കൊറോണസ് വൈറസിനെതിരെ ജാഗ്രത പുലര്ത്താന് സൗദി ആരോഗ്യ മന്ത്രലയം
മെര്സ് കൊറോണ വൈറസിനെതിരെ ജാഗ്രത പുലര്ത്താന് സൗദി ആരോഗ്യമന്ത്രാലയം മാര്ഗ നിര്ദേശങ്ങള് പുറപ്പെടുവിച്ചു. രോഗബാധ കുടുതല് പേരില് റിപ്പോര്ട്ട് ചെയ്ത സാഹചര്യത്തിലാണ് സൗദിയുടെ നടപടി.
പനി, ചുമ, ന്യുമോണിയ, ശ്വാസതടസ്സം, ഛര്ദ്ദി, അതിസാരം, വൃക്ക തകരാര് എന്നിവയാണ് മെര്സിന്റെ ലക്ഷണങ്ങള്.
ഒരാഴ്ചക്കിടെ കൂടുതല് മെര്സ് രോഗബാധ റിപ്പോര്ട്ട് ചെയ്ത സാഹചര്യത്തിലാണ് സൗദി ആരോഗ്യമന്ത്രാലയം ജാഗ്രത പുലര്ത്താന് മാര്ഗ്ഗനിര്ദ്ദേശങ്ങള് പുറപ്പെടുവിച്ചത്. മനുഷ്യനിലും മൃഗങ്ങളിലും ഒരുപോലെ ബാധിക്കുന്ന മാരക വൈറസാണ് മെര്സ്. ഇതിന് ഇതുവരെ പ്രതിവിധി കണ്ടെത്തിയിട്ടില്ല. കുത്തിവയ്പുമില്ല. എന്നാല്, ബന്ധപ്പെട്ട വിഭാഗം ഈ രോഗത്തിനെതിരെ മതിയായ ബോധവത്കരണവും രോഗം പടരാതിരിക്കാനുള്ള നടപടികളും നടത്തിവരുന്നു.
മറ്റു കൊറോണ വൈറസുകള്, പനി എന്നിവ പോലെ ഇതും പകരുന്നതാണ്. രോഗികളുമായി നേരിട്ട് ഇടപെഴകാതിരിക്കുക, രോഗി തുമ്മുമ്പോഴും ചുമയ്ക്കുമ്പോഴും തുള്ളി ദേഹത്ത് വീഴാതിരിക്കുക, രോഗിയുടെ മൂക്ക്, വായ, കണ്ണുകള് എന്നിവ സ്പര്ശിച്ച വസ്തുക്കള് തൊടാതിരിക്കുക എന്നിവ രോഗം പടരാതിരിക്കാന് ശ്രദ്ധിക്കേണ്ട കാര്യങ്ങളാണെന്ന് ആരോഗ്യമന്ത്രാലയത്തിന്റെ നിര്ദ്ദേശങ്ങളില് വ്യക്തമാക്കുന്നു. മെര്സിനെ കുറിച്ച് കൂടുതല് അറിയാന് 800 249 4444 എന്ന നമ്പരില് ബന്ധപ്പെടാവുന്നതാണെന്നും അധികൃതര് അറിയിച്ചു.
https://www.facebook.com/Malayalivartha
