രണ്ടുവര്ഷം മുമ്പ് പുഴയില് വീണ സ്വര്ണമാല തിരികെ കിട്ടിയപ്പോള് മാറ്റ് തെളിഞ്ഞത് വേലായുധന്റെ സത്യസന്ധത യുടെ...!
മലപ്പുറം കരുവാരകുണ്ടില് തുവ്വൂര് മാതോത്ത് പുക്കുന്നന് നിസാറിന്റെ ഭാര്യ സാജിറയുടെ 2 പവന്റെ മാല് 2018 ജൂലൈയില് വീടിനു സമീപത്തെ ഒലിപ്പുഴയില് നഷ്ടപ്പെട്ടു.
മഴയില് പുഴവെള്ളം നിറഞ്ഞൊഴുകുന്നത് കാണാന് 2 വര്ഷം മുന്പ് വീട്ടുകാരോടൊപ്പം പോയപ്പോഴാണ് മാല നഷ്ടപ്പെട്ടത്. കൗതുകത്തിന് കരയോടു ചേര്ന്ന് പുഴയില് മുങ്ങിയെഴുന്നേറ്റപ്പോഴാണ് മാല നഷ്ടപ്പെട്ടത്. പുഴയില് കുത്തൊഴുക്കായതിനാല് 4 മാസത്തോളം തിരയാന് കഴിഞ്ഞില്ല.
വെള്ളം കുറഞ്ഞ ശേഷം തിരച്ചില് നടത്തിയെങ്കിലും മാല തിരിച്ചുകിട്ടിയില്ല. പിന്നീട് കഴിഞ്ഞ വര്ഷവും പ്രളയമുണ്ടായി. വെള്ളം കുറഞ്ഞാല് കുളിക്കടവില് മാല തിരയുമായിരുന്നെങ്കിലും പ്രയോജനമുണ്ടായില്ല. ഇനി തിരിച്ചുകിട്ടില്ലെന്ന് ഉറപ്പിച്ചിരിക്കയായിരുന്നു.
മിനിഞ്ഞാന്ന് രാവിലെ ഇതേ സ്ഥലത്ത് കുളിക്കാന് ചെന്ന അയല്വാസി പരപ്പിനിയില് വേലായുധനാണ് പുഴയില് കല്ലില് കുരുങ്ങിയ നിലയില് മാല കണ്ടത്. അയല്ക്കാരിയുടെ മാല നഷ്ടപ്പെട്ട കാര്യം അറിയുമായിരുന്ന വേലായുധന് അടയാളങ്ങള് ചോദിച്ചറിഞ്ഞ് കൈമാറുകയായിരുന്നു.
സ്വര്ണവില എത്ര ഉയര്ന്നാലും സത്യസന്ധതയുടെ മുകളിലേക്കെത്തില്ലെന്ന് തെളിയിക്കുകയാണ് വേലായുധന്.
https://www.facebook.com/Malayalivartha