യുവതിയുടെ കഴുത്തില് കയര്മുറുക്കി മോഷണം
പട്ടാപ്പകല് യുവതിയുടെ കഴുത്തില് കയര്മുറുക്കി 10 പവന് മോഷ്ടിച്ചു. കോട്ടയം നഗരത്തിനു സമീപം കുമാരനല്ലൂര് നീലിമംഗലം പാലത്തിന് അടുത്താണ് പട്ടാപ്പകല് മോഷണം നടന്നത്. നീലിമംഗലം അക്വറിയം കടയിലെ ജീവനക്കാരി ഉഷയുടെ സ്വര്ണ്ണമാണ് കള്ളന് കൊണ്ടുപോയത്. ശനിയാഴ്ച ഉച്ചയ്ക്ക് 1.30 ഓടെ കടയിലേയ്ക്ക് വന്ന യുവാവ് കഴുത്തില് കയര് മുറുക്കി ശ്വാസം മുട്ടിച്ച് ഭീഷണിപ്പെടുത്തി സ്വര്ണ്ണം ഊരി വാങ്ങുകയായിരുന്നുവെന്ന് ഉഷ പറയുന്നു.
മോഷ്ടാവ് കടന്നുകളഞ്ഞശേഷം ഉഷ കടയുടമയെ വിളിച്ച് വിവരം അറിയിക്കുകയായിരുന്നു. ഉടമ എത്തിയതിനുശേഷം ഉഷയെ ആശുപത്രിയില് പ്രവേശിപ്പിച്ചു. എന്നാല് ഉഷയുടെ മൊഴിയില് വൈരുദ്ധ്യം തോന്നിയതിനാല് ഇവരെ പോലീസ് വീണ്ടും ചോദ്യം ചെയ്തു. പോലീസ് കേസെടുത്ത് അന്വേഷണം ആരംഭിച്ചു.
https://www.facebook.com/Malayalivartha