ലോക്സഭ റിസര്ച്ച് ഫെലോഷിപ്പുകള്ക്ക് ലോക്സഭ സെക്രട്ടേറിയറ്റ് അപേക്ഷ ക്ഷണിച്ചു
പാര്ലമന്റെറി വിഷയങ്ങളില് ഗവേഷണം/പുസ്തക രചനക്കായുള്ള ലോക്സഭ റിസര്ച് ഫെലോഷിപ്പുകള്ക്ക് ലോക്സഭ സെക്രട്ടേറിയറ്റ് അപേക്ഷ ക്ഷണിച്ചു. അപേക്ഷഫോറവും ഇതുസംബന്ധിച്ച വിജ്ഞാപനങ്ങളും http://loksabha.nic.in [2], http://sri.nic.in [3]... എന്നീ വെബ്സൈറ്റുകളിൽ പ്രസിദ്ധീകരിച്ചിട്ടുണ്ട്. ജനുവരി 10 വരെ അപേക്ഷകൾ സ്വീകരിക്കും.
2018 19 വര്ഷത്തില് 25 ഫെലോഷിപ്പുകളാണ് ലഭ്യമായിട്ടുള്ളത്. തിരഞ്ഞെടുക്കപ്പെടുന്നവര്ക്ക് പരമാവധി 10 ലക്ഷം രൂപയും 50,000 രൂപ കണ്ടിജന്സി അലവന്സായും അനുവദിക്കും. ഫെലോഷിപ് കാലയളവ് രണ്ടുവര്ഷമാണ്. പാര്ലമെന്ററി ഡെമോക്രസിയുമായി ബന്ധപ്പെട്ട പുസ്തക രചന ഉള്പ്പെടെയുള്ള റിസര്ച്ച് പ്രോജക്ടുകളിലേര്പ്പെടാന് ഫെലോഷിപ് തുക വിനിയോഗിക്കണം.
യോഗ്യത: അപേക്ഷകര് 2018 ജനുവരി 10ന് 25 നും 70 നും മധ്യേ പ്രായമുള്ളവരാകണം. ഏതെങ്കിലും സാമൂഹിക ശാസ്ത്ര വിഷയത്തില് അല്ലെങ്കില് പാര്ലമെന്ററി സ്റ്റഡിസുമായി ബന്ധമുള്ള ഡിസിപ്ലിനില് അക്കാദമിക് മികവോടെ മാസ്റ്റേഴ്സ് ഡിഗ്രിയും ശ്രദ്ധേയമായ ഗവേഷണ പ്രസിദ്ധീകരണങ്ങളുമുള്ളവര്ക്ക് അപേക്ഷിക്കാം. ബന്ധപ്പെട്ട മേഖലയില് വൈദഗ്ധ്യമുള്ളവര്ക്കാണ് അവസരം. അപേക്ഷാര്ഥി 1000 വാക്കില് കുറയാത്ത റിസര്ച് പ്രപ്പോസല് കൂടി തയാറാക്കി അപേക്ഷയോടൊപ്പം സമര്പ്പിക്കണം. പ്രപ്പോസല് തയാറാക്കേണ്ടവിധം വെബ്സൈറ്റിലുണ്ട്.
2018 ജനുവരി 10നകം ലഭിക്കുന്നവിധം അപേക്ഷയുടെ ഹാര്ഡ്കോപ്പിയും പ്രപ്പോസലും ഇനിപറയുന്ന വിലാസത്തിലും ഇമെയിലിലും അയക്കണം. വിലാസം: ദ ഡയറക്ടര്, ലോക്സഭ സെക്രട്ടേറിയറ്റ്, റൂം നം. എഫ്121, പാര്ലമന്റെ് ലൈബ്രറി ബില്ഡിങ്, ന്യൂ ഡല്ഹി 110001. ഇമെയില്: sricell_lss@sansad.nic.in...
ഫെലോഷിപ് കമ്മിറ്റിയാണ് അര്ഹരായവരെ തിരഞ്ഞെടുക്കുന്നത്. ഫെലോഷിപ് സംബന്ധിച്ച് കൂടുതല് വിവരങ്ങള് http://loksabha.nic.in, http://sri.nic.in... ലഭ്യമാകും .
https://www.facebook.com/Malayalivartha