ് ഝാര്ഖണ്ഡിലെ ഛത്ര ജില്ലയിലെ ഉള്നാടന് ഗ്രാമത്തില് അടുത്തിടെ നടന്നത്. അപകടത്തില്പ്പെട്ട ഒരു കുട്ടി ആനയെ തള്ളയാന രക്ഷിക്കുന്നതാണ് എല്ലാവരെയും അതിശയിപ്പിച്ച ഒരു കാഴ്ച്ച.
ഇയൊരു അപൂര്വ്വം കാഴ്ച്ച കാണാന് നിരവധി പേരാണ് സംഭവ സ്ഥലത്ത് തടിച്ച് കൂടിയത്. 11 മണിക്കൂറോളം കുട്ടിയാനയുടെ സമീപത്തുനിന്ന തള്ളയാന കുട്ടിയെ കിണറ്റില്നിന്ന് വലിച്ചുകയറ്റാന് ശ്രമിച്ചുകൊണ്ടിരുന്നു. കിണറ്റിലെ ചെളിയിലേക്ക് വീണുപോയ ആനക്കുട്ടി രക്ഷപ്പെടുമെന്ന് അവിടെ നിന്നവര് പോലും പ്രതീക്ഷിച്ചിരുന്നില്ല.
കിണറ്റിലെ ചെളിയിലേക്ക് പൂണ്ടുപോകാതിരിക്കാന് ആദ്യം തുമ്പിക്കൈകൊണ്ടും പിന്നീട് കാലുകൊണ്ടും കുട്ടിയെ തടഞ്ഞുനിര്ത്തിയ ആനയുടെ ശ്രമം ഇടയ്ക്ക് അപകടമാവുകയും ചെയ്തു. കിണറ്റിന്കരയില്നിന്ന് കൂടുതല് ചെളിയും മണ്ണും വീണ്ടും കിണറ്റിലേക്ക് വീണു. ഇതോടെ കുഞ്ഞ് കൂടുതല് അപകടാവസ്ഥയിലാവുകയായിരുന്നു. രാത്രി ഒമ്പതുമണിയോടെയാണ് കുട്ടിയാന കിണറ്റില് വീണത്. രാവിലെ എട്ടുമണിയോടെ അതിനെ രക്ഷിക്കുംവരെ തള്ളയാന അരികില്ത്തന്നെ നിന്നിരുന്നു. തള്ളയാനയുടെ കരച്ചില് കേട്ടെത്തിയ നാട്ടുകാര് ആദ്യം ഭയന്ന് മാറിനിന്നെങ്കിലും പിന്നീട് തള്ളയാനയെ വിരട്ടി കിണറ്റിനരികില്നിന്ന് മാറ്റുകയും കൂടുതല് മണ്ണിടിയാതെ നോക്കി.
തള്ളയാനയ്ക്ക് ഏതാനും വാഴകള് വെട്ടിക്കൊടുത്തു. ജനങ്ങള് സംഘടിച്ച് ചെളിയും മണ്ണും നീക്കം ചെയ്ത് ആനക്കുട്ടിയെ രക്ഷപ്പെടുത്തി. ഈ സമയം അരികിലേക്ക് വന്ന തള്ളയാന തന്റെ തുമ്പിക്കൈ ഉപയോഗിച്ച് ആനക്കുട്ടിയെ വാരിപ്പിടിക്കുകയും വലിച്ച് കയറ്റുകയും ചെയ്തു. അതിന് ശേഷം അവര് ഒരുമിച്ച് കാട്ടിലേക്ക് മടങ്ങുകയും ചെയ്തു. ഈ കാഴ്ച്ച അവിടെ നിന്ന കാഴ്ച്ചക്കാരെ അമ്പരപ്പിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha