എഡിജിപി സുധേഷ് കുമാറിന്റെ മകളുടെ മര്ദനത്തിനിരയായ പോലീസ് ഡ്രൈവര് ഗവാസ്കര് ആശുപത്രി വിട്ടു
എഡിജിപി സുധേഷ് കുമാറിന്റെ മകള് സ്നിഗ്ധയുടെ മര്ദനത്തിനിരയായ പോലീസ് ഡ്രൈവര് ഗവാസ്കര് ആശുപത്രി വിട്ടു. ഒന്പതു ദിവസത്തെ ചികിത്സയ്ക്കുശേഷമാണ് ഗവസ്കര് തിരുവനന്തപുരം മെഡിക്കല് കോളജ് ആശുപത്രി വിട്ടത്.
ജൂണ് 14ന് രാവിലെ എട്ടോടെ കനകക്കുന്നില് വച്ചായിരുന്നു ഗവാസ്കര്ക്കു സ്നിഗ്ധയുടെ മര്ദനമേറ്റത്. രാവിലെ എഡിജിപിയുടെ ഭാര്യയെയും സ്നിഗ്ധയെയും പ്രഭാത നടത്തത്തിനായി ഒൗദ്യോഗിക വാഹനത്തില് ഗവാസ്കര് കനകക്കുന്നില് കൊണ്ടുപോയിരുന്നു. തിരികെ വരുന്പോള് വാഹനത്തിലിരുന്നു സ്നിഗ്ധ ഗവാസ്കറെ ചീത്തവിളിക്കുകയും ഇതിനെ എതിര്ത്തു വണ്ടി റോഡില് നിര്ത്തിയതോടെ ഗവാസ്കറെ മൊബൈല് ഫോണ് ഉപയോഗിച്ച് കഴുത്തിനു പിന്നില് മര്ദിക്കുകയുമായിരുന്നു. ഇക്കാര്യം ചൂണ്ടിക്കാട്ടിയാണ് ഗവാസ്കര് പോലീസില് പരാതി നല്കിയത്. ഗവാസ്കര് പരാതി നല്കിയതിനു പിന്നാലെ സ്നിഗ്ധയും പരാതി നല്കി. സ്ത്രീത്വത്തെ അപമാനിക്കാന് ശ്രമിച്ചുവെന്ന് ചൂണ്ടിക്കാട്ടിയാണ് സ്നിഗ്ധ പരാതി നല്കിയത്.
ഇരുവരുടെയും പരാതിയില് ജാമ്യമില്ല വകുപ്പ് പ്രകാരമാണ് കേസെടുത്തിരിക്കുന്നത്. രണ്ടു പേരുടെയും പരാതി ക്രൈംബ്രാഞ്ചാണ് അന്വേഷിക്കുന്നത്. അതേസമയം തനിക്കെതിരായായ കേസ് റദ്ദാക്കണമെന്ന് ആവശ്യപ്പെട്ട് ഗവാസ്കര് ഹൈക്കോടിതിയെ സമീപിച്ചിരുന്നു. ജൂലൈ നാല് വരെ ഗവാസ്കറെ അറസ്റ്റു ചെയ്യരുതെന്നും കോടതി ഉത്തരവിട്ടിട്ടുണ്ട്.
https://www.facebook.com/Malayalivartha