വളയാര്‍ പ്രതികളെ വെറുതെ വിട്ടിട്ട് ഒരു വര്‍ഷം; വാളയാര്‍ പെണ്‍കുട്ടികള്‍ക്ക് സുരക്ഷിതമല്ല; 42 പോക്‌സോ കേസുകള്‍; പ്രതികള്‍ക്ക് ശിക്ഷകിട്ടിയത് ഒന്നില്‍ മാത്രം; ഉത്തരേന്ത്യന്‍ സംസ്ഥാനങ്ങളിലെ അവസ്ഥയെക്കാള്‍ ഭീകരം; മനുഷ്യത്വമില്ലാത്ത പോലീസ്, കണ്ണടക്കുന്ന സര്‍ക്കാര്‍
ഉത്തര്‍പ്രദേശിലും മറ്റ് ഉത്തര ഇന്ത്യന്‍ സംസ്ഥാനങ്ങളിലും നടക്കുന്ന പെണ്‍കുട്ടികള്‍ക്കെതിരായ അതിക്രമങ്ങളില്‍ ശക്തമായ പ്രതിഷേധം രേഖപ്പെടുത്തുന്ന സി.പി.എമ്മിന് തങ്ങള്‍ ഭരിക്കുന്ന കേരളത്തില്‍ നടക്കുന്ന അധിക്രമങ്ങളോടുള്ള സമീപനം കണ്ടില്ലെന്ന് നടക്കുക എന്നതാണ്. ഇതിന് തെളിവാണ് വാളയാര്‍ സംഭവം. രണ്ടു പെണ്‍കുട്ടികളുടെ ദുരൂഹമരണം നടന്നപ്പോഴാണ് വാളയാര്‍ ദേശീയ ശ്രദ്ധതന്നെ നേടിയിരുന്നു. എന്നാല്‍ ഈ കേസിന്റെ അന്വേഷണം തന്നെ അട്ടിമറിക്കപ്പെട്ടു. 2019 ഒക്ടോബര്‍ 25നാണ് വാളയാര്‍ കേസിലെ മൂന്ന് പ്രതികളെ പാലക്കാട് പോക്‌സോ കോടതി തെളിവുകളുടെ അഭാവത്തില്‍ വെറുതെ വിട്ടത്. ഇതിനും ഒരാഴ്ച മുമ്പ് ഒരു പ്രതിയെ കോടതി കുറ്റവിമുക്തനാക്കിയിരുന്നു. പ്രോസിക്യൂഷന്റെ പരാജയമെന്നാരോപിച്ച് നീതി തേടി ഒരുവര്‍ഷത്തിനകം വാളയര്‍ നിരവധി സമരങ്ങള്‍ക്ക് കേന്ദ്രമായി.
ഇതിനിടെ, പെണ്‍കുട്ടികളുടെ അച്ഛനും അമ്മയും മുഖ്യമന്ത്രിയെ നേരിട്ട് കണ്ടു. ഏതന്വേഷണത്തിനും കൂടെയെന്ന് സര്‍ക്കാര്‍ ഉറപ്പും നല്‍കി. പോക്‌സോ കോടതി വിധി റദ്ദാക്കണമെന്ന സര്‍ക്കാര്‍ അപ്പീലില്‍ അടുത്തയാഴ്ച ഹൈക്കോടതിയില്‍ വാദം തുടങ്ങാനിരിക്കെയാണ് നീതി വൈകുന്നുവെന്ന് ആരോപിച്ച് മാതാപിതാക്കളുടെ സമരം. ഇതിനിടെ സര്‍ക്കാര്‍ നിയോഗിച്ച ജുഡീഷ്യല്‍ കമ്മീഷന്‍, പ്രോസിക്യൂഷന് വീഴ്ചപറ്റിയതായി റിപ്പോര്‍ട്ട് നല്‍കിയിരുന്നു. കുറ്റക്കാരായ അന്വേഷണ ഉദ്യോഗസ്ഥര്‍ക്കെതിരെ നടപടി ശുപാര്‍ശ ചെയ്യുന്ന റിപ്പോര്‍ട്ട് നിലനില്‍ക്കെ, അന്വേഷണ മേധാവിയായ ഡിവൈഎസ്പി സോജന് സ്ഥാനക്കയറ്റം നല്‍കിയത് അട്ടിമറിയായാണ് മാതാപിതാക്കള്‍ കാണുന്നത്. നടപടിക്രമങ്ങളുടെ സാങ്കേതികമായ കാലതാമസമെന്നാണ് സര്‍ക്കാര്‍ വിശദീകരണം.
എന്നാല്‍ ഈ സംഭവത്തിന് മുമ്പും ശേഷവും വളയാറിലെ പെണ്‍കുട്ടികള്‍ സുരക്ഷിതരല്ലെന്ന് ദുരനുഭവങ്ങള്‍ ഏറ്റുവാങ്ങിയവര്‍ പറയുന്നു. 2012 മുതല്‍ ഇതുവരെ വാളയാര്‍ പോലീസ് സ്‌റ്റേഷന്‍ പരിധിയില്‍ മാത്രം 42 പോക്‌സോ കേസുകള്‍ രജിസ്റ്റര്‍ ചെയ്‌തെന്ന കണക്കും ഇതോടൊപ്പം ചേര്‍ത്ത് വായിക്കണം. വാളയാറില്‍ ദുരൂഹസാഹചര്യത്തില്‍ മരിച്ച സഹോദരിമാരുടെ വീടിന് ഏറെ അകലെയല്ലാത്ത ഒരു വീട്ടില്‍ മറ്റൊരു പെണ്‍കുട്ടിയുണ്ട് അവളെ തല്‍ക്കാലം പ്രതീക്ഷയെന്ന് വിളിക്കും. ഏതാണ്ട് സമാന അനുഭവങ്ങള്‍. പിതൃസഹോദരന്‍ വരെ പീഡിപ്പിച്ച ഈ കുഞ്ഞിന്റെ ദുരവസ്ഥ പുറത്തറിയുന്നത് വാളയാര്‍ പെണ്‍കുട്ടികളുടെ മരണ ശേഷം. ശരീരത്തിനേക്കാള്‍ മനസ്സിനുണ്ടായ നോവ് ഉണക്കി ഇപ്പോള്‍ ജീവിതത്തിലേക്ക് തിരിച്ചുവരുന്നു. ഇപ്പോഴും കൂലിപ്പണി കഴിഞ്ഞ് അമ്മയെത്തുംവരെ ഒറ്റമുറി വീട്ടില്‍ അടച്ചിരിപ്പാണ്.
അതിര്‍ത്തിമേഖലയില്‍ ഇപ്പോഴും പെണ്‍കുട്ടികള്‍ സുരക്ഷിതരല്ല എന്നതാണ് സത്യം. അരവയര്‍ അന്നത്തിനായി അച്ഛനുമമ്മയും കൂലിപ്പണിതേടിയിറങ്ങുമ്പോള്‍ ,എത്ര കരുതലുണ്ടായാലും ദുരനുഭവങ്ങള്‍. ഒരമ്മയ്ക്ക് മൂന്നുമക്കളെയാണ് കഴുകന്‍ കണ്ണില്‍ നിന്ന് രക്ഷിക്കാനാവാതെ പോയത്. പ്രായപൂര്‍ത്തിയാവാതെ അമ്മമാരായ പെണ്‍കുട്ടികള്‍. തനിക്ക് പറ്റിയ ദുരവസ്ഥ ലോകം അറിയാതിരിക്കാന്‍ കുരുന്നുകളെ ഉപേക്ഷിച്ച് പോയവര്‍. ഇങ്ങിനെയുമുണ്ട് ജീവിതങ്ങള്‍
പോക്‌സോ നിയമം നിലവില്‍ വന്നതു മുതല്‍ ഇതുവരെ വാളയാര്‍ പോലീസ് സ്‌റ്റേഷന്‍ പരിധിയില്‍ 42 കേസുകളാണ് രജിസ്റ്റര്‍ ചെയ്തത്. ഇതില്‍ ശിക്ഷിക്കപ്പെട്ടത് ആകെ ഒരു കേസ് മാത്രമെന്നതാണ് വിചിത്രം. വിവിധ കാരണങ്ങളാല്‍ അഞ്ചെണ്ണം പോലീസ് അവസാനിപ്പിച്ചപ്പോള്‍, 18 എണ്ണം വിചാരണ ഘട്ടത്തിലാണ്.
അതെ സമയം വളയാര്‍കേസില്‍ പ്രതികളെ വെറുതെ വിട്ട പോക്‌സോ കോടതി വിധി റദ്ദാക്കണം എന്ന സര്‍ക്കാര്‍ അപ്പീലില്‍ അടുത്ത ആഴ്ച ഹൈക്കോടതിയില്‍ വാദം കേള്‍ക്കല്‍ ആരംഭിക്കും. പ്രോസിക്യൂഷന് വീഴ്ച പറ്റിയതായി സര്‍ക്കാര്‍ നിയോഗിച്ച ജുഡീഷ്യല്‍ കമ്മിഷനും കണ്ടെത്തിയിരുന്നു. അന്വേഷണത്തില്‍ വീഴ്ച വരുത്തിയ ഉദ്യോഗസ്ഥര്‍ക്കെതിരെ നടപടി ശുപാര്‍ശ ചെയ്യുന്ന റിപ്പോര്‍ട്ട് നിലനില്‍ക്കെ അന്വേഷണ മേധാവിയായ ഡിവൈഎസ്പിക്ക് സ്ഥാനക്കയറ്റം നല്‍കിയത് അട്ടിമറിയാണെന്ന് മാതാപിതാക്കള്‍ ആരോപിക്കുന്നു.
https://www.facebook.com/Malayalivartha
