ഇസ്ലാമിക സംസ്‌ക്കാരം തൊട്ടറിയാനായി ദുബായില്‍ ഖുര്‍ആന്‍ പാര്‍ക്ക്‌
സഞ്ചാരികളെ ആത്മീയതയുടെ പുതിയ തലങ്ങളിലേക്ക്‌ ഉയര്‍ത്താന്‍ ദുബൈയിലെ അല്‍ ഖാവനീജിലില്‍ ഖുര്‍ആന്‍ പാര്‍ക്ക വരുന്നു. വിശുദ്ധ ഖുര്‍ആനില്‍ പരാമര്‍ശിക്കപ്പെടുന്ന സസ്യലതാദികള്‍ ഉള്‍പ്പെടുത്തിയിട്ടുളള പാര്‍ക്ക്‌ എന്നതാണ്‌ ഇതിന്റെ സവിശേഷത.
60 ഹെക്‌ടര്‍ സ്ഥലത്ത്‌ 27 ദശലക്ഷം ദിര്‍ഹം ചെലവഴിച്ചുകൊണ്ടുള്ള പാര്‍ക്ക്‌ നിര്‍മ്മാണത്തിന്റെ മേല്‍നോട്ടം നിര്‍വഹിക്കുന്നത്‌ ദുബൈ മുനിസിപ്പാലിറ്റി ജനറല്‍ പ്രോജക്‌ട്‌സ്‌ വിഭാഗമാണ്‌.
കഴിഞ്ഞ മാര്‍ച്ചില്‍ പ്രഖ്യാപിച്ച പാര്‍ക്ക്‌ പദ്ധതിയില്‍ മൂന്നു ഘട്ടങ്ങളില്‍ ഇനി ഒരെണ്ണം കൂടിയാണ്‌ പൂര്‍ത്തിയാക്കന്‍ അവശേഷിച്ചിരിക്കുന്നത്‌. ഖുര്‍ആനില്‍ പരാമര്‍ശിക്കുന്ന 54 തരം സസ്യങ്ങള്‍ ഇവിടെ വച്ചു പിടിപ്പിച്ചിരിക്കുന്നതാണ്‌ ഈ പാര്‍ക്കിന്റെ ആകര്‍ഷണീയത.
ഇതില്‍ ഒലീവ്‌, വെളുത്തുള്ളി , സവാള, ചോളം, ബാര്‍ലി , ഗോതമ്പ്‌, ഇഞ്ചി, മത്തങ്ങ, തണ്ണിമത്തന്‍, ഏത്തപ്പഴം തുടങ്ങി 35 എണ്ണം പാര്‍ക്കില്‍ വെച്ചു പിടിപ്പിക്കുമെന്ന്‌ ജനറല്‍ പ്രോജക്‌ട്‌സ്‌ വിഭാഗം ഡയറക്‌ടര്‍ പറഞ്ഞു. ഇതില്‍ 15 ഇനങ്ങള്‍ ഗ്രീന്‍ ഹൗസുകളിലും ബാക്കി തുറസ്സായ സ്ഥലത്തുമാണ്‌ നടുക. ഖൂര്‍ആനില്‍ എന്തുകൊണ്ടാണ്‌ ഇവയെ പരാമര്‍ശിച്ചു എന്നുള്ളതിനെകുറിച്ച്‌ ജനങ്ങളെ ബോധവത്‌ക്കരിക്കുകയും അവര്‍ക്ക്‌ മനസ്സിലാകുംവിധമാണ്‌ പ്രദര്‍ശിപ്പിക്കുക.
ഖൂര്‍ആനില്‍ പരാമര്‍ശിച്ച അത്ഭുതങ്ങള്‍ പ്രദര്‍ശിപ്പിക്കുന്ന ശീതീകരിച്ച ടണല്‍ മറ്റൊരു പ്രത്യേകതയാണ്‌.
ഉംറ കോര്‍ണര്‍ , ഔട്ട്‌സൈഡ്‌ തിയേറ്റര്‍ , ജലധാരകള്‍ , സൈക്കിളിങ്ങ്‌, വാക്കിങ്ങ്‌ ട്രാക്കുകള്‍ , തടാകം, പാം ഒയാസിസ്‌ എന്നിവയും ഇസ്ലാമിക സംസ്‌കാരത്തെ തൊട്ടറിയാന്‍ ഉതകുന്ന വിധത്തില്‍ സംവിധാനം ചെയ്‌ത പൂന്തോട്ടം പദ്ധതിയുടെ ഭാഗമായി നിര്‍മ്മിക്കുന്നുണ്ട്‌. സെപ്‌റ്റംബറില്‍ പാര്‍ക്ക്‌ സഞ്ചാരികള്‍ക്ക്‌ തുറന്നു കൊടുക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
