കുവൈത്തില് തൊഴില് വിസ ഏപ്രിലില് പുനരാരംഭിക്കുമെന്ന് തൊഴില് സാമൂഹിക മന്ത്രി ഹിന്ദ് അല്-സബീഹ്
കുവൈത്തില് തൊഴില് വിസ നല്കുന്നത് ഏപ്രില് ഒന്നുമുതല് പുനരാരംഭിക്കും. ഇത് സംബന്ധിച്ച ഉത്തരവ് തൊഴില് സാമൂഹിക മന്ത്രി ഹിന്ദ് അല്-സബീഹ് ഉടന് പുറപ്പെടുവിക്കുമെന്ന് മന്ത്രാലയ ഉന്നതവൃത്തങ്ങള് അറിയിച്ചു. വര്ഷങ്ങളായി നിലനില്ക്കുന്ന നിരോധനം ഒഴിവാക്കി സ്വകാര്യ മേഖലയില് തൊഴില് വിപണിയുടെ ആവശ്യമനുസരിച്ച് എല്ലാ തസ്തികകളിലും തൊഴില് അനുമതി അനുവദിക്കുന്നതിനാണ് തീരുമാനം.
നിലവിലുള്ള മാനദണ്ഡങ്ങള് നിലനിര്ത്തി തൊഴിലന്വേഷകരുടെ കൃത്യമായ യോഗ്യതാ സര്ട്ടിഫിക്കറ്റ്, ആരോഗ്യ സര്ട്ടിഫിക്കറ്റ്, തൊഴില് പരിചയ സര്ട്ടിഫിക്കറ്റ് എന്നിവ സൂക്ഷ്മപരിശോധനയിലൂടെ ഉറപ്പുവരുത്തും.
സ്വന്തം രാജ്യത്ത് കുറ്റകൃത്യങ്ങളില് ഉള്പ്പെട്ടിട്ടില്ലായെന്ന് വ്യക്തമാക്കുന്ന പോലീസ് കഌയറന്സ് സര്ട്ടിഫിക്കറ്റ് എന്നിവയും ഹാജരാക്കണം.അതേസമയം രാജ്യത്ത് നിലവിലുള്ള തൊഴില് നിയമം കൃത്യമായി പാലിക്കുന്ന സ്ഥാപനങ്ങള്ക്ക് മാത്രമേ തൊഴില് വിസ അനുവദിക്കുകയുള്ളൂ. ആദ്യമൂന്ന് മാസം പ്രൊബേഷന് പിരീയഡ് ആയിരിക്കും. വിജയകരമായി തൊഴില് പ്രാവീണ്യം തെളിയിച്ച ശേഷമേ വര്ക്ക്പെര്മിറ്റ് വിദേശതൊഴിലാളിക്ക് അനുവദിക്കുകയുള്ളൂ.
വ്യാജവിസ ഇടപാടുകള്ക്കായി പ്രവര്ത്തിക്കുന്ന വ്യാജകമ്പനികള്ക്കെതിരെ ശക്തമായ നടപടി സ്വീകരിക്കുന്നതിനും തൊഴില് സാമൂഹികമന്ത്രി നിര്ദേശം നല്കി. വ്യാജവിസ കമ്പനികളുടെ പേരില് സമ്പാദിച്ച വിസയിലെത്തിയവരെ കണ്ടെത്തി ശിക്ഷാ നടപടികള് സ്വീകരിക്കുന്നതിനും തീരുമാനിച്ചു. അത്തരം സ്ഥാപനങ്ങളുടെ ഫയലുകള് മരവിപ്പിക്കും. അത്തരം സ്ഥാപനങ്ങളുടെ വിസയിലെത്തിയവരെ കണ്ടെത്തി നാടുകടത്തുന്നതിനും സ്ഥാപനങ്ങളുടെ ലൈസന്സ് റദ്ദാക്കുന്നതിനും നിര്ദേശം നല്കും. പരിശോധനയ്ക്കായി ഉന്നത സമിതിയെ നിയമിച്ചതായും മന്ത്രി അറിയിച്ചു.
https://www.facebook.com/Malayalivartha
