ജിദ്ദ ഫെസ്റ്റിവല് തുടങ്ങി; ഇനി ആഘോഷങ്ങളുടെ നാളുകള്
ആഘോഷങ്ങള് നാളുകളുടെ വരവറിയിച്ച് ജിദ്ദ ഫെസ്റ്റിവലിന് വര്ണാഭ തുടക്കം. ജിദ്ദ ഗവര്ണര് അമീര് മിശ്അല് ബിന് മാജിദ് ഫെസ്റ്റിവല് ഉദ്ഘാടനം ചെയ്തു. കോര്ണിഷിലെ ഹോഴ്സ് ക്ളബിനടുത്തൊരുക്കിയ ഉദ്ഘാടന ചടങ്ങില് സംസ്കാരിക വാര്ത്ത മന്ത്രി ഡോ. അബ്ദുല് അസീസ് ബിന് മുഹ്യുദ്ദീന് ഖോജയെ കൂടാതെ വിവിധ വകുപ്പ് മേധാവികളും ഉദ്യോഗസ്ഥരും ചേംബര് അധികൃതരും വ്യവസായ പ്രമുഖരും സ്വദേശികളുമടക്കം നിരവധി പേര് പങ്കെടുത്തു. തുടര്ന്ന് കരിമരുന്നു പ്രയോഗവും വിവിധ കലാവിനോദ പരിപാടികളും അരങ്ങേറി. വേനലവധിയോടനുബന്ധിച്ച് ‘വേറിട്ട ജിദ്ദ 35’ എന്ന തലക്കെട്ടില് നടക്കുന്ന ഫെസ്റ്റിവല് 24 ദിവസം നീണ്ടു നില്ക്കും.100 ലധികം വൈവിധ്യമാര്ന്ന പരിപാടികള് ഇത്തവണയും മേളയിലുണ്ടാകും. 70ഓളം വിനോദ കേന്ദ്രങ്ങളും 360 ഓളം കച്ചവട കേന്ദ്രങ്ങളും കോംപ്ളക്സുകളും മേളയില് പങ്കെടുക്കുന്നുണ്ട്. സമ്മാന പദ്ധതിയില് 15 കാറുകള്, മൂന്ന് കിലോ സ്വര്ണ്ണം, 30 ലക്ഷം റിയാല് വരുന്ന 5000 സമ്മാനങ്ങള് എന്നിവ ഒരുക്കിയിട്ടുണ്ട്. 1500 ഓളം കച്ചവട കേന്ദ്രങ്ങളില് ആകര്ഷകമായ വിലക്കിഴിവുകള് ഏര്പ്പെടുത്തിയിട്ടുണ്ട്. ഈ വര്ഷത്തെ മേളയില് 30 ലക്ഷം സന്ദര്ശകരത്തെുമെന്നാണ് സംഘാടകര് പ്രതീക്ഷിക്കുന്നത്.സ്ക്കൂള് അടച്ചതോടെ രാജ്യത്തിന്െറ വിവിധ ഭാഗങ്ങളില് നിന്ന് ജിദ്ദയിലേക്ക് കുടുംബ സമേതം ആളുകളുടെ വരവ് തുടങ്ങി. ഇതോടെ റോഡുകളിലും ലോഡ്ജുകളിലും തിരക്കേറിയിട്ടുണ്ട്.
മേളയോടനുബന്ധിച്ച് ജിദ്ദയിലത്തെുന്നവരെ സ്വീകരിക്കാന് ഹോട്ടലുകളും ഫര്ണിഷ്ഡ് അപാര്ട്ടുമെന്റുകളും ഒരുങ്ങിയതായി മക്ക മേഖല ടൂറിസം എക്സിക്യൂട്ടീവ് മേധാവി മുഹമ്മദ് ബിന് അബ്ദുല്ല അല്അംറി പറഞ്ഞു. ഹോട്ടലുകളില് 7000 ഓളം റൂമുകളുണ്ട്. ഇതിനുപുറമെ 25000ത്തിലധികം ഫര്ണിഷ്ഡ് സ്യൂട്ടുകളും ജിദ്ദയിലുണ്ട്. ഹോട്ടലുകളും ഫര്ണിഷ്ഡ് അപാര്ട്ടുമെന്റുകളും നിയമങ്ങള് പാലിക്കുന്നുണ്ടോയെന്ന് പരിശോധിക്കുന്നതിന് ടൂറിസം വകുപ്പ് പരിശോധന തുടരുമെന്നും അദ്ദേഹം പറഞ്ഞു. വേനലവധിയും ജിദ്ദ ഫെസ്റ്റിവലും പ്രമാണിച്ച് ട്രാഫിക്ക് തിരക്ക് നിയന്ത്രിക്കുന്നതിന് ആവശ്യമായ നടപടികള് സ്വീകരിച്ചതായി ജിദ്ദ ട്രാഫിക് മേധാവി കേണല് വസലുല്ലാഹ് അല്ഹര്ബി പറഞ്ഞു.
https://www.facebook.com/Malayalivartha