വര്ഗീയത തിമിര്ക്കുന്ന പാഠപുസ്തകം; മൂന്നു പേര് അറസ്റ്റില്
വര്ഗീയത വളര്ത്തുംവിധം പാഠപുസ്തകം തയ്യാറാക്കിയതിന് മൂന്നുപേര് കൊച്ചിയില് അറസ്റ്റിലായി. ഇത്തരം പുസ്തകങ്ങള് പഠിപ്പിച്ചതിന്റെ പേരില് കൊച്ചിയിലെ പീസ് ഇന്റര്നാഷണല് സ്കൂളിനെതിരെ രണ്ടുമാസം മുന്പ് റജിസ്റ്റര് ചെയ്ത കേസിനെ തുടര്ന്നാണിത്.
മുംബൈ ആസ്ഥാനമായ കമ്ബനിയുടെ പുസ്തക പ്രസാധനത്തിന്റെ ചുമതലയുള്ളവരാണ് അറസ്റ്റിലായത്. മുംബൈ സ്വദേശികളായ സമീര് അഹമ്മദ്, സഹില് സെയ്ദ്, ദാവൂദ് വൈദ് എന്നിവരെ ചോദ്യം ചെയ്യാനായി കൊച്ചിയിലേക്ക് വിളിച്ചുവരുത്തിയ ശേഷം അറസ്റ്റ് രേഖപ്പെടുത്തുകയായിരുന്നു.
തീവ്രവാദ സംഘടനയായ ഐഎസില് ചേരാന് കേരളത്തില് നിന്ന് പോയ യുവാക്കളുടെ സംഘത്തിലെ ചിലര് പീസ് സ്കൂളുമായി ബന്ധപ്പെട്ട് പ്രവര്ത്തിച്ചിരുന്നുവെന്ന ആരോപണത്തെ തുടര്ന്ന് സ്കൂള് നിരീക്ഷണത്തിലിരിക്കെയാണ് പാഠ്യപദ്ധതിയെ സംബന്ധിച്ചും ആക്ഷേപം ഉയര്ന്നത്.
https://www.facebook.com/Malayalivartha