റിയാദില് 220 ഇന്ത്യാക്കാര് പിടിയില് : ഇഖാമ പരിശോധന തുടരുന്നു
റിയാദില് അനധികൃതമായി തൊഴില് ചെയ്യുന്ന ആളുകളെ കണ്ടെത്താനുള്ള ശ്രമങ്ങള് തുടരുന്നു. വിദേശികള് ധാരാളമായുള്ള കേന്ദ്രങ്ങളിലും താമസസ്ഥലങ്ങളിലും മുന്കൂട്ടി നടത്തുന്ന നിരീക്ഷണങ്ങള്ക്കും രഹസ്യ വിവരങ്ങളുടെ വിശകലങ്ങള്ക്കും ശേഷമാണ് തെരച്ചില് നടത്തുന്നത്. വിവിധ സുരക്ഷാവിഭാഗങ്ങളുടെ സംയുക്തമായ പരിശോധനയില് ഇന്ത്യാക്കാരുള്പ്പെടെ ധാരാളം ആളുകള് പിടിയിലായിട്ടുണ്ട്. ഏറ്റവും പ്രാധാനമായും അവിടെ താമസിക്കുന്നതിനുള്ള രേഖയായ ഇഖാമയാണ് പരിശോധിക്കുന്നത്. എംബസിയുടെ അഭിപ്രായത്തില് ഇഖാമയില്ലാത്ത ഏകദേശം 220ഓളം ഇന്ത്യാക്കാര് പിടിയിലായവരില് ഉള്പ്പെടുന്നു. ഇവരെ ഹാരാ ജയിലില് പാര്പ്പിച്ചിരിക്കുകയാണ്. എംബസി ഉദ്യോഗസ്ഥരും എംബസി വോളണ്ടിയര്മാരും ജയിലില് പോയി വിവരങ്ങള് അന്വേഷിക്കുന്നുണ്ട്. ചിലര് എക്സിറ്റ് ലഭിച്ച് നാട്ടില് പോകാനിരിക്കുന്നവരും മറ്റു ചിലര് അവധിക്ക് പോകാനായി എക്സിറ്റ് റീഎന്ട്രി വിസയും വിമാനടിക്കറ്റും കൈവശമുള്ളവരാണ്. ചിലരാകട്ടെ അവധി കഴിഞ്ഞ് തിരിച്ചെത്തിയവരും. ഇവരെല്ലാപേരും ഇഖാമ കൈവശമില്ലാത്തതിനാല് പരിശോധനവേളയില് പിടിക്കപ്പെട്ടവരാണ്. പലരുടെയും തൊഴിലുടമകള് രേഖകളുമായെത്തി അവരുടെ തൊഴിലാളികളഎ ജയിലില് നിന്ന് ഇറക്കുന്നുണ്ടെങ്കിലും ചിലരുടെ സ്പോണ്സര്മാര് ഇറക്കികൊണ്ടുപോകാത്ത അവസ്ഥയാണ്. ഏതായാലും നാട്ടില് വരാനിരിക്കുന്നവരുടെ കാര്യത്തില് എംബസി അടിയന്തിര നടപടികളെടുക്കുമെന്നറിയുന്നു. ഇവരില് പതിനഞ്ചുപേരോളം തര്ഹീല് മുഖേന നാട്ടില് അടുത്തദിവസം തന്നെ പോകാന് കഴിയുമെന്ന് എംബസി ഉദ്യോഗസ്ഥന്മാര് അറിയിച്ചത്.
https://www.facebook.com/Malayalivartha
