ഉംറ തീര്ത്ഥാടകര് പരമാവധി പന്ത്രണ്ട് ദിവസം മാത്രമേ സൗദിയില് തങ്ങാവൂ
വിദേശി ഉംറ തീര്ത്ഥാടകര് രാജ്യത്ത് പരമാവധി പന്ത്രണ്ട് ദിവസം മാത്രമേ തങ്ങാവൂ എന്ന് ഹജ്ജ് മന്ത്രാലയം അറിയിച്ചു. കൂടുതല് ഉംറ തീര്ത്ഥാടകര്ക്ക് അവസരമൊരുക്കാനായാണിത്. ഇപ്പോള് നാല് ലക്ഷത്തോളം തീര്ത്ഥാടകരാണ് രാജ്യത്തുള്ളത്. ഇവര് മടങ്ങിയാല് മാത്രമേ ഉംറ കമ്പനികള്ക്ക് അടുത്ത തീര്ത്ഥാടക സംഘത്തെ കൊണ്ടുവരാന് കഴിയുകയുള്ളൂ. ഇതു കണക്കിലെടുത്താണ് ഹജ്ജ് മന്ത്രാലയത്തിന്റെ നിര്ദ്ദേശം.
ഹറം വികസന പദ്ധതികള് പുരോഗമിക്കുകയാണ്. തിരക്കൊഴിവാക്കാന് ഉദ്യോഗസ്ഥരുമായി സഹകരിക്കണമെന്നും വിദേശത്ത് നിന്ന് തീര്ത്ഥാടനത്തിനെത്തുന്നവര്ക്ക് സൗകര്യപ്രദമായി ഉംറ നിര്വഹിക്കാന് അവസരമൊരുക്കണമെന്നും ഇരുഹറം കാര്യാലയ മേധാവി ഡോ. അബ്ദുറഹ്മാന് അല്സുദൈസ് പറഞ്ഞു.
https://www.facebook.com/Malayalivartha