പലായനത്തിനിടെ മരുഭൂമിയില് ഒറ്റപ്പെട്ടുപോയ നാലുവയസുകാരനെ യൂഎന് അംഗരക്ഷകര് കണ്ടെത്തി
ആഭ്യന്തര കലഹം രൂക്ഷമായ സിറിയയില് പലായനത്തിനിടെ മരുഭൂമിയില് ഒറ്റപ്പെട്ട നാലു വയസുകാരനെ യുഎന് അംഗരക്ഷകര് കണ്ടെത്തി. അറ്റം കാണാത്ത മരുഭൂമിയിലൂടെ അലഞ്ഞു നടന്ന മര്വാന് എന്ന നാലു വയസുകാരന് സിറിയയില് നിന്നും പലായനം ചെയ്യവേ കുടുംബാംഗങ്ങളില് നിന്നും വേര്പെട്ടുപോവുകയായിരുന്നു. കുട്ടിയെ കണ്ടെത്തിയ യുഎന് അംഗരക്ഷകര് 10 മിനിറ്റകം കുട്ടിയെ മതാപിതാക്കളുടെ അടുത്തെത്തിച്ചു.
ജോര്ദാന് സിറിയ അതിര്ത്തിക്ക് സമീപം മരുഭൂമിയില് ഒറ്റയ്ക്ക് നടക്കുന്ന മര്വാന്റെ ഹൃദയഭേദകമായ ചിത്രങ്ങള് ഇപ്പോള് ഇന്റര്നെറ്റില് പ്രചരിക്കുന്നുണ്ട്.
സാധനങ്ങള് നിറച്ച പ്ലാസ്റ്റിക് ബാഗും വഹിച്ചാണ് മര്വാല് മണിക്കൂറുകളോളം ഒറ്റയ്ക്ക് നടന്നത്. അംഗരക്ഷകര് എടുത്തുകൊണ്ട് പോവുമ്പോഴും മര്വാന് ബാഗില് നിന്നും പിടി വിടാന് തയ്യാറായിരുന്നില്ല.
പ്രശ്ന കലുഷിതമായി സിറിയയിലെ ജനതയുടെ കൂട്ട പലായനം തുടര്ന്നുകൊണ്ടിരിക്കുകയാണ്. മാതൃരാജ്യത്തു നിന്നും മരുഭൂമയിലൂടെ ദിവസങ്ങളോളം നടന്നുകൊണ്ട് സ്വന്തം കുടുംബത്തെ സൂരക്ഷിതമായ ഇടങ്ങളിലേക്ക് എത്തിക്കാല് പ്രയാസപ്പെടുന്ന മനുഷ്യജീവിതങ്ങള് ആണ് അവിടെ. മര്വാന് എന്ന നാലു വയസുകാരന്റെ മരുഭൂമിയില് ഒറ്റപ്പെട്ട യാത്രയുടെ ചിത്രങ്ങള് ലോകത്തോട് പറയുന്നതും യുദ്ധവും കലഹങ്ങളും ഒറ്റപ്പെടുത്തുന്ന, ഇല്ലാതാക്കുന്ന ജീവിതങ്ങളെ കുറിച്ച് തന്നെ.
https://www.facebook.com/Malayalivartha