സായുധ സുരക്ഷയൊരുക്കി ഗോവന് തണ്ടര്ഫോഴസിന്റെ അകമ്പടിയോടെ ദിലീപ് കാവ്യയോടൊപ്പം കേരളം വിട്ടു; തിരുപ്പതി അപ്പന്റെ മുമ്പില് വിവിഐപിയായി ദിലീപും കാവ്യയും തിളങ്ങി
ദിലീപിന് വേണ്ടി പട്ടാളമിറങ്ങിയതിന്റെ ചര്ച്ചയിലാണ് കേരളം. അതേസമയം നാലംഗ തണ്ടര്ഫോഴ്സിന്റെ അകമ്പടിയോടെയാണ് ദിലീപും ഭാര്യ കാവ്യാ മാധവനും ഇന്നലെ തിരുപ്പതി ക്ഷേത്രദര്ശനത്തിനു പോയത് വിവാദമാകുന്നു. ദിലീപിന്റെ ഈ അഴകിയ രാവണന് വേഷം കണ്ട് കാവ്യയ്ക്ക് ശുണ്ഠിയായി. എന്നാല് ദിലീപ് അത് കളിയായിട്ടാണ് എടുത്തത്. തന്റെ ജീവനനല്ലേ വലുതെന്ന ചോദ്യത്തിന് മുമ്പില് കാവ്യയുടെ കണ്ണ് നിറഞ്ഞു. പിന്നെ മൗന സമ്മതമായി.
മൂന്നു മാസത്തേക്കാണു തണ്ടര്ഫോഴ്സുമായി ദിലീപിന്റെ കരാര്. സുരക്ഷാഭീഷണിയും വിദൂരലോക്കേഷനുകളിലടക്കം സിനിമാഷൂട്ടിങ്ങിനു പോകേണ്ടിവരുമെന്നതും കണക്കിലെടുത്താണ് സ്വകാര്യ ഏജന്സിക്കു സുരക്ഷാകരാര് നല്കിയതെന്നു ദിലീപുമായി ബന്ധപ്പെട്ടവര് പറയുന്നു. പോലീസില്നിന്നു സംരക്ഷണം പ്രതീക്ഷിക്കുന്നില്ലെന്നും ദിലീപ് പോകുന്നിടത്തെല്ലാം പോലീസ് നിരീക്ഷണവുമായി വ്യാജതെളിവുകള് ഉണ്ടാക്കുകയാണെന്നും ഇവര് പറയുന്നു.
നാലുസുരക്ഷാവാഹങ്ങളാണ് ദിലീപിനായി വിട്ടുനല്കിയിരിക്കുന്നത്. സൈന്യത്തില്നിന്നു വിരമിച്ച ഉന്നതോദ്യോഗസ്ഥന്റെ നേതൃത്വത്തില് ഗോവ ആസ്ഥാനമാക്കി രൂപീകരിച്ച തണ്ടര്ഫോഴ്സ് അംഗീകാരമുള്ള സ്ഥാപനമാണ്. കോഴിക്കോട് മുന് കമ്മിഷണറായിരുന്ന, വിരമിച്ച ഐ.പി.എസ്. ഉദ്യോഗസ്ഥന് പി.എ. വല്സനാണ് കേരളത്തിലെ പ്രവര്ത്തനങ്ങള്ക്കു നേതൃത്വം നല്കുന്നത്. കേരളത്തിലെ ഓഫീസ് തൃശൂരാണ്. ദിലീപിനുവേണ്ടിയുള്ള പത്തംഗ സംഘത്തിലെ രണ്ടുപേര് മലയാളികളാണ്. ബ്രാഞ്ച് മാനേജര് തൃശൂര് വടക്കാഞ്ചേരി സ്വദേശി ഷാജി ജോണും സംഘത്തോടൊപ്പമുണ്ട്. പഞ്ചാബികളായ വിമുക്ത ഭടന്മാരാണു സുരക്ഷാസേനയില് ഏറെയും. ഇവര്ക്കു തോക്ക് ഉപയോഗിക്കാനുള്ള ലൈസന്സുണ്ട്. ഗോവ ഉള്പ്പെടെ 10 സംസ്ഥാനത്ത് തണ്ടര്ഫോഴ്സിന് ശാഖകളുണ്ട്. ദിലീപിനു പുറമേ കേരളത്തിലെ മൂന്നു വ്യവസായികള്ക്കും തണ്ടര്ഫോഴ്സ് സംരക്ഷണം നല്കുന്നുണ്ട്.
ജാമ്യത്തിലിറങ്ങിയ ദിലീപിന്റെ ചലനങ്ങള് നിരീക്ഷിച്ചിരുന്ന അന്വേഷണസംഘത്തിനുപോലും ദിലീപ് സ്വകാര്യ സുരക്ഷയൊരുക്കുന്ന വിവരം ലഭ്യമായിരുന്നില്ല. തണ്ടര്ഫോഴ്സ് സംഘം ആലുവയിലെ ദിലീപിന്റെ വീട്ടില് എത്തിയതറിഞ്ഞ് പോലീസ് അന്വേഷണം ആരംഭിച്ചു. എന്തുകാരണത്താലാണു സുരക്ഷ തേടിയെന്നാണ് അന്വേഷിക്കുന്നത്. സായുധസുരക്ഷ നിയമപരമാണോ എന്നും പരിശോധിക്കുന്നുണ്ട്.
തണ്ടര്ഫോഴ്സിന്റെ തൃശൂര് അയ്ന്തോയളിലെ ഓഫീസില് സ്പെഷല് ബ്രാഞ്ച് ഡിവൈ.എസ്.പി രവീന്ദ്രന്റെ നേതൃത്വത്തില് ഇന്നലെ പരിശോധന നടത്തിയിരുന്നു. എന്നാല് ക്രമവിരുദ്ധമായി ഒന്നും കണ്ടെത്തിയിട്ടില്ല. അതിനിടെ തണ്ടര്ഫോഴ്സിന്റെ വാഹനം കൊട്ടാരക്കരയില്വച്ച് പോലീസ് തടഞ്ഞു പരിശോധിച്ചിരുന്നു. എറണാകുളം എസ്.പി. കൊല്ലം റൂറല് എസ്.പിക്ക് നല്കിയ നിര്ദേശത്തെതുടര്ന്ന് കൊട്ടാരക്കര കുന്നക്കര പെട്രോള് പമ്പിന് സമീപം ഇന്നലെ ഉച്ചയ്ക്ക് ഒന്നോടെ ഹൈവേ പട്രോളിങ് സംഘം തടയുകയായിരുന്നു. രണ്ടുവാഹനങ്ങളിലായി പത്തോളം പേരുണ്ടായിരുന്നു. എന്നാല് പോലീസ് വാഹനം തടത്തപ്പോള് സംഘം എസ്.ഐയെ കൈയേറ്റം ചെയ്യാന് ശ്രമിച്ചു.
തുടര്ന്നു കൊട്ടാര എസ്.ഐ. മനോജ്, സി.ഐ. എന്നിവരുടെ നേതൃത്വത്തില് കൂടുതല് പോലീസ് സ്ഥലത്തെത്തി ഇവരെ കസ്റ്റഡിയില് എടുത്തു. ചോദ്യം ചെയ്തപ്പോള് ഇവര് സഹകരിക്കാന് കൂട്ടാക്കാതിരുന്നതിനാല് ഏജന്സി അധികൃതര് രേഖകള് ഹാജരാക്കിയ ശേഷമാണു വാഹനമടക്കം വിട്ടയച്ചത്.
https://www.facebook.com/Malayalivartha