ലഹരിക്കേസിൽ അറസ്റ്റിലായ പ്രതി തന്റെ പരിചയക്കാരനെന്ന് സമ്മതിച്ച് മുഖ്യമന്ത്രി വിഡി സതീശൻ. നവകേരള സദസ്സ് നടന്ന സമയത്ത് പിണറായി പോലീസിന്റെ ആക്രമണത്തിന് ഇരയായതിന്റെ പേരിലാണ് താൻ മുഹമ്മദ് ഹുസൈനുമായി സംസാരിക്കുന്നതെന്നും അയാളന്ന് യൂത്ത് കോൺ​ഗ്രസ് പ്രവർത്തകനായിരുന്നു എന്നും മുഖ്യമന്ത്രി വിഡി സതീശൻ സമ്മതിച്ചു.

അതേ സമയം സർക്കാർ ഒരാളെയും രക്ഷപ്പെടാൻ അനുവതിച്ചില്ല എന്നും കോൺ​ഗ്രസുകാരനായത് കൊണ്ട് അയാളെ രക്ഷപ്പെടുത്താൻ ആരും ശ്രമിച്ചിട്ടില്ലാ എന്നും മുഖം നോക്കാത്ത നടപടികളാണ് ഓപ്പറേഷൻ തൂഫാന്റെ ഭാമായി ഉണ്ടായിട്ടുള്ളതെന്നും മുഖ്യമന്ത്രി കൂട്ടിച്ചേർത്തു. അതേ സമയം പ്രതിപക്ഷം ഈ സംഭവം ഭരണപക്ഷത്തിനെതിരെ ഉപയോ​ഗിക്കാവുന്ന വലിയൊരു ആയുധമാക്കി തന്നെയാണ് കാണുന്നത്.

പ്രതിപക്ഷ നേതാവായിരുന്നപ്പോഴും മുഖ്യമന്ത്രി പദവിയില്‍ എത്തിയപ്പോഴും വി ഡി സതീശന്റെ ഓഫീസുകളില്‍ എംഡിഎംഎ കേസില്‍ പിടിയിലായ മുഹമ്മദ് ഹുസൈന്‍ നിരന്തരം സന്ദര്‍ശനം നടത്തിയിട്ടുണ്ടെന്നാണ് അവർ പ്രധാനമായും ചൂണ്ടിക്കാട്ടിയിരിക്കുന്നത്.