മക്കള്‍ നല്ല രീതിയില്‍ പഠിക്കാത്തത് പല രക്ഷിതാക്കളേയും ചൊടിപ്പിക്കാറുണ്ട്. എന്നു കരുതി ഈ അച്ഛനോളം ക്രൂരനാകാന്‍ പറ്റുമോ? ചൈനയിലെ വെന്‍സോഹുവിലാണ് ഞെട്ടിപ്പിക്കുന്ന ഈ സംഭവമുണ്ടായത്.

പഠിക്കാന്‍ അലസത കാണിച്ച പന്ത്രണ്ടുകാരിയായ മകളെ 46കാരനായ പിതാവ് ശ്വാസം മുട്ടിച്ച് കൊല്ലുകയായിരുന്നു. കൊലപ്പെടുത്തിയ ശേഷം ചെറിയ കഷണങ്ങളായി മൃതദേഹം വെട്ടിനുറുക്കി ഇയാള്‍ വീടിന് എതിര്‍വശത്തുള്ള പൊതു കക്കൂസിലിട്ട് ഫ്‌ലഷ് ചെയ്യുകയായിരുന്നു. സംഭവം നടന്ന് മൂന്ന് ദിവസത്തിന് ശേഷം കക്കൂസിലെ അറ്റകുറ്റപ്പണി നടത്തുന്ന ഒരു ജീവനക്കാരന്‍ ടൊയ്‌ലറ്റ് വൃത്തിയാക്കുന്നതിനിടെ മനുഷ്യന്റെ കൈ ലഭിച്ചതോടെയാണ് സംഭവം പുറത്തറിയുന്നത്. 
കുട്ടിയെ കാണാനില്ലെന്ന് പറഞ്ഞ് ഭാര്യ നിരന്തരമായി ബഹളമുണ്ടാക്കിയതിനെ തുടര്‍ന്നാണ് ഇയാള്‍ പൊലീസില്‍ വിവരമറിയിച്ചു. മകളെ കാണാതായതിന്റെ അസ്വസ്ഥത പ്രകടിപ്പിക്കാത്ത ഇയാള്‍ വളരെ ക്ഷുഭിതനായാണ് എല്ലാവരോടും പെരുമാറിയത്. കുട്ടിയെ കാണാതായതില്‍ ഇയാള്‍ക്ക് യാതൊരു സങ്കടവും ഉണ്ടായിരുന്നില്ല. ഇതോടെ പോലീസിന് സംശയമായി. വിശദമായ ചോദ്യം ചെയ്യലില്‍ ഇയാള്‍ കുറ്റം സമ്മതിച്ചു. അവള്‍ ഒരു നല്ല മകളായിരുന്നില്ലെന്നും കുടുംബത്തെ മാനം കെടുത്തിയതിനാണ് അവളെ കൊന്നതെന്നുമാണ് ഇയാള്‍ പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha