ചൈനീസ് സൈന്യം പിന്വാങ്ങിയിട്ടില്ല; പറയുന്നത് രാഹുല് ഗാന്ധിയല്ല വിദേശകാര്യ മന്ത്രാലയം; വാക്കു പാലിക്കാത്ത ചൈനീസ് സൈന്യത്തിന്റെ ആത്മാര്ത്ഥയില് വിശ്വാസമെന്നും വിദേകാര്യ മന്ത്രാലയം; നേട്ടം സംഘര്ഷാവസ്ഥയിലുണ്ടായ കുറവുമാത്രം
കിഴക്കന് ലഡാക്കില് നിന്ന് ചൈനീസ് സൈന്യം ഇതുവരെയും പൂര്ണമായും പിന്വാങ്ങിയിട്ടില്ലെന്ന് വിദേശകാര്യ മന്ത്രാലയം. വിദേശകാര്യ മന്ത്രാലയത്തിന്റെ ഈ തുറന്ന് പറച്ചില് കോണ്ഗ്രസ് നേതാവ് രാഹുല് ഗാന്ധിയുടെ പ്രസ്താവനയെ ശരിവയ്ക്കുന്നതാണ്. ബി.ജെ.പി നേതൃത്വം അതിരൂക്ഷമായി വിമര്ശിച്ചപ്പോഴും അതിര്ത്തിയില് ചൈന കടന്നുകയറിയെന്ന ആരോപണം ആവര്ത്തിച്ച് രാഹുല് ഗാന്ധി രംഗത്ത് തന്നെയുണ്ടായിരുന്നു. ഇന്ത്യന് മണ്ണില് ചൈന കടന്നുകയറിയെന്നുള്ളത് സത്യമായ കാര്യമാണ്. രാജ്യവിരുദ്ധമായതിനാല് ഈ സത്യം ഒളിച്ചുവച്ചിരിക്കുകയാണ്. ചൈനയുടെ കടന്നുകയറ്റം തന്റെ രക്തം തിളപ്പിക്കുന്നുവെന്നും എറ്റവും ഒടുവില് പുറത്തു വിട്ട വിഡിയോ സന്ദേശത്തില് രാഹുല് ഗാന്ധി ആരോപിച്ചു.
'ചില പുരോഗതികള് കൈവരിച്ചു, പക്ഷേ സൈനിക പിന്മാറ്റം ഇതുവരെ പൂര്ത്തിയായിട്ടില്ല. സമ്പൂര്ണ്ണ പിന്മാറ്റത്തിനായി ചൈനീസ് പക്ഷം ആത്മാര്ത്ഥമായി പ്രവര്ത്തിക്കുമെന്ന് ഞങ്ങള് പ്രതീക്ഷിക്കുന്നുവെന്നുമാണ് വിദേശകാര്യ മന്ത്രാലയം വക്താവ് അനുരാഗ് ശ്രീവാസ്തവ കഴിഞ്ഞ ദിവസം പറഞ്ഞത്. തങ്ങളുടെ സൈന്യം ലഡാക്കിലെ മിക്ക പ്രദേശങ്ങളില് നിന്നും പിന്മാറിയെന്നും ചൈന ഇന്ത്യക്ക് തന്ത്രപരമായ ഭീഷണിയല്ലെന്നും ചൈനീസ് അംബാസഡര് സണ് വീഡോംഗ് പറഞ്ഞിരുന്നു. ഇത് കഴിഞ്ഞ് ഏതാനും മണിക്കൂറിനുള്ളിലാണ് വിദേശകാര്യ മന്ത്രാലയത്തില് നിന്നുള്ള പുതിയ പ്രതികരണം. പാന്ഗോങ്, ഡേപ്സാങ് എന്നീ മേഖലകളിലെ സേനാ പിന്മാറ്റത്തില് ചൈന കാര്യമായ നടപടി സ്വീകരിയ്ക്കാത്ത സാഹചര്യത്തിലാണ് ഇത്തരമൊരു പ്രതികരണം ഇന്ത്യ നടത്തിയത്.
ഇരുപക്ഷവും ഭിന്നതകള് ശരിയായി കൈകാര്യം ചെയ്യണമെന്നും ഉഭയകക്ഷി ബന്ധം സാധാരണ നിലയിലേക്ക് കൊണ്ടുവരണമെന്നും സണ് വീഡോംഗ് പറഞ്ഞു. 'ഇരുരാജ്യങ്ങളുടെയും അവരുടെ ജനങ്ങളുടെയും അടിസ്ഥാന താല്പ്പര്യങ്ങള് ഇരുപക്ഷവും മനസിലാക്കണം. സഹകരണത്തില് ഉറച്ചുനില്ക്കണം,' അദ്ദേഹം പറഞ്ഞു. ഇന്ത്യന്, ചൈനീസ് സൈന്യങ്ങളുടെ കോര്പ്സ് കമാന്ഡര്മാര് തമ്മിലുള്ള അഞ്ചാം വട്ട ചര്ച്ച ഈ വാരാന്ത്യത്തോടെ നടക്കാനിരിക്കുകയാണ്. ലഡാക്കില് ഏറ്റുമുട്ടലുണ്ടായ പംഗോംഗ് ത്സോ, ഗോഗ്രയിലെ പട്രോളിംഗ് പോയിന്റ് 17 എന്നിവിടങ്ങളില് നിന്ന് കൂടുതല് പിന്മാറ്റത്തിന് ചൈനീസ് സൈന്യം വിമുഖത കാണിക്കുന്നതായി അടുത്തിടെ റിപ്പോര്ട്ടുകള് പുറത്തുവന്നിരുന്നു.
അതിര്ത്തി പ്രശ്നങ്ങളില് ഏകോപനമുണ്ടാക്കുന്ന കാര്യം ചര്ച്ച ചെയ്യുന്നതിന് ഇന്ത്യന്, ചൈനീസ് പ്രതിനിധികള് കഴിഞ്ഞ വാരം ഒരു വിര്ച്വല് കൂടിക്കാഴ്ച നടത്തിയിരുന്നു. കഴിയുന്നതും വേഗം പിന്മാറ്റം പൂര്ത്തിയാക്കാനാണ് ഇരു പക്ഷവും ശ്രമിക്കുന്നതെന്നാണ് കൂടിക്കാഴ്ചയ്ക്ക് ശേഷം വിദേശകാര്യ മന്ത്രാലയം അറിയിച്ചത്. മേയ് മാസത്തിലാണ് ലഡാക്കില് ഇരുപക്ഷവും സംഘര്ഷാവസ്ഥയിലേക്ക് നീങ്ങാന് ആരംഭിച്ചത്. ജൂണ് 15നുണ്ടായ അക്രമാസക്തമായ ഏറ്റുമുട്ടലിനെത്തുടര്ന്ന് 20 ഇന്ത്യന് സൈനികര് കൊല്ലപ്പെടുകയും ചെയ്തിരുന്നു. ഇതിന് ശേഷം ചൈന വലിഞ്ഞുക്കെട്ടാന് നിരവധി നയതന്ത്രപരമായ തീരുമാനങ്ങള് കേന്ദ്ര സര്ക്കാര് ഏടുത്തിയിരുന്നു. ചൈനീസ് ആപ്പുകളുടെ നിരോധനവും ചൈനീസ് കമ്പനികളെ ഇന്ത്യയുടെ വികസന കരാരുകളില് നിന്നും ഒഴിവാക്കിയതും ചൈനയില് നിന്നുള്ള ഇറക്കുമതി നിയന്ത്രിച്ചതുമെല്ലാം ഇതിന്റെ ഭാഗമായിയാണ്. ഇതിനൊപ്പം ലോക രാജ്യങ്ങള്ക്കിടയില് ഒറ്റപ്പെടുത്താനുള്ള ശ്രമവും ഇന്ത്യ നടത്തി. ഇതിന്റെ ഫലമായികൂടിയാണ് അതിര്ത്തിയില് സംഘര്ഷത്തിന് അയവ് വന്നത്. എന്നാല് ചൈന കൈയേറിയ സ്ഥലം പൂര്ണമായി ഒഴിയാന് അവര് തയ്യാറാകാത്തത് കേന്ദ്ര സര്ക്കാരിന് വെല്ലുവിളിയാകുന്നുമുണ്ട്.
https://www.facebook.com/Malayalivartha