ലോക്‌സഭാ തെരഞ്ഞെടുപ്പിന് കേരളം വിധിയെഴുതുന്നു... രാവിലെ തന്നെ ബൂത്തുകളില്‍ വോട്ടര്‍മാരുടെ നീണ്ട നിര... സ്ഥാനാര്‍ത്ഥികളും രാഷ്ട്രീയ നേതാക്കളും ഉള്‍പ്പെടെയുള്ളവര്‍ പുലര്‍ച്ചെ തന്നെ വിവിധ പോളിംഗ് ബൂത്തുകളില്‍ എത്തി വോട്ട് രേഖപ്പെടുത്തി

രാവിലെ തന്നെ സ്ഥാനാര്‍ത്ഥികളും നേതാക്കളും വോട്ട് ചെയ്യാനെത്തി. വടകരയിലെ യുഡിഎഫ് സ്ഥാനാര്‍ത്ഥി ഷാഫി പറമ്പില്‍ മണപുളളിക്കാവ് എല്‍പി സ്‌കൂളില്‍ വോട്ട് ചെയ്തു.

വോട്ടെടുപ്പ് ആരംഭിക്കുന്നതിന് മുമ്പ് തന്നെ വോട്ട് ചെയ്യാനായി ആദ്യമെത്തിയത് എന്‍ഡിഎ സ്ഥാനാര്‍ത്ഥി സുരേഷ് ഗോപിയാണ്. രാവിലെ 6.30ഓടെയാണ് സുരേഷ് ഗോപി കുടുംബസമേതം പോളിങ് ബൂത്തിലെത്തിയത്.

മുക്കാട്ടുകര സെന്റ് ജോര്‍ജ് സിഎല്‍പി സ്‌കൂളിലെ ബൂത്ത് നമ്പര്‍ 115ല്‍ ഭാര്യ രാധിക, ഭാര്യ മാതാവ് ഇന്ദിര, മക്കളായ ഗോകുല്‍, ഭാഗ്യ, മാധവ് എന്നിവരും വോട്ട് രേഖപ്പെടുത്താന്‍ ഒപ്പമുണ്ട്.

തോമസ് ഐസക്ക് വോട്ട് രേഖപ്പെടുത്തി. 2004 നോട് അടുത്ത വിജയം എല്‍ ഡി എഫ് നേടുമെന്ന് അദ്ദേഹം പ്രതികരിച്ചു. പത്തനം തിട്ടയില്‍ എല്‍ഡിഎഫ് വിജയിക്കും. ഇന്ത്യ മുന്നണി അധികാരത്തില്‍ വരും. ഈ തെരഞ്ഞെടുപ്പ് സംസ്ഥാന സര്‍ക്കാരിന്റെ കൂടി വിലയിരുത്തലാകുമെന്നും ഐസക്ക്.

പൊന്നാനിയില്‍ യുഡിഎഫിന് പൊന്നിന്‍ തിളക്കമുള്ള വിജയം ഉണ്ടാകുമെന്ന് മുസ്ലിം ലീഗ് സ്ഥാനാര്‍ത്ഥി അബ്ദുസമദ് സമദാനി പ്രതികരിച്ചു. വലിയ ആത്മവശ്യാസത്തിലാണ്. രാവിലെ തന്നെ കാണുന്ന തിരക്ക് ജനങ്ങളുടെ രാഷ്ട്രീയ ബോധമാണ് വ്യക്തമാക്കുന്നതെന്നും അദ്ദേഹം പറഞ്ഞു.
ഇ.പി ജയരാജന്‍, എന്‍.കെ പ്രേമചന്ദ്രന്‍, സുനില്‍ കുമാര്‍, പ്രതിപക്ഷ നേതാവ് വി.ഡി സതീശന്‍, പാണക്കാട് സാദിഖലി തങ്ങള്‍, കുഞ്ഞാലിക്കുട്ടി, കെ.സുരേന്ദ്രന്‍, സുരേഷ് ഗോപി തുടങ്ങി നിരവധി പേര്‍ വോട്ട് രേഖപ്പെടുത്തി.

പന്ന്യന്‍ രവീന്ദ്രന്‍ കണ്ണൂര്‍ കക്കാട് ഗവ. യു പി സ്‌കൂള്‍ ബൂത്ത് നമ്പര്‍ 148ല്‍ വോട്ട് രേഖപ്പെടുത്താനെത്തി. കോട്ടയം പാര്‍ലമെന്റ് മണ്ഡലം ഡഉഎ സ്ഥാനാര്‍ത്ഥി ഫ്രാന്‍സിസ് ജോര്‍ജ് മൂവാറ്റുപുഴ ടൗണ്‍ യു പി സ്‌കൂളിലെ 46 ആം നമ്പര്‍ ബൂത്തില്‍ വോട്ട് രേഖപ്പെടുത്തി.


കാന്തപുരം എ പി അബൂബക്കര്‍ മുസ്ലിയാര്‍ കാന്തപുരം ജി എം എല്‍ പി സ്‌കൂളിലെ 168 ആം ബൂത്തില്‍ വോട്ട് രേഖപ്പെടുത്തി. മകന്‍ ഡോ. എപി അബ്ദുല്‍ ഹക്കീം അസ്ഹരിക്കൊപ്പം എത്തിയാണ് കാന്തപുരം ആദ്യ വോട്ട് രേഖപ്പെടുത്തിയത്.രാജ്യത്തിന്റെ ഭാവി തീരുമാനിക്കുന്ന തിരഞ്ഞെടുപ്പില്‍ ഒരാളും വോട്ടവകാശം നഷ്ടപ്പെടുത്തരുതെന്ന് കാന്തപുരം പറഞ്ഞു.

കണ്ണൂരിലെ എല്‍ഡിഎഫ് സ്ഥാനാര്‍ത്ഥി എം വി ജയരാജന്‍ പെരളശ്ശേരി എ കെ ജി സ്മാരക ഗവ:ഹയര്‍സെക്കണ്ടറി സ്‌കൂളില്‍ വോട്ട് രേഖപ്പെടുത്തി . താന്‍ ഒന്നാമത് വോട്ട് ചെയ്യാന്‍ ആഗ്രഹിച്ചുവെന്നും, എന്നാല്‍ മുതിര്‍ന്ന പൗരനെത്തിയതും, ബൈ സ്റ്റാന്‍ഡര്‍ വന്നതും കാരണം പത്താമതായി വോട്ട് രേഖപ്പെടുത്തിയെന്നും സുരേഷ് ഗോപി .


അതേസമയം പല ബൂത്തുകളിലും രാവിലെ തന്നെ വലിയ തിരക്കാണ് അനുഭവപ്പെടുന്നത്. വൈകുന്നേരം ആറുവരെയാണ് പോളിംഗ്. 20 മണ്ഡലങ്ങളിലായി 194 സ്ഥാനാര്‍ഥികളാണ് ജനവിധി തേടുന്നത്.