സൗദിയില് വിമാനം വൈകിയാല് വിമാനകമ്പനികള് ഭീമന് തുക പിഴ നല്കണം
വിമാനം വൈകിയാല് ഉത്തരവാദികളായ വിമാന കമ്പനികളില്‍ നിന്നും ഭീമന് തുക ഈടാക്കുന്ന നിയമം കൊണ്ടുവരാന്‍ സൗദി തയ്യാറെടുക്കുന്നു. വിമാന സര്‍വീസിലെ മാറ്റങ്ങള്‍ സംബന്ധിച്ച് യാത്രക്കാരെ 14 ദിവസം മുമ്പ് അറിയിച്ചില്ലെങ്കില്‍ മണിക്കൂറിന് 300 റിയാല്‍ വച്ച് ഓരോ യാത്രക്കാരനും പ്രാദേശിക വിമാനകമ്പനികള് ഇതോടെ നല്‍കേണ്ടി വരും.
യാത്രക്കാരെ വലയ്ക്കുന്ന വിമാനകമ്പനികളെ നിലക്കുനിര്‍ത്തുകയാണ് പുതിയ നിയമത്തിന്റെ ലക്ഷ്യം. വിമാനം വൈകിയാല് ഉത്തരവാദികളായ വിമാന കമ്പനികളില്‍ നിന്നും വന്‍ തുക ഈടാക്കുന്നതാണ് സൗദി നിയമം. സൗദി ജനറല്‍ അതോറിറ്റി ഫോര്‍ സിവില്‍ ഏവിയേഷന്‍ ആണ് ഈ പിഴ ഈടാക്കുക.. ഓരോ യാത്രക്കാരനും പരമാവധി 3000 റിയല്‍ നഷ്ടപരിഹാരവും വിമാനത്താവള പരിസരങ്ങളില്‍ തന്നെ ആവശ്യമായ സേവനവും ഉറപ്പുവരുത്തനാണ് പുതിയ വ്യവസ്ഥ. യാത്ര വൈകുന്നത് ഒഴിവാക്കാനായുള്ള നടപടിക്രമങ്ങള്‍ പാലിച്ചിട്ടുണ്ടെങ്കില്‍ വിമാന കമ്പനികള്‍ പിഴ നല്‍കേണ്ടി വരില്ല.
നിശ്ചിത സര്‍വ്വീസ് റദ്ദാക്കുകയും പകരം സേവനം ലഭ്യമാക്കാതിരിക്കുകയും ചെയ്യുന്ന സാഹചര്യങ്ങളില്‍ ഇപ്പോള്‍ തന്നെ പല വിമാന കമ്പനികളും യാത്രക്കാര്‍ക്ക് ഹോട്ടലില്‍ താമസ സൗകര്യം ഒരുക്കുന്നുണ്ട്. പ്രതിദിനം 3000 റിയാല്‍ വരെയുള്ള ഹോട്ടല്‍ സൗകര്യമാണ് ഓരോ യാത്രക്കാരനും നല്‍കി വരുന്നത്. നിശ്ചിത സമയത്തില്‍ നിന്ന് ആറ് മണിക്കൂറിനകം ബദല്‍ യാത്രാ സൗകര്യം ഒരുക്കിയില്ലെങ്കിലാണ് മണിക്കൂറൊന്നിന് ഓരോ യാത്രക്കാരനും 300 റിയാല്‍ വച്ച് നഷ്ടപരിഹാരം നല്‍കേണ്ടത്. ഒരു മണിക്കൂറാണ് വിമാനം വൈകുന്നതെങ്കില്‍ യാത്രക്കാര്‍ക്ക് ശീതള പാനീയങ്ങള്‍ നല്‍കാന്‍ വിമാന കമ്പനി ബാധ്യസ്ഥരാണ്. മൂന്ന് മണിക്കൂറാണ് വൈകുന്നതെങ്കില്‍ ചൂടുള്ള ഭക്ഷണത്തിനും ആറ് മണിക്കൂറിലേറെയാണ് വൈകുന്നതെങ്കില്‍ ഹോട്ടല്‍ താമസത്തിനും യാത്രക്കാര്‍ക്ക് അവകാശമുണ്ടായിരിക്കും. നിയമത്തെ മറികടക്കാന്‍ പുതിയ തന്ത്രങ്ങലുമായി വിമാനകമ്പനികളും വൈകാതെ രംഗത്തെത്തിയേക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
