ദുൽക്കർ സൽമാനെ നായകനാക്കി ബിജോയ് നമ്പ്യാർ സംവിധാനം ചെയ്യുന്ന മലയാള ചിത്രം 'സോ​ളോ' ​ഒ​ക്‌ടോ​ബ​ർ അ​ഞ്ചി​നു തിയ​റ്റ​റു​ക​ളി​ലെ​ത്തും. ബോളിവുഡിൽ ശ്രദ്ധേയ ചിത്രങ്ങളൊരുക്കിയ സംവിധായകനാണ് ബിജോയ് നമ്പ്യാർ. മ​ല​യാ​ള​ത്തി​ലും ത​മി​ഴി​ലു​മാ​യി ഒ​രേ​സ​മ​യമാണ് ചിത്രം ഒരുങ്ങിയത്. മ​ല​യാ​ളത്തിൽ 2.34 മ​ണി​ക്കൂ​റും ത​മി​ഴിൽ 2.32 മ​ണി​ക്കൂ​റു​മാ​ണു ചിത്രത്തിന്റെ ദൈ​ർ​ഘ്യം. എ​സ്പി​ഐ സി​നി​മാ​സ് വ​ഴി​യാ​ണു ത​മി​ഴ്നാ​ട്ടി​ൽ വി​ത​ര​ണം.​ ബിജോയുടെ തന്നെ നിർമാണകമ്പനിയായ ഗെറ്റ്എവേ ഫിലിംസും അബാം ഫിലിസും സംയുക്‌തമായാണു ചിത്രം നിർമിക്കുന്നത്.

ശി​വ, രു​ദ്ര, ശേ​ഖ​ർ, ത്രി​ലോ​ക് എ​ന്നി​ങ്ങ​നെ ശി​വ​ന്‍റെ പ​ര്യാ​യ​ങ്ങ​ൾ പേ​രു​ക​ളാ​ക്കി​യ നാ​ലു ക​ഥാ​പാ​ത്ര​ങ്ങ​ളെ​യാ​ണ് ദുൽക്കർ ചിത്രത്തിൽ അ​വ​ത​രി​പ്പി​ക്കു​ന്ന​ത്. കബാലി നായിക ധൻസിക ആദ്യമായി മലയാളത്തിലെത്തുന്നുവെന്ന പ്രത്യേകതയും ചിത്രത്തിനുണ്ട്. നേഹ ശർമ, ശ്രുതി ഹരിഹരൻ, ആരതി വെങ്കിടേഷ്, ആശ ജയറാം തുടങ്ങിയവരും ചിത്രത്തിലെത്തുന്നു.