എല്.ഡി.എഫിനെ ഞെട്ടിച്ച് ചില കക്ഷികള് യു.ഡി.എഫില് എത്തും; കെ.പി.എ മജീദ് പറയുന്ന കക്ഷികള് ഇവരാണ്; മുന്നണിക്ക് ഗുണമുള്ളവരെ കൂടെ കൂട്ടുകയുള്ളുവെന്ന് മുസ്ലിംലീഗ്; എന്.സി.പിക്ക് പുറമേ അതൃപ്തരായ ചില നേതാക്കള്; പിളരുന്ന പാര്ട്ടികള്
എല്ഡിഎഫിനെ ഞെട്ടിച്ചുകൊണ്ട് ഇടതുപക്ഷത്തിന് ഒപ്പമുളള ചില കക്ഷികള് കൂടി അപ്രതീക്ഷിതമായി യുഡിഎഫിന്റെ ഭാഗമാകുമെന്നാണ് മുസ്ലിം ലീഗ് സംസ്ഥാന ജനറല് സെക്രട്ടറി കെ.പി.എ. മജീദ് പറയുന്നത്. എന്നാല് വരുന്നവരെ എല്ലാം കൈയ്യും നീട്ടി സ്വീകരിക്കില്ല. മുന്നണിക്കാകെ ഗുണമുണ്ടാകുമെന്ന് ഉറപ്പുളളവരെ ഒപ്പം കൂട്ടിയാല് മതിയെന്നാണ് മുസ്ലിംലീഗിന്റെ നിലപാട്. ഇതു സംബന്ധിച്ച് യുഡിഎഫില് ധാരണയുണ്ടന്നും കെ.പി.എ മജീദ് പറയുന്നു.
എല്ഡിഎഫിന് ഒപ്പമുളള ചില കക്ഷികളേയും അതൃപ്തരായ ചില ഗ്രൂപ്പുകളേയുമാണ് യുഡിഎഫ് പ്രതീക്ഷിക്കുന്നത്. വരവുകൊണ്ട് മുന്നണിക്ക് ഗുണം കിട്ടുമെന്ന് ഉറപ്പുളളവരുമായാണ് ചര്ച്ച നടത്തുന്നത്. എന്സിപിക്ക് പുറമെ പി.സി. ജോര്ജ്, പി.സി. തോമസ് എന്നിവരെല്ലാം യുഡിഎഫിലേക്ക് വരാന് താല്പര്യം പ്രകടിപ്പിച്ചിട്ടുണ്ട്. ചില ഗ്രൂപ്പുകളുമായി ധാരണയുണ്ടാക്കുന്നത് ഗുണത്തേക്കാളേറെ ദോഷം ചെയ്യുമെന്ന തിരിച്ചറിവിലാണ് ഒപ്പം കൂട്ടുന്നതിന് മുന്നോടിയായി നോക്കിയും കണ്ടുമുളള ചര്ച്ചകളും ഇടപെടലുമെന്ന് കെ.പി.എ. മജീദ് വ്യക്തമാക്കുന്നു. മുന്നണി വിപൂലീകരണത്തിന് യു.ഡി.എഫ് മുന്കൈ എടുക്കുന്നത് കോണ്ഗ്രസിന് ക്ഷീണമാകും.
പാല സീറ്റിനെ ചൊല്ലിയുള്ള തര്ക്കത്തില് എന്.സി.പി എല്.ഡി.എഫ് വിടുമെന്ന ഏറെക്കുറെ ഉറപ്പായിട്ടുണ്ട്. കേരള കോണ്ഗ്രസ് എം എല്.ഡി.എഫില് വന്നതോടെ തങ്ങള്ക്ക് ആര്ഹിക്കുന്ന പ്രധാന്യം ലഭിക്കുന്നില്ലെന്ന പരിഭവം എന്.സി.പിക്ക് ഉണ്ട്. തദ്ദേശ തെരഞ്ഞെടുപ്പില് എന്.സി.പിക്കു അര്ഹമായ പരിഗണന നല്കിയിട്ടില്ലെന്ന പരാതിയില് ഉറച്ചു നില്ക്കുന്നതായും എന്.സി.പി നേരത്തെ വ്യക്തമാക്കിയിരുന്നു. അതുകൊണ്ടു തന്നെ പാലാ ഉള്പ്പെടെയുള്ള സിറ്റിങ് സീറ്റുകള് വിട്ടുകൊടുക്കേണ്ട സാഹചര്യം ഉണ്ടായാല് ഇടതുമുന്നണി വിടുന്നതിനു പാര്ട്ടി ദേശീയാധ്യക്ഷന് ശരദ് പവാര് അനുമതി നല്കിയിരിക്കുകയാണ്.
എന്നാല് മന്ത്രി എ.കെ. ശശീന്ദ്രന് ഇടതുമുന്നണി വിടില്ലെന്നു നേരത്തെ വ്യക്തമാക്കിയിട്ടുണ്ട്. എന്.സി.പി.- യു.ഡി.എഫ്. ചര്ച്ചകള് പുരോഗമിക്കുന്നതിനിടെയാണു പാലാ സീറ്റ് ജോസ് പക്ഷത്തിന് നല്കാന് എല്.ഡി.എഫില് ചര്ച്ച നടന്നത്. എന്.സി.പിയുമായി ചര്ച്ച നടത്താതെ തന്നെയാണു സി.പി.എം. ജോസ് പക്ഷത്തിന് ഉറപ്പ് കൊടുത്തത്. മുന്നണി മാറ്റം സംബന്ധിച്ച് ഉമ്മന് ചാണ്ടിയുമായി മാണി സി. കാപ്പന് നേരത്തെ ചര്ച്ച നടത്തിയിരുന്നു. നാലുസീറ്റ് എന്.സി.പിക്ക് നല്കാമെന്നാണു വാഗ്ദാനം. മാണി സി. കാപ്പന്റെ നേതൃത്വത്തിലുള്ള എന്.സി.പി. വിഭാഗം യു.ഡി.എഫിന്റെ ഭാഗമായാല് പാലായില് മാണി സി. കാപ്പന് യു.ഡി.എഫ്. സ്ഥാനാര്ഥിയായി മത്സരിക്കും.
https://www.facebook.com/Malayalivartha