കുട്ടികളുടെ സുരക്ഷയ്‌ക്കായി സൗജന്യ സ്‌മാര്‍ട്ട്‌ ഫോണ്‍ ആപ്പ്‌
കുട്ടികളുടെ സുരക്ഷിതത്വം ഉറപ്പാക്കുന്നതിലേയ്‌ക്കായി അബുദാബിയിലെ ആഭ്യന്തര മന്ത്രാലയം പുതിയ സ്‌മാര്‍ട്ട്‌ ഫോണ്‍ ആപ്‌ളിക്കേഷന്‍ പുറത്തിറക്കി. രാജ്യത്തുള്ള എല്ലാപേര്‍ക്കും സൗജന്യമായാണ്‌ ഇത് ലഭിക്കുന്നത്‌ . എന്റെ സംരക്ഷണം എന്നര്‍ത്ഥമുള്ള ഹിമായത്തി എന്ന ആപ്ലിക്കേഷനിലൂടെയാണ്‌ എല്ലാസമയത്തും കുട്ടികള്‍ക്കും രക്ഷിതാക്കള്‍ക്കും ബന്ധപ്പെടാന്‍ കഴിയും. ഇത് സ്‌മാര്‍ട്ട്‌ ഫോണിലേക്ക്‌ ഡൗണ്‍ലോഡ്‌ ചെയ്‌താണ്‌ ഉപയോഗിക്കാനുളളത്‌ .
ഈ ആപ്ലിക്കേഷന്‍ വഴി കുട്ടികള്‍ സുകൂളില്‍ പോകുന്ന സമയം വൈകിയാണോ ചെല്ലുന്നതെന്നും എവിടെയെല്ലാം പോകുന്നുവെന്നും അറിയാന്‍ സാധിക്കും. കൂടാതെ സ്‌കൂളില്‍ നിന്ന് വരാന്‍ വൈകുന്നതും പൊതു സ്ഥലങ്ങളില്‍ പോകുന്നോ എന്നും അറിയാന്‍ കഴിയും.
കുട്ടികള്ക്ക് പെട്ടെന്ന്‌ എന്തെങ്കിലും ഭയമോ ആശങ്കയോ തോന്നിയാല്‍ ആ നിമിഷം രക്ഷിതാക്കളുമായി ബന്ധപ്പെടുവാനും, അത്യാവശ്യഘട്ടങ്ങളില്‍ നാലുമിനിറ്റിനകം ആവശ്യമായ കാര്യങ്ങള്‍ ചെയ്യുന്നതിന്‌ അധികാരികള്‍ക്കും ഈ പുതിയ സംവിധാനം സഹായകമാകും.
സ്‌മാര്‍ട്ട്‌ ഫോണ്‍ വഴി കുട്ടികളേയും രക്ഷകര്‍ത്താക്കളെയും മാത്രം ബന്ധപ്പെടുത്തുന്നതിന്‌ അവരെ സ്വകാര്യ ഗ്രൂപ്പുകളാക്കി മാറ്റും. അതായത്‌ അവര്‍ക്കു തമ്മില്‍ മാത്രമേ ആശയവിനിമയം നടത്താന്‍ കഴിയുകയുള്ളൂ.
നാഷണല്‍ ഐ.ഡി കാര്‍ഡിലെ നമ്പര്‍ ഉപയോഗിച്ചാണ്‌ ഹിമായത്തി ആപ്ലിക്കേഷന്‍ ഡൗണ്‍ ലോഡു ചെയ്യാനാവുക. അധികൃതരില്‍ നിന്ന് അനുമതി ലഭിച്ചാല്‍ മാത്രമേ കുട്ടികളെ കൊണ്ടും രക്ഷിതാക്കള്‍ക്ക്‌ ഈ ആപ്ലിക്കേഷന്‍ ഡൗണ്‍ ലോഡു ചെയ്യാന്‍ കഴിയൂ. അച്ഛനും അമ്മയും കുട്ടികളുമടങ്ങുന്ന ഒരു സ്വകാര്യ ഗ്രൂപ്പ്‌ ഉണ്ടാക്കുകയും വേണം. ഈ ഗ്രൂപ്പുകാര്‍ക്ക്‌ തമ്മില്‍ ആശയവിനിമയം നടത്താം.
പുറത്തു നിന്നുള്ള ആര്‍ക്കും ഈ ശ്രൃംഖല ഉപയോഗിക്കാന്‍ കഴിയില്ല . രക്ഷിതാക്കള്‍ക്ക്‌ വേണമെങ്കില്‍ തങ്ങള്‍ എവിടെയാണെന്ന്‌ മറച്ചു വയ്‌ക്കുവാനുള്ള സൗകര്യം അതിലുണ്ട്‌. ഓരോ വ്യക്തിക്കും അതില്‍ കയറുന്നതിന്‌ പാസ്‌ വേര്‍ഡ്‌ ഉണ്ട്‌ .
ഏഴു വര്‍ഷത്തെ യു.എ.യുടെ കഠിനപ്രയത്‌നമാണ്‌ ഇങ്ങനെയൊരു ആപ്ലിക്കേഷന്‍ തയ്യാറാക്കാന്‍ സാധിച്ചതെന്ന്‌ ഉപപ്രധാനമന്ത്രിയുടെയും ആഭ്യന്തരമന്ത്രിയുടെയും ഓഫീസ്‌ സെക്രട്ടറി ജനറല്‍ മേജര്‍ ജനറല്‍ നാസര്‍ ലക്‌റൈബാനി അല്‍ നു ഐമി വെളിപ്പെടുത്തി. ആഭ്യന്തമന്ത്രാലയം പുറത്തിറക്കിയ 30 സ്‌മാര്‍ട്ട്‌ ഫോണ്‍ ആപ്‌ളിക്കേഷന്റെയും 169 ഇലക്‌ട്രോണിക്‌ സേവനങ്ങളുടെയും ഭാഗമായാണ്‌ ഹിമായത്തി ആപ്ലിക്കേഷനെന്ന്‌ അദ്ദേഹം പറഞ്ഞു.
യു.എ.ഇ യെ ലോകത്തില്‍ വച്ച്‌ ഏറ്റവും സുരക്ഷിതമായ സ്ഥലമാക്കി മാറ്റുന്നതിലേയ്‌ക്കായുള്ള ശ്രമത്തിന്റെ ഭാഗമാണ്‌ പുതിയ പദ്ധതികള്‍ നടപ്പാക്കുന്നത്‌ .
https://www.facebook.com/Malayalivartha
