തീര്‍ത്ഥാടകരെ സ്വീകരിക്കാന്‍ മക്ക ഒരുങ്ങി
റമസാന്‍ അടുത്തുവരവേ ലോകത്തിന്റെ വിവിധ ഭാഗങ്ങളില്‍ നിന്നെത്തുന്ന തീര്‍ത്ഥാടകരെ സ്വീകരിക്കാന്‍ വിശുദ്ധ നഗരി ഒരുങ്ങി. ഹജ്ജ് മന്ത്രാലയവും ഇരുഹറം കാര്യാലയങ്ങളും ഇതിനായുള്ള അവസാന ഒരുക്കങ്ങളിലാണ്. റമസാന്‍ അടുത്തതോടെ തീര്‍ത്ഥാടക പ്രവാഹത്തെ വരവേല്‍ക്കുകയാണ് മക്ക. ഹജ്ജ് മന്ത്രാലയവും ഇരുഹറം കാര്യാലയങ്ങളും റമസാനിലെ ഉംറാ സീസണായുളള ഒരുക്കത്തിലാണ്. ഹറമുകളിലെ വികസനപ്രവര്‍ത്തനങ്ങളും പുരോഗമിക്കുകയാണ്.
പണി പൂര്‍ത്തിയായ ഗ്രൗണ്ട് നിലയും ഒന്നാം നിലയും രണ്ടാം നിലയിലെ ചില ഭാഗങ്ങളും ഇത്തവണ റമസാനില്‍ തീര്‍ത്ഥാടകര്‍ക്ക് വിട്ട്‌കൊടുക്കാന്‍ അധികൃതര്‍ തീരുമാനിച്ചിട്ടുണ്ട്. ഇതോടെ റമസാനിലെ തിരക്ക് കുറക്കാനാവും. നമസ്‌കാരത്തിന് കൂടുതലാളുകളെ ഉള്‍ക്കൊള്ളാന്‍ പാകത്തില്‍ മുറ്റം ഒരുക്കും. മുറ്റങ്ങളിലും നടപ്പാതകളിലും സ്‌ക്രീനുകളും മാര്‍ഗ നിര്‍ദേശ ബോര്‍ഡുകളും സ്ഥാപിക്കുന്ന ജോലികളും പുരോഗമിക്കുന്നു. മസ്ജിദുല്‍ ഹറമിലെ തറാവീഹ് സമസ്‌കാരം തത്സമയം കാണുന്നതിനും തീര്‍ഥാടകര്‍ക്കാവശ്യമായ മാര്‍ഗ നിര്‍ദേശങ്ങള്‍ നല്‍കാനും എട്ട് വലിയ സ്‌ക്രീനുകള്‍ സ്ഥാപിച്ചിട്ടുണ്ട്.
തിരക്ക് നിയന്ത്രിക്കാനും ഹറമിലേക്കുള്ള തീര്‍ഥാടകരുടെ പോക്കുവരവുകള്‍ എളുപ്പമാക്കുന്നതിനും ഗതാഗതവകുപ്പും പോലീസും സംയുക്തമായി രംഗത്തെത്തും. ഹജ്ജ് സമയത്ത് കാല്‍നടക്കാര്‍ക്ക് കൂടുതല്‍ സൗകര്യമുണ്ടാക്കുന്ന വിധത്തിലുള്ള റമസാന്‍ ട്രാഫിക് പദ്ധതി പരീക്ഷണാടിസ്ഥാനത്തില്‍ തുടങ്ങി. ചെയിന്‍ ബസ് സര്‍വീസ് ഭാഗികമായി ആംരഭിച്ചു. ഹറമിനടുത്ത് വാഹനങ്ങള്‍ പാര്‍ക്ക് ചെയ്യുന്നത് നിരോധിച്ചിട്ടുണ്ട്. തീര്‍ത്ഥാടകരുടെ വാഹനങ്ങള്‍ക്കായി വിവിധ പ്രവേശന കവാടങ്ങള്‍ക്ക് അടുത്ത് പാര്‍ക്കിങ് കേന്ദ്രങ്ങള്‍ ഒരുക്കിയിട്ടുണ്ട്.
https://www.facebook.com/Malayalivartha
