ദിലീപിന്റെ കേസും ജയില്‍ വാസവും കലങ്ങിമറിയുന്ന ബഹളത്തിനുമിടയില്‍ ആഘോഷങ്ങളൊന്നുമില്ലാതെയായിരുന്നു നടി കാവ്യ മാധവന് ഇന്നലത്തെ 33-ാം പിറന്നാള്‍. നടന്‍ ദിലീപുമായുള്ള രണ്ടാം വിവാഹത്തിന് ശേഷമുള്ള കാവ്യയുടെ ആദ്യ പിറന്നാള്‍ ദിനമാണ് ഇന്നലെ കടന്നു പോയത്. ദിലീപിന്റെ ആലുവയിലെ വീട്ടിലാണ് കാവ്യയുള്ളത്. നടിയെ ആക്രമിച്ച കേസുമായി ബന്ധപ്പെട്ടവിവാദങ്ങളില്‍ ഉഴലുന്ന താരത്തിന് ഇത്തവണ പിറന്നാള്‍ ആഘോഷങ്ങളൊന്നുമില്ലായിരുന്നു.

വീട്ടില്‍തന്നെ ഒതുങ്ങി കഴിയാനാണ് കാവ്യ താല്‍പ്പര്യം കാണിക്കുന്നത്. പിറന്നാള്‍ ആശംസ അറിയിച്ച് ദിലീപ് ഇന്നലെ രാവിലെ ജയിലില്‍ നിന്ന് വിളിച്ചിരുന്നു. ഇരുവരുംതമ്മിലുള്ള സംഭാഷണം ഒരു മിനിറ്റില്‍ അവസാനിച്ചു. ദിലീപുമായി സംസാരിച്ചപ്പോള്‍ കാവ്യനിയന്ത്രണം വിട്ട് പൊട്ടിക്കരഞ്ഞു. ജാമ്യം ലഭിച്ചാല്‍ പിറന്നാള്‍ ദിനത്തില്‍ ദിലീപ്ഒപ്പമുണ്ടാകുമെന്ന പ്രതീക്ഷ കാവ്യയ്ക്ക് ഉണ്ടായിരുന്നു. എന്നാല്‍ നാലാം തവണയും ജാമ്യാപേക്ഷതള്ളപ്പെട്ടതോടെ കാവ്യയുടെ പ്രതീക്ഷകള്‍ അസ്തമിച്ചു.