മഴയില് നനഞ്ഞ് സൗദി
സൗദിയിലും പ്രാന്തപ്രദേശങ്ങളിലും കനത്ത മഴ തുടരുകയാണ്. ശൈത്യകാലത്തോടനുബന്ധിച്ച് പെയ്ത മഴ പലയിടങ്ങളിലും മിണിക്കൂറുകളോളം നീണ്ടുനിന്നു. ഇടിയോടുകൂടിയ മഴ രണ്ട് ദിവസത്തേക്കു കൂടി നീണ്ടു നില്ക്കുമെന്നാണ് കാലാവസ്ഥാനിരീക്ഷണ കേന്ദ്രത്തില് നിന്ന് അറിയിച്ചത്.
ശക്തമായ മഴയെത്തുടര്ന്ന് പ്രധാന നിരത്തുകളിലും മറ്റും വെള്ളക്കെട്ടുകള് രൂപപ്പെട്ടു. തുടര്ന്ന് മുനിസിപ്പാലിറ്റിയുടെ വാഹനങ്ങള് വന്ന് നിരത്തുകളിലെ വെള്ളം പമ്പുചെയ്ത് ഒഴുക്കിക്കളയുകയായിരുന്നു. കനത്ത മഴയെത്തുടര്ന്ന് ഗതാഗതം തടസ്സപ്പെടുകയും നിരവധി റോഡപകടങ്ങള് ഉണ്ടാവുകയും ചെയ്തു.
പ്രധാന റോഡുകളിലെ തുരങ്കങ്ങള് റിമോട്ട് മോണിറ്റിംഗ് സംവിധാനങ്ങളിലൂടെ നിരീക്ഷിക്കുകയും വെള്ളമൊഴുക്കിന് സാധ്യതയുള്ള ഇടങ്ങളില് ആവശ്യമായ സംവിധാനങ്ങള് നടപ്പിലാക്കുകയും ചെയ്തിട്ടുണ്ട്. അടിയന്തരസഹായത്തിനായി സിവില് ഡിഫന്സുമായി സഹകരിച്ച് സന്നദ്ധസംഘത്തെ അണി നിരത്തിയിട്ടുണ്ട് എന്ന് അധികൃതര് വ്യക്തമാക്കി.
അപകടങ്ങള് ഒഴിവാക്കുന്നതിനായി അപകടരഹിത ഡ്രൈവിംഗ് ശീലമാക്കണമെന്നും കാലവസ്ഥയിലെ മാറ്റങ്ങള് മനസിലാക്കി വണ്ടിയോടിക്കണമെന്നും ട്രാഫിക് ഡയറക്ടര് ജനങ്ങളോട് ആവശ്യപ്പെട്ടു.
https://www.facebook.com/Malayalivartha