2014ലെ ഹജ്ജ് കരാറില്‍ ഇന്ത്യയും ആതിഥേയരായ സൗദി അറേബ്യയും ഒപ്പിട്ടു. ജിദ്ദയിലെ സൗദി ഹജ്ജ് മന്ത്രിയുടെ ഓഫീസില്‍ വെച്ചായിരുന്നു ചടങ്ങ്. ഇന്ത്യയെ പ്രതിനിധീകരിച്ച് ഹജ്ജിന്റെ കൂടി ചുമതലയുള്ള വിദേശകാര്യ സഹമന്ത്രി ഇ. അഹമ്മദ്, സൗദി അറേബ്യയെ പ്രതിനിധീകരിച്ച് ഹജ്ജ് മന്ത്രി ഡോ. ബന്ദര്‍മുഹമ്മദ് ഹജ്ജാര്‍ എന്നിവരാണ് കരാറില്‍ ഒപ്പുവെച്ചത്.
കഴിഞ്ഞവര്‍ഷം അനുവദിച്ച ക്വാട്ട തന്നെയാണ് അടിസ്ഥാനപരമായി ഇത്തവണയും. എന്നാല്‍, ഇതില്‍ വര്‍ധന ലഭിക്കാന്‍ ഇന്ത്യന്‍സംഘം ശ്രമിക്കുന്നുണ്ട്. 1.36 ലക്ഷം ആയിരുന്നു കഴിഞ്ഞവര്‍ഷം ഇന്ത്യയ്ക്ക് ലഭിച്ച ക്വാട്ട. കരാര്‍ ഒപ്പിട്ടശേഷം കഅബാ യുടെ പ്രദക്ഷിണ വീഥിയിലും മറ്റ് ഹജ്ജ് പ്രദേശങ്ങളിലും നടക്കുന്ന വന്‍ വികസന, നിര്‍മാണപ്രവൃത്തികള്‍ മൂലം കഴിഞ്ഞവര്‍ഷം ഹാജിമാരുടെ എണ്ണം സൗദി സര്‍ക്കാര്‍ കുറച്ചിരുന്നു.