കോവിഡ് ഡ്യൂട്ടി മൂലം മാറ്റിവച്ച വിവാഹം ലളിതമായ ചടങ്ങുകളോടെ ഇന്നലെ നടത്തി, നഴ്‌സ് രജീഷിന് ഇനി ജിഷിത കൂട്ട്!
മെഡിക്കല്‍ കോളജ് ആശുപത്രിയില്‍ നഴ്‌സ് ആണ് പുളിക്കല്‍ സ്വദേശി എം.രജീഷ്. ഏപ്രില്‍ 9-ന് വിവാഹം നടത്താന്‍ നിശ്ചയിച്ച് ഒരുക്കങ്ങള്‍ നടത്തിയെങ്കിലും ഒരാഴ്ച മുന്‍പ് മാറ്റി. അടുത്ത തീയതി പോലും നിശ്ചയിക്കാന്‍ കഴിഞ്ഞില്ല.
ജില്ലയില്‍ കോവിഡ് റിപ്പോര്‍ട്ട് ചെയ്തതു മുതല്‍ രജീഷിന് കോവിഡ് ഡ്യൂട്ടിയാണ്. പോസിറ്റീവ് കേസുകളുമായി ഇടപെടലും ക്വാറന്റീനും ആയതോടെ നിശ്ചയിച്ചുറപ്പിച്ച വിവാഹം നീണ്ടു. പിന്നീട് വിദേശത്തുനിന്നു വരുന്നവര്‍ക്ക് ആന്റിജന്‍ പരിശോധന നടത്തുന്ന ചുമതലയായി. വീണ്ടും ഹൈ റിസ്‌ക് ജോലി. ഇതിനിടെ സഹപ്രവര്‍ത്തകരില്‍ ചിലര്‍ പോസിറ്റീവ് ആവുകയും ചിലര്‍ ക്വാറന്റീനില്‍ പ്രവേശിക്കുകയും ചെയ്തു.
ഒടുവില്‍, കോവിഡിനെതിരെ ഉള്ള കരുതലും മനഃസാന്നിധ്യവും മുറുകെ പിടിച്ചുകൊണ്ടുതന്നെ വിവാഹം നടത്താന്‍ തീരുമാനിക്കുകയായിരുന്നു. അതോടെ കണ്ണമംഗലം സ്വദേശി ജിഷിതയുമായുള്ള വിവാഹം ലളിതമായ ചടങ്ങുകളോടെ ഇന്നലെ നടത്തി.
https://www.facebook.com/Malayalivartha
