32 കിലൊ കഞ്ചാവുമായി കര്ണാടക അതിര്ത്തിയില് രണ്ടു പേര് പിടിയില്
തോല്പെട്ടിയിലാണ് 32 കിലോ കഞ്ചാവുമായി രണ്ടു പേര് പിടിയിലായത്. തോല്പെട്ടി എക്സൈസ് ചെക്ക് പോസ്റ്റില് ഉദ്യോഗസ്ഥര് നടത്തിയ പരിശോധനയിലാണ് കണ്ണൂര് സ്വദേശികളായ രണ്ടു പേര് പിടിയിലായത്. അറസ്റ്റിലായത് കണ്ണൂര് പുഴാതി കൊറ്റാളിക്കാവിന് സമീപത്തെ നാരങ്ങോളി വീട്ടില് നീരജ് (21), കണ്ണൂര് പുഴാതി കുഞ്ഞിപ്പള്ളി ചെരുവത്ത് വീട്ടില് യാഷിര് അറാഫത്ത് (23) എന്നിവര്.
ചെക്ക് പോസ്റ്റില് വാഹന പരിശോധന നടത്തുന്നതിനിടയിലാണ് ഇരുവരും പിടിയിലാകുന്നത്. ഇവര് സഞ്ചരിച്ച കാറും ഉദ്യോഗസ്ഥര് കസ്റ്റഡിയിലെടുത്തു. കാറിന്റെ നാലു വാതിലുകളിലും പിറകു വശത്തെ ഡിക്കിയിലും ബോണറ്റിലും കാറിനടിയിലും രഹസ്യ അറകളിലാക്കിയാണ് പൊതിഞ്ഞ നിലയില് കഞ്ചാവുകള് സൂക്ഷിച്ചിരുന്നത്. അര കിലോഗ്രാമിന്റെ 64 പൊതികളാണ് ഇത്തരത്തില് സൂക്ഷിച്ചിരുന്നത്. ഒറ്റ നോട്ടത്തില് ആര്ക്കും കണ്ടെത്താന് സാധിക്കാത്ത രീതിയിലാണ് കഞ്ചാവ് സൂക്ഷിച്ചിരുന്നത്.
https://www.facebook.com/Malayalivartha