ഇതാണോ ബേട്ടി ബച്ചാവോ? നിമിഷ ഫാത്തിമയുടെ അമ്മയുടെ ചോദ്യത്തിന് മറുപടി പ്രണയം മുതല്‍ ഐ.എസ് ക്യാമ്പുവരെ എത്തിയ ഐ.എസ് വിധവകളുടെ ജീവിതം തന്നെ; വെള്ളപുശാനുള്ള ചില മാധ്യമങ്ങളുടെ ശ്രമം പാളുന്നു; മാധ്യമങ്ങള്‍ മനപൂര്‍വം മറക്കുന്ന ചില സംഭവങ്ങള്‍
ഇതാണോ മോദിയുടെ ബേട്ടി ബച്ചാവോ.. നിമിഷ ഫാത്തിമയുടെ അമ്മ ബിന്ദുവിന്റെ ഈ ചോദ്യമാണ് ഇന്നലെ ഒരു മാധ്യമം ചര്‍ച്ചയാക്കിയത്. ലക്ഷ്യം വ്യക്തമായിരുന്നു. ഐ.എസ് തീവ്രവാദികള്‍ക്കൊപ്പം നാടുവിട്ട് ഇപ്പോള്‍ വിധവകളായി അഫ്ഗാനിസ്ഥാനില്‍ കഴിയുന്ന യുവതികളെ ന്യായീകരിക്കുക. പക്ഷേ എന്താണ് കേന്ദ്ര സര്‍ക്കാരിന്റെ 'ബേട്ടി ബച്ചാവോ ബേട്ടി പഠാവോ' എന്ന പദ്ധതി എന്ന അവര്‍ മനപൂര്‍വം മറന്നുവെന്ന് മാത്രം. ഇതിനിനെതിരെ സോഷ്യല്‍ മീഡിയയില്‍ ഈ മാധ്യമത്തിനെതിരെ ട്രോളും പ്രതിഷേധവും ശക്തമാകുന്നുണ്ട്.
മോദി സര്‍ക്കാര്‍, പെണ്‍കുട്ടികളുടെ ജനനത്തെയും വിദ്യാഭ്യാസത്തെയും പ്രോല്‍സാഹിപ്പിക്കുന്നതിനായി രൂപികരിച്ച 'ബേട്ടി ബച്ചാവോ ബേട്ടി പഠാവോ' എന്ന പദ്ധതിയുടെ പേരിനെ കൂട്ടിച്ചേര്‍ത്ത് ഐഎസ് വിധവകളെ വെള്ളപൂശാനുള്ള ശ്രമമാണ് മാതൃഭൂമി ന്യൂസ് ചാനല്‍ നടത്തിയത്. തീവ്രവാദികളെ പുനരധിവസിപ്പിക്കുന്ന പദ്ധതി ആണെന്ന് മാതൃഭൂമി തെറ്റിദ്ധരിച്ചതാകാണെന്നും ചിലര്‍ ചൂണ്ടിക്കാട്ടുന്നു.
മോദി സര്‍ക്കാരിന്റെ പദ്ധതിയുടെ പേരുമായി സഹതാപ തരംഗത്തിന് വേണ്ടി ഇവരെ കൂട്ടിക്കെട്ടുമ്പോഴും മാധ്യമങ്ങള്‍ മനപൂര്‍വം മറന്നൊരു സംഭവമുണ്ട്. ഈ നാലു പേര്‍ എങ്ങനെ അഫ്ഗാനിസ്ഥാനില്‍ എത്തി എന്നത്. സിറിയയില്‍ എത്തി ഐ.എസില്‍ ചേര്‍ന്ന നിമിഷാ ഫാത്തിമ, മെറിന്‍ ജോസഫ് സോണിയ സെബാസ്റ്റ്യന്‍, റഫീല എന്നിവര്‍ ഇപ്പോള്‍ കഴിയുന്നത് അഫ്ഗാന്‍ ജയിലാണ്. അഫ്ഗാനില്‍ വെച്ച് ഐ.എസ് തീവ്രവാദികളായ ഭര്‍ത്താക്കന്‍മാര്‍ കൊല്ലപ്പെട്ടതോടെ ഇവര്‍ കീഴടങ്ങുകയായിരുന്നു.
ഇവിടെ സര്‍ക്കാരിന് മുന്നിലുള്ള പ്രശ്‌നം ഇവര്‍ സ്വന്തം ഇഷ്ടപ്രകാരം രാജ്യവിട്ടവരും രാജ്യത്തിനെതിരെ പ്രവര്‍ത്തിച്ചവരുമാണ്. ഇവര്‍ എന്‍.ഐ.എയുടെ വാണ്ടന്റ് ലിസ്റ്റിലുള്ളവരാണ്. അതുകൊണ്ടു തന്നെ തിരികെ ഇവരെ നാട്ടില്‍ എത്തിച്ചാല്‍ തന്നെ ഇവര്‍ വീട്ടിലേക്ക് മടങ്ങുന്നതിനേക്കാള്‍ സാധ്യത കൂടുതല്‍ ജയിലേക്ക് അയക്കനാണ്.
ഐ.എസിനുവേണ്ടി പ്രവര്‍ത്തിച്ച ഇവര്‍ ഇപ്പോഴും കടുത്ത മതമൗലിക വാദികളാണ് ഇന്ത്യന്‍ എജന്‍സികള്‍ ഇവരുമായി നടത്തിയ കൂടിക്കാഴ്ചയില്‍ വ്യക്തമായിരുന്നു. നാടിനെ ഇവര്‍ ഒറ്റിക്കൊടുക്കാന്‍ മടിക്കില്ലെന്ന നിഗമനത്തിന്റെ അടിസ്ഥാനത്തിലാണ് ഇവരെ നാട്ടിലെത്തിക്കാന്‍ കേന്ദ്ര സര്‍ക്കാര്‍ മടിക്കുന്നത്. നാട്ടിലെത്തി ജയിലിലേക്ക് മാറ്റുമ്പോള്‍ സ്വാഭാവികമായി ഉണ്ടാകാന്‍ സാധ്യതയുള്ള മനുഷാവകാശ പ്രവര്‍ത്തകരുടെ പ്രതിഷേധവും ഇവരെ നാട്ടില്‍ എത്തിക്കാന്‍ സര്‍ക്കാര്‍ മടിക്കുന്നതിന് മറ്റൊരു കാരണമാണ്.
ഐ.എസ്. ഭീകരനായിരുന്ന ബെക്‌സന്‍ വിന്‍സെന്റ് എന്ന ഈസയുടെ ഭാര്യയാണ് നിമിഷ. ബെക്‌സിന്‍ വിന്‍സെന്റിന്റെ സഹോദരന്‍ ബെസ്റ്റിന്‍ വിന്‍സന്റിന്റെ ഭാര്യയാണ് മറിയം എന്നു പേരുമാറ്റിയ മെര്‍ലിന്‍ ജേക്കബ് പാലത്ത്. ഭര്‍ത്താവ് ബെസ്റ്റിന്‍ ഏറ്റുമുട്ടലില്‍ കൊല്ലപ്പെട്ടപ്പോള്‍ ഉടുമ്പുന്തല സ്വദേശിയായ ഐ.എസ്. ഭീകരന്‍ അബ്ദുള്‍ റഷീദിനെ വിവാഹം കഴിച്ചു. പിന്നീട് റഷീദും കൊല്ലപ്പെട്ടു. റഷീദിന്റെ മുന്‍ ഭാര്യമാരിലൊരാള്‍ മലയാളിയായ സോണിയാ സെബാസ്റ്റ്യനാണ്. കൊല്ലപ്പെട്ട ഐ.എസ്. പ്രവര്‍ത്തകന്‍ ഇജാസ് പുരയിലിന്റെ ഭാര്യയാണ് റഹീല പുരയില്‍.
കാസര്‍കോട് പൊയിനാച്ചി സെഞ്ചുറി ഡെന്റല്‍ കോളേജ് അവസാനവര്‍ഷ വിദ്യാര്‍ഥിനിയായിരിക്കെ, 2013 സപ്തംബറിലാണ് നിമിഷ മതപരിവര്‍ത്തനം നടത്തി ഫാത്തിമ എന്ന പേരു സ്വീകരിച്ചതെന്ന് പൊലീസ് രേഖകള്‍ പറയുന്നു. പെണ്‍കുട്ടിയെ കാസര്‍കോട്ട് പഠിച്ചുകൊണ്ടിരിക്കെ കാണാതായിരുന്നു. കാണാതായ സമയത്ത് ബന്ധുക്കളുടെ പരാതിയുടെ അടിസ്ഥാനത്തില്‍ പൊലീസ് അന്വേഷണം നടത്തി. കാസര്‍കോട് വിദ്യാനഗര്‍ പൊലീസ് സ്റ്റേഷനില്‍ രജിസ്റ്റര്‍ചെയ്ത പരാതിയുടെ അടിസ്ഥാനത്തില്‍ നടന്ന അന്വേഷണത്തിന്റെ റിപ്പോര്‍ട്ടിലാണ് നിമിഷയുടെ മതപരിവര്‍ത്തനത്തെക്കുറിച്ചും മറ്റും വിവരിക്കുന്നത്.
കാസര്‍കോട് ജില്ലാ പൊലീസ് സൂപ്രണ്ട് 2015 നവംബറില്‍ അന്നത്തെ സംസ്ഥാന പൊലീസ് മേധാവി ടി.പി.സെന്‍കുമാറിനു സമര്‍പ്പിച്ച റിപ്പോര്‍ട്ടില്‍ പെണ്‍കുട്ടിയുടെ ജീവിതരീതിയിലുണ്ടായ മാറ്റത്തെക്കുറിച്ചും പറയുന്നുണ്ട്. കാസര്‍കോട് പൊയിനാച്ചി സെഞ്ചുറി ഡെന്റല്‍ കോളേജിലെ ഒരു സഹപാഠിയുമായി നിമിഷ അടുപ്പത്തിലായി. ഇയാളുമായുള്ള അടുപ്പം നിമിഷയെ കടുത്ത മതവിശ്വാസിയാക്കിയതായി റിപ്പോര്‍ട്ടില്‍ പറയുന്നു.
പഠിച്ചിരുന്ന കോളേജിലെ സീനിയര്‍ വിദ്യാര്‍ഥികളും ആയിശ, മറിയ എന്നിവര്‍ വഴിയാണ് ബെക്‌സന്‍ വിന്‍സെന്റ് എന്ന ഈസയെ നിമിഷ ഫാത്തിമ പരിചയപ്പെടുന്നതും വിവാഹം കഴിക്കുന്നതും. ബന്ധുക്കള്‍ നല്‍കിയ ഹേബിയസ് കോര്‍പ്പസ് ഹര്‍ജിയെ തുടര്‍ന്ന് കോടതിയില്‍ ഹാജരായപ്പോള്‍ ഭര്‍ത്താവിനൊപ്പം പോകാന്‍ താത്പര്യം പറഞ്ഞപ്പോള്‍ കോടതി അന്ന് അതംഗീകരിക്കുകയായിരുന്നു. വെറും നാലു ദിവസത്തെ പരിചയം വെച്ചാണ് അവര്‍ വിവാഹിതരായതെന്നാണ് പെണ്‍കുട്ടിയുടെ സുഹൃത്തുക്കള്‍ വീട്ടുകാര്‍ക്കു നല്‍കിയ സൂചന.
അസ്വാഭാവിക സാഹചര്യത്തില്‍ കാണാതായ നിമിഷയുമായി 2016 ജൂണ്‍ 4-ന് ശേഷം വീട്ടുകാര്‍ക്കു ബന്ധപ്പെടാനായിട്ടില്ല. ഇന്ത്യയിലേക്ക് തിരികെ വരാന്‍ ആഗ്രഹമുണ്ടെന്ന് നിമിഷ ഫാത്തിമയും സോണിയ സെബാസ്റ്റ്യനും നേരത്തെ വ്യക്തമാക്കിയിരുന്നു. ഇസ്ലാമായി ജീവിക്കുന്നതിനാണ് തങ്ങള്‍ ഐ.എസില്‍ ചേര്‍ന്ന് അഫ്ഗാനിസ്താനിലേക്ക് പോയത്. എന്നാല്‍ ആ പ്രതീക്ഷകള്‍ക്കനുസരിച്ച് ജീവിക്കാന്‍ കഴിഞ്ഞില്ല. അതുകൊണ്ട് മടങ്ങിവരാന്‍ ആഗ്രഹിക്കുന്നുവെന്നാണ് ഇവര്‍ വ്യക്തമാക്കുന്നത്.
https://www.facebook.com/Malayalivartha
