റമദാന്‍ മാസത്തില്‍ അനധികൃത തൊഴിലാളികള്‍ക്ക് വേണ്ടിയുളള പരിശോധന ഊര്‍ജ്ജിതമാക്കുമെന്ന് സൗദി അധികൃതര്‍ അറിയിച്ചു. പിടികൂടപ്പെടുന്നവര്‍ക്കും തൊഴിലുടമകള്‍ക്കുമെതിരെ നിയമ നടിപടിയെടുക്കുമെന്നും ദമാം മേഖലാ തൊഴില്‍ മേധാവി അറിയിച്ചു. ശേഷിക്കുന്ന അനധികൃത തൊഴിലാളികളെ കണ്ടെത്തുന്നതിന് റമദാനില്‍ പരിശോധന ശക്തമാക്കാനാണ് സൗദി അധികൃതരുടെ നീക്കം.

കച്ചവടസ്ഥാപനങ്ങള്‍ പിഴ കൂടാതെ അടച്ചിടുന്നത് അടക്കമുളള നടപടികളാവും തൊഴിലുടമക്കെതിരെ സ്വീകരിക്കുകയെന്ന് ദമാം മേഖലാ തൊഴില്‍ മേധാവി അഹ്മദ് അല്‍ ഹാലിഫ് അറിയിച്ചു. കച്ചവടസ്ഥാപനങ്ങല്‍ കേന്ദ്രീകരിച്ചുളള പരിശോധനകള്‍ക്കാവും പ്രാമുഖ്യം നല്‍കുക. നിയമലംഘനങ്ങളുടെ എണ്ണമനുസരിച്ചായിരിക്കും ശിക്ഷ നിശ്ചയിക്കുക. ഇതിന് ആഭ്യന്തരമന്ത്രാലയത്തിന്റെ നിയമാവലി മാനദണ്ഡമാക്കും. ആദ്യ തവണ 5000 റിയാല്‍ പിഴയും രണ്ടാം തവണ പിടിക്കപ്പെടുന്നവര്‍ക്ക് പതിനായിരം റിയാല്‍ പിഴയും ഒരു മാസത്തെ തടവും ലഭിക്കും. തടവും പിഴയും കൂടി ഒന്നിച്ച് നല്‍കുകകയും ചെയ്യാം.

നിയമലംഘനത്തിന്റെ കാഠിന്യമനുസരിച്ച് നാടുകടത്തല്‍ അടക്കമുളള ശിക്ഷയുണ്ടാവും. നാടുകടത്തുന്നതിന് മുന്‍പായി വിരലടയാളം രേഖപ്പെടുത്താത്തവരുടെ വിരലടയാളം രേഖപ്പെടുത്തും. ഇത്തരത്തില്‍ നാടുകടത്തപ്പെടുന്നവര്‍ക്ക് രണ്ട് വര്‍ഷത്തേക്ക് പ്രവേശന നിരോധനവും ഏര്‍പ്പെടുത്തുമെന്ന് അധികൃതര്‍ വ്യക്തമാക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha