ഖത്തര് എയര്വേസ് സൗദിയില് ആഭ്യന്തര സര്വീസിനൊരുങ്ങു
ആഭ്യന്തര സര്വ്വീസ് നടത്തുന്നതുമായി ബന്ധപ്പെട്ട് ഖത്തര് എയര്വേസും സൗദിയും തമ്മിലുള്ള പ്രശ്നങ്ങള്ക്ക് പരിഹാരമായി. സൗദി എയര്ലൈന് അധികൃതരുമായി നടന്ന ചര്ച്ചയില് ഒത്തുതീര്പ്പിലെത്താന് കഴിഞ്ഞതായി ചീഫ് എക്സിക്യൂട്ടീവ് ഓഫീസര് അക്ബര് അല് ബാകിര് വ്യക്തമാക്കി. ഈ വര്ഷം മൂന്നാംപാദത്തോടെ സര്വീസ് തുടങ്ങാനാവുമെന്നും അതുമായ ബന്ധപ്പെട്ട കാര്യങ്ങള് ചര്ച്ച ചെയ്യുന്നതിന് സി.ഇ.ഒ യെ നിയമിച്ചിട്ടുണ്ടെന്നും അദ്ദേഹം പറഞ്ഞു.
സൗദിയില് ഇന്ധന ഇനത്തില് ലഭിക്കുന്ന വന് സബ്സിഡി കാരണമാണ് ആഭ്യന്തര സര്വ്വീസുകള് മറ്റ് എയര്ലൈന്സുകളേക്കാള് കുറഞ്ഞ ചെലവില് നടത്താന് കഴിയുന്നത്. എന്നാല് പലപ്പോഴും കുറഞ്ഞ നിരക്കില് സര്വ്വീസ് നടത്താന് കഴിയാറില്ല. ബഹറൈന് ഇന്റര് നാഷണല് എയര് ഷോക്കിടെ നടനന്ന ചര്ച്ചയില് പ്രശ്നങ്ങളെല്ലാം അവസാനിച്ചതായി അല് ബാകിര് വെളിപ്പെടുത്തി. സൗദി എയര്ലൈന്സും ബഡ്ജറ്റ് എയര്ലൈനുമാത്രമാണ് സൗദിയിലെ ആഭ്യന്തര സര്വ്വീസുകള്. സൗദിയിലെ പ്രധാന പട്ടണങ്ങളായ റിയാദ്, ജിദ്ദ എന്നിവയെ ബന്ധിപ്പിച്ചുള്ള സര്വ്വീസാണ് നടത്താന് തീരുമാനിക്കുകയും അതിന് 'അല് മാഹ എയര്വേയ്സ് 'എന്നു പേരു നല്കുകയും ചെയ്തു. ഇതിനിടയില് കനേഡിയന് കമ്പനിയായ ബൈംബാഡിയര് ഐ.എന്.സിയുമായി 16 സി സീരീസ് ജെറ്റ് വിമാനങ്ങള് വാങ്ങാനുള്ള കരാറില് സൗദി എയര്ലൈന്സ് ഒപ്പുവച്ച വിവരം കഴിഞ്ഞ ആഴ്ച പുറത്തു വിട്ടിരുന്നു. എന്നാല് രണ്ട് എയര്ലൈന്സ് വാങ്ങാനുള്ള ചര്ച്ച നടന്നതായും ആ ചര്ച്ച മുമ്പോട്ടു കൊണ്ടു പോകാന് സാധിച്ചില്ലെന്നും അല് ബാകിര് പറഞ്ഞു.
https://www.facebook.com/Malayalivartha