വയസ്സ് പതിനാറാണെന്നാ വിചാരം മകളെ നോക്കി മര്യാദയ്ക്കു ജീവിച്ചാല് പോരെ! ഇറങ്ങി പോടോ. താങ്കളെപ്പോലുള്ള സ്ത്രീവിരോധികളാണ് പെണ്കുട്ടികളുടെ ജീവിതം തകര്ക്കുന്നത്; സോഷ്യൽമീഡിയയിലെ കമന്റിന് പിന്നാലെ തുറന്നടിച്ച് അമൃത...
മലയാളികളുടെ ഇഷ്ട ഗായികയാണ് അമൃത സുരേഷ്. റിയാലിറ്റി ഷോയിലൂടെ എത്തിയ താരത്തെ വളരെ പെട്ടന്നായിരുന്നു ആരാധകർ ഏറ്റെടുത്തത്. ഇപ്പോഴിതാ സമൂഹമാധ്യമത്തില് പങ്കുവച്ച പോസ്റ്റിനു താഴെ മോശം കമന്റിട്ടയാള്ക്കു തക്ക മറുപടി നല്കിയിരിക്കുകയാണ് ഗായിക.
അമൃത പങ്കുവയ്ച്ച മേക്കപ് വിഡിയോയുടെ താഴെയായിരുന്നു ഒരാള് പരിഹാസവുമായി രംഗത്ത് വന്നത്. വയസ്സ് പതിനാറാണെന്നാ വിചാരം മകളെ നോക്കി മര്യാദയ്ക്കു ജീവിച്ചാല് പോരെ എന്നായിരുന്നു ഇയാളുടെ കമന്റ്. ഇയാള് 'തള്ള' എന്നാണ് അമൃതയെ വിളിച്ചത്.
ഈ കമന്റിന്റെ സ്ക്രീന്ഷോട്ട് പങ്കിട്ട് ദീര്ഘമായ കുറിപ്പിലൂടെയാണ് അമൃതയുടെ മറുപടി. 'കമന്റ്സ് എപ്പോഴും സന്തോഷത്തോടെ മാത്രമേ നോക്കാറുള്ളു. പക്ഷേ ഇതു കുറച്ചു കൂടിപ്പോയി. സ്ക്രീന്ഷോട്ട് പങ്കുവയ്ക്കണ്ട എന്നു വിചാരിച്ചതാ.
ഇതിനൊക്കെ പ്രതികരിക്കാതിരിക്കുന്നത് എങ്ങനെയാ. ഫേയ്ക്ക് അക്കൗണ്ട് ആണെന്നാണു തോന്നുന്നത്. ആണെങ്കിലും അല്ലെങ്കിലും നിങ്ങള്ക്ക് ഇതു കണ്ടിട്ട് എന്താണു തോന്നുന്നത്? ഞാന് മിണ്ടാതെ ഇരിക്കണോ? സഹിക്കുന്നതിനൊക്കെ ഒരു പരിധിയില്ലേ? ഞങ്ങള് തള്ളകള്ക്കു ജീവിക്കണ്ടേ?
സഹോദരാ, ഇത് എന്റെ പേജ്. താങ്കളെ ഇവിടെ ആരും നിര്ബന്ധിച്ചിട്ടില്ല. പിന്നെ ഇത്തരം വര്ത്തമാനങ്ങള് നിങ്ങളെ തീരെ തരം താഴ്ത്തുന്നു. താങ്കളെപ്പോലുള്ള സ്ത്രീ വിരോധികളാണ് പാവപ്പെട്ട പെണ്കുട്ടികളുടെ ജീവിതം നശിപ്പിക്കുന്നത്. ഇനി എനിക്കു പതിനാറ് ആണെന്നു തന്നെയാണു വിചാരം സഹോദരാ.
എന്നെപ്പോലെ ഒരുപാട് തള്ളച്ചിമാര് ഉണ്ട് ലോകത്ത്. അവര് എല്ലാവരും ഇനിയും പതിനാറ് ആണെന്നു തന്നെ വിചാരിച്ചു ജീവിക്കും.
തള്ള, കിളവി എന്നുള്ളതൊക്കെ ഞങ്ങള് സ്ത്രീകള് സന്തോഷത്തോടെ ഏറ്റെടുക്കുന്ന സ്ഥാനങ്ങള് ആണ്. ഞങ്ങളെ പന്നയായി തോന്നുന്നത് താങ്കളുടെ മനസ്സ്. താങ്കള്ക്കും കാണുമല്ലോ തള്ളയും കിളവിമാരായ പാവം അമ്മൂമ്മമാരും.
അവരോടും ഇങ്ങനെയാണോ സഹോദരാ താങ്കള് സംസാരിക്കുന്നത്. പിന്നെ താങ്കളും ഇങ്ങനെയൊരു തള്ളയുടെ വയറ്റില് നിന്നു തന്നെയാണു വന്നതെന്നു മറക്കേണ്ട. അതെ ഒരു കുഞ്ഞുണ്ട്. ഞാന് നല്ല അന്തസ്സോടെ എന്റെ കുഞ്ഞിനെ നോക്കുന്നുണ്ട്.
താങ്കള് അതോര്ത്തു ദണ്ണിക്കേണ്ട. കുഞ്ഞുങ്ങള് ഉള്ള അമ്മമാര് വീട്ടിലിരിക്കണമെന്ന വൃത്തികെട്ട മനോഭാവം ഉള്ള താങ്കളെ സഹിക്കുന്ന മറ്റു പാവം സ്ത്രീകളെ ഓര്ത്തു ഞാന് ഖേദിക്കുന്നു. ഇനി പച്ചക്കു പറയാം. ഇറങ്ങി പോടോ. ഇവിടെ എന്റെ പേജില് ഉള്ള സഹോദരന്മാര് സ്ത്രീകളെ ദേവിയായും അമ്മയായും ഒക്കെ കാണുന്നവര് ആണ്.
വെറുതെ അവരുടെ വായിലിരിക്കുന്നതു കൂടി കേള്ക്കണ്ട. അഭിമാനത്തോടെ പതിനറാണെന്ന വിചാരമുള്ള തള്ളച്ചി' -അമൃത കുറിച്ചു.
https://www.facebook.com/Malayalivartha