രണ്ട് സുപ്രധാന വിധികള്; രണ്ടിലും സര്ക്കാരിന് തിരിച്ചടി; പെരിയ ഇരട്ടക്കൊലക്കേസില് സി.ബി.ഐ വരും; അതെസമയം വിമാനത്താവള വിഷയത്തില് ഹൈക്കോടതിയുടെ വിധി ഇന്നലെ നിയമസഭ പാസക്കിയ പ്രമേയത്തെ പോലും അപ്രസക്തമാക്കി
ഇന്നലെ നിയമസഭയിലെ അവിശ്വാസമാണ് സര്ക്കാരിന് വെല്ലുവിളിയാതെങ്കില് ഇന്ന് സര്ക്കാരിന് വെല്ലുവിളി ഉയര്ത്തിയത് ഹൈക്കോടതി വിധികളാണ്. ഇന്ന് രണ്ട് സുപ്രധാന കേസുകളിലാണ് ഹൈക്കോടതി വിധി പറഞ്ഞത്. ഒന്ന് സി.പി.എമ്മിനും സര്ക്കാരിനും വലിയ തലവേദയായ പെരിയ ഇരട്ടക്കൊലക്കേസില് സര്ക്കാരിന്റെ വാദങ്ങള് തള്ളി സി.ബി.ഐ അന്വേഷണത്തിന് വഴി ഒരുങ്ങി. സംസ്ഥാന സര്ക്കാരിന്റെ ഹര്ജി ഹൈക്കോടതി ഡിവിഷന് ബഞ്ച് തള്ളി. അതെ സമയം തന്നെ വിമാനത്താവളം അദാനി ഗ്രൂപ്പിന് പാട്ടത്തിന് നല്കാനുള്ള നടപടി അടിയന്തരമായി സ്റ്റേ ചെയ്യണമെന്ന് സര്ക്കാരിന്റെ ആവശ്യത്തോട് ഹൈക്കോടതി വിസമ്മതിച്ചു. ഇതോടെ ഇന്ന് ഹൈക്കോടതി സര്ക്കാരിന് നല്കിയത് ഇരട്ട പ്രഹരമാണ്.
പെരിയക്കേസില് െ്രെകംബ്രാഞ്ച് സമര്പ്പിച്ച കുറ്റപത്രം റദ്ദാക്കി കേസ് സിബിഐക്ക് വിട്ട സിംഗിള് ബഞ്ച് നടപടി ചോദ്യം ചെയ്താണ് സര്ക്കാര് ഡിവിഷന് ബഞ്ചിനെ സര്ക്കാര് സമീപിച്ചത്. 2019 സെപ്റ്റംബര് 30നാണ് സിംഗിള് ബെഞ്ചിന്റെ വിധിയുണ്ടായത്. അതേസമയം കുറ്റപത്രം റദ്ദാക്കി കൊണ്ടുള്ള ഹൈക്കോടതി സിംഗിള് ബെഞ്ചിന്റെ വിധി ഡിവിഷന് ബെഞ്ച് സ്റ്റേ ചെയ്തു. അപ്പീല് ഹര്ജിയില് ഒന്പതുമാസം മുന്പേ വാദം പൂര്ത്തിയായതാണ്. മുന് സോളിസിറ്റര് ജനറല് ഉള്പ്പെടെയുള്ള അഭിഭാഷകരെയാണ് സര്ക്കാര് ഹൈക്കോടതിയില് വാദിക്കാനായി എത്തിച്ചത്. ഇതിനിടെ കേസിലെ മുഖ്യപ്രതി പീതാംബരനുള്പ്പെടെയുള്ളവര് കഴിഞ്ഞദിവസം ജാമ്യഹര്ജി നല്കിയിരുന്നു. ഹൈക്കോടതി ഇത് പരിഗണിക്കവെ, ഡിവിഷന് ബെഞ്ചിന്റെ വിധി വൈകുന്നതിനാല് അന്വേഷണം തുടരാനാകുന്നില്ലെന്ന് സി.ബി.ഐ. അഭിഭാഷകന് കോടതിയെ അറിയിച്ചിരുന്നു.
2019 ഫെബ്രുവരി 17നാണ് യൂത്ത് കോണ്ഗ്രസ് പ്രവര്ത്തകരായ ശരത്ലാലും കൃപേഷും കൊല്ലപ്പെട്ടത്. ശരത്ലാലിന്റെ വീട്ടിലേക്ക് ബൈക്കില് പോകുകയായിരുന്നു ഇരുവരും. രാത്രി 7.40ഓടെ കല്യോട്ട് കൂരാങ്കര റോഡില് അക്രമികള് ബൈക്ക് തടഞ്ഞുനിര്ത്തി വെട്ടുകയായിരുന്നു. കൃപേഷ് സംഭവസ്ഥലത്തും ശരത്ലാല് മംഗളൂരു ആശുപത്രിയിലേക്കുള്ള വഴിമധ്യേയും മരിച്ചു. െ്രെകംബ്രാഞ്ചിന്റെ പ്രത്യേക സംഘമാണ് കേസന്വേഷിച്ചത്. സി.പി.എം. മുന് ലോക്കല് സെക്രട്ടറി അയ്യങ്കാവ് വീട്ടില് പീതാംബരനാണ് ഒന്നാംപ്രതി. സി.പി.എം. ഉദുമ ഏരിയ സെക്രട്ടറി കെ.മണികണ്ഠന്, പെരിയ ലോക്കല് സെക്രട്ടറി എന്.ബാലകൃഷ്ണന് എന്നിവരുള്പ്പെടെ 14 പേരാണ് പ്രതിപ്പട്ടികയിലുള്ളത്. മണികണ്ഠനും ബാലകൃഷ്ണനുമുള്പ്പെടെ മൂന്നുപേര്ക്ക് ജാമ്യം ലഭിച്ചു. മറ്റുള്ളവര് റിമാന്ഡിലാണ്.
കൊലനടന്ന് മൂന്നുമാസം പൂര്ത്തിയാകുന്നതിന് ഒരുദിവസം മുമ്പാണ് കുറ്റപത്രം സമര്പ്പിച്ചത്. എന്നാല് െ്രെകംബ്രാഞ്ച് അന്വേഷണം തൃപ്തികരമല്ലെന്നും ഗൂഢാലോചന നടത്തിയതില് നേതാക്കള്ക്ക് പങ്കുണ്ടെന്നും കാണിച്ച് ശരത്ലാലിന്റെയും കൃപേഷിന്റെയും മാതാപിതാക്കള് ഹൈക്കോടതിയെ സമീപിക്കുകയായിരുന്നു. വാദം പൂര്ത്തിയായി ആറുമാസം കഴിഞ്ഞിട്ടും വിധി വന്നില്ലെങ്കില് ചീഫ് ജസ്റ്റിസിന് പ്രത്യേക ഹര്ജി നല്കാമെന്ന് സുപ്രീം കോടതിയുടെ നിര്ദേശമുണ്ട്. ഇത്തരമൊരു ഹര്ജി കിട്ടിയാല് കേസ് മറ്റൊരു ബെഞ്ചിനെ ഏല്പ്പിച്ച് വാദം വീണ്ടും കേള്ക്കണമെന്നാണ് നിര്ദേശം. ഇതിന്റെ അടിസ്ഥാനത്തില് കൊല്ലപ്പെട്ടവരുടെ മാതാപിതാക്കള് തിങ്കളാഴ്ച ഹൈക്കോടതി ചീഫ് ജസ്റ്റിസിന് ഹര്ജി നല്കിയിരുന്നു.
അതെ സമയം തിരുവനന്തപുരം വിമാനത്താവള സ്വകാര്യവത്കരണത്തിനെതിരെ ഹര്ജി നല്കിയ സര്ക്കാരിന് അടിയന്തര സ്റ്റേ ഹൈക്കോടതി അനുവദിച്ചില്ല. കേസില് വിശദമായ വാദം കേട്ട ശേഷം തീരുമാനം എടുക്കാമെന്നാണ് കോടതി നിലപാട്. ആവശ്യമുള്ള രേഖകള് ഹാജരാക്കാനും സര്ക്കാരിനോട് കോടതി നിര്ദ്ദേശിച്ചു. കേസുമായി ബന്ധപ്പെട്ട് അടുത്ത മാസം 9നകം സര്ക്കാര് രേഖകള് കോടതിയില് ഹാജരാക്കണം. അടുത്ത മാസം 15ന് വിശദമായ വാദം കേള്ക്കുമെന്നും കോടതി അറിയിച്ചു. വിമാനത്താവളം അദാനി ഗ്രൂപ്പിന് പാട്ടത്തിന് നല്കാനുള്ള നടപടികള് സ്റ്റേ ചെയ്യണമെന്നാവശ്യപ്പെട്ട് സര്ക്കാര് സമര്പ്പിച്ച ഉപ ഹര്ജിയാണ് ഹൈക്കോടതി പരിഗണിച്ചത്.
വിമാനത്താവളം കൈമാറാനുള്ള നടപടി സ്റ്റേ ചെയ്യണമെന്ന് ആവശ്യപ്പെട്ട് കഴിഞ്ഞ വര്ഷം സര്ക്കാര് ഹൈക്കോടതിയെ സമീപിച്ചിരുന്നു. എന്നാല് ഹര്ജി വളരെ നേരത്തെയാണെന്ന് കാണിച്ച് ഹൈക്കോടതി ഈ ആവശ്യം തള്ളുകയായിരുന്നു. ഇതിനെതിരായ സര്ക്കാരിന്റെ അപ്പീലില് ഹര്ജി വീണ്ടും പരിഗണിക്കാന് സുപ്രീം കോടതി ഹൈക്കോടതിക്ക് നിര്ദേശം നല്കി. ഹൈക്കോടതിയുടെ പരിഗണനയിലുള്ള ഈ കേസില് ഉത്തരവ് വരും വരെ തുടര്നടപടികള് സ്റ്റേ ചെയ്യണമെന്നായരുന്നു ആവശ്യം. വിമാനത്താവള നടത്തിപ്പ് അദാനിയെ ഏല്പ്പിക്കുന്നതിനോട് സംസ്ഥാന സര്ക്കാരിന് യോജിക്കാനാകില്ലെന്ന് മുഖ്യമന്ത്രി പിണറായി വിജയന് ഇന്നലെ നിയമസഭയില് അവതരിപ്പിച്ച പ്രമേയത്തില് പറഞ്ഞിരുന്നു. പൊതു സ്വകാര്യ പങ്കാളിത്തത്തോടെ വിമാനത്താവള നടത്തിപ്പില് മുന്പരിചയം ഉണ്ടായിട്ടും കേരളം അവഗണിക്കപ്പെട്ടു. യാതൊരു അനുഭവവും ഇല്ലാത്ത കമ്പനിയെയാണ് കേന്ദ്രസര്ക്കാര് നടത്തിപ്പ് ഏല്പ്പിച്ചത്. ഇത് അംഗീകരിക്കാനാകില്ലെന്നും മുഖ്യമന്ത്രി പറഞ്ഞു. തിരുവനന്തപുരം വിമാനത്താവളം നടത്തിപ്പും മേല്നോട്ടവും അദാനിക്ക് നല്കാനുള്ള കേന്ദ്രമന്ത്രിസഭാ തീരുമാനത്തിനെതിരെയാണ് സംസ്ഥാന സര്ക്കാര് നിയമസഭയില് പ്രമേയം അവതരിപ്പിച്ചത്.
https://www.facebook.com/Malayalivartha