മെയ്ഡ് ഇന് ചൈന വേണ്ട 'മെയ്ക്ക് ഇന് ഇന്ത്യ' മതി ; ടെണ്ടറിംഗിന് ചൈനീസ് കമ്പനി; ടെണ്ടര് നടപടികള് റദ്ദാക്കി ഇന്ത്യന് റെയില്വേ ; ഹൈസ്പീഡ് 'വന്ദേ ഭാരത്' ട്രെയിനുകള് നിര്മിക്കാന് 'മെയ്ക്ക് ഇന് ഇന്ത്യ'ക്ക് മുന്ഗണന
ചൈനയുടെ അഹങ്കാരത്തിന് അവസരം കിട്ടുമ്പോള് എല്ലാം ഇന്ത്യ നല്ല അടി കൊടുക്കാറുണ്ട്. ചൈനീസ് കമ്പനികളെ ഇന്ത്യയുടെ എല്ലാ വികസന പദ്ധതികളില് നിന്നും കേന്ദ്ര സര്ക്കാരും സംസ്ഥാന സര്ക്കാരുകളും ഒഴിവാക്കി. എന്നിട്ടും അവര് റെയില്വേയുടെ ടെണ്ടര് നടപടികളില് ഒരു നാണവുമില്ലാതെ പങ്കെടുത്തിരിക്കുകയാണ്. അവരെ ഒഴിവാക്കാന് വേണ്ടി മാത്രം ടെണ്ടര് നടപടി റദ്ദാക്കിയ ഇന്ത്യന് റെയില്വേ മാസാണ്. 44 സെമി ഹൈസ്പീഡ് 'വന്ദേ ഭാരത്' ട്രെയിനുകള് നിര്മിക്കാനുളള ടെണ്ടര് നടപടികളാ റെയില്വെ റദ്ദാക്കിക്കിയത്. കാരണം ചൈനീസ് കമ്പനിയുമായി ചേര്ന്നുള്ള ഒരു ടെന്ഡര് കൂടി ഉള്പ്പെട്ടു എന്നതുകൊണ്ട് മാത്രം. കാര്യങ്ങള് വ്യക്തമായതോടെ ഇന്നലെ രാത്രിയോടെ തിടുക്കത്തിലാണ് ടെണ്ടര് റദ്ദാക്കിയത്. ഒരാഴ്ചയ്ക്കുള്ളില് പുതിയ ടെണ്ടര് വിളിക്കും.
കേന്ദ്രത്തിന്റെ 'മെയ്ക്ക് ഇന് ഇന്ത്യ'ക്ക് മുന്ഗണന നല്കിക്കൊണ്ടുളളതായിരിക്കും പുതിയ ടെന്ഡര് വിളിക്കുക. ടെണ്ടര് റദ്ദാക്കാനുളള നീക്കം ചൈനയക്ക് വന് തിരിച്ചടിയാണ്. 44 സെമി ഹൈസ്പീഡ് ട്രെയിനുകള് നിര്മ്മിക്കുന്നതിന് ആറ് കമ്പനികളാണ് ടെന്ഡര് സമര്പ്പിച്ചത്. ഇതില് ഒരെണ്ണം ഒന്ന് ചൈനീസ് കമ്പനിയുമായി ചേര്ന്നുള്ള സിആര്ആര്സി പയനിയര് ഇലക്ട്രിക് പ്രൈവറ്റ് ലിമിറ്റഡിന്റേതായിരുന്നു. ചൈന ആസ്ഥാനമായി പ്രവര്ത്തിക്കുന്ന സിആര്ആര്സി യോങ്ജി ഇലക്ട്രിക് കമ്പനി ലിമിറ്റഡും ഗുരുഗ്രാം ആസ്ഥാനമായി പ്രവര്ത്തിക്കുന്ന ഫില്മെഡ് െ്രെപവറ്റ് ലിമിറ്റഡും തമ്മില് സംയുക്ത സംരംഭം രൂപീകരിക്കുന്നത്. 2015 ലാണ് ഈ കമ്പനി സ്ഥാപിച്ചത്. ഭെല് (ഭാരത് ഹെവി ഇലക്ടിക്കല്സ്) ഉള്പ്പെടെ അഞ്ച് ഇന്ത്യന് കമ്പനികളും ടെന്ഡറിനായി രംഗത്തുണ്ടായിരുന്നു. അതിര്ത്തി സംഘര്ഷങ്ങളുടെ പശ്ചാത്തലത്തില് ചൈനയ്ക്കെതിരെ സാമ്പത്തിക, വ്യാപാര, വ്യവസായ നടപടികള് ശക്തമാക്കുന്നതിന്റെ ഭാഗമായാണ് വന്ദേഭാരത് അതിവേഗ പദ്ധതിയിലും ചൈനീസ് കമ്പനിക്ക് വിലക്ക് ഏര്പ്പെടുത്തുന്നത്. കിഴക്കന് ചരക്ക് ഇടനാഴിയില് 400 കിലോമീറ്റര് റെയില്വേ ലൈനില് സിഗ്നലിങ് സംവിധാനം ഏര്പ്പെടുത്താന് ബെയ്ജിങ് നാഷനല് റെയില്വേ റിസര്ച്ച് ആന്ഡ് ഡിസൈന് ഇന്സ്റ്റിറ്റിയൂട്ടിനു നല്കിയ 500 കോടി രൂപയുടെ കരാര് അടുത്തിടെ റദ്ദാക്കിയിരുന്നു.
ആഭ്യന്തര കമ്പനികളാണ് ടെണ്ടര് എടുത്തിരിക്കുന്നതെന്ന് ഉറപ്പാക്കുന്നതില് അതീവശ്രദ്ധ പുലര്ത്തിയിരുന്ന റെയില്വേ പദ്ധതിക്കായി ചൈനീസ് സംയുക്ത സംരംഭവും ഉണ്ടെന്ന് ബോധ്യപ്പെട്ടതോടെ ടെണ്ടര് റദ്ദാക്കാന് തീരുമാനിക്കുകയായിരുന്നു. ഭാരത് ഹെവി ഇലക്ട്രിക്കല്സ് ലിമിറ്റഡ്, ഭാരത് ഇന്ഡസ്ട്രീസ്, സന്ഗ്രുര്, ഇലക്ട്രോവേവ്സ് ഇലക്ട്രോണിക്സ് െ്രെപവറ്റ് ലിമിററഡ്, പവര്ണെറ്റിക്സ് എക്യുപ്മെന്റ് ഇന്ത്യ െ്രെപവറ്റ് ലിമിററഡ് എന്നിവയാണ് മറ്റുളള അഞ്ചുകമ്പനികള്.
ഇന്ത്യചൈന അതിര്ത്തി സംഘര്ഷത്തിന് ശേഷം ചൈനയ്ക്കെതിരെ കടുത്ത നിയന്ത്രണങ്ങള് ഇന്ത്യ ഏര്പ്പെടുത്തിയിരുന്നു. സോളാര് ഉപകരണങ്ങള് പോലുളള ചൈനീസ് ഉല്പന്നങ്ങളുടെ ഇറക്കുമതിക്ക് നിരോധനമേര്പ്പെടുത്തിയിരുന്നു. ചൈനീസ് ആപ്പുകളും നിരോധിച്ചു. കോവിഡ് 19 നിരീക്ഷണത്തിന് വേണ്ടിയുളള തെര്മല് ക്യാമറകളുടെ ടെണ്ടറും ഇതിനകം റെയില്വേ റദ്ദാക്കിയിരുന്നു. ഇന്ത്യ ചൈനീസ് ഇറക്കുമതിയും കുറച്ചിരുന്നു. ഇതോടെ ചൈനക്ക് നഷ്ടമായത് വലിയൊരു മാര്ക്കറ്റും വന് വാണിജ്യ നഷ്ടവുമാണ്.
https://www.facebook.com/Malayalivartha