ആലപ്പുഴയിൽ വൈദ്യുതി പോസ്‌റ്റിൽ വലിഞ്ഞു കയറിയ അഞ്ചടിയോളം നീളം വരുന്ന പെരുമ്പാമ്പ്‌ ഷോക്കടിച്ചു ചത്തു
ആലപ്പുഴ പൂച്ചാക്കല്‍ പാണാവള്ളി നാല്‍പത്തെണ്ണീശ്വരം മരമുത്തശ്ശന്‍ കവലയ്ക്കു സമീപത്തെ വൈദ്യുതിതൂണില്‍ വലിഞ്ഞു കയറിയ പെരുമ്പാമ്പ്‌ ഷോക്കടിച്ചു ചത്തു. അഞ്ച് അടിയോളം നീളവും 10 കിലോയോളം ഭാരം വരുന്ന പെരുമ്പാമ്പാണ് ഷോക്കേറ്റ് ചത്തത്. പാമ്പിന്റെ കഴുത്തിന്റെ ഭാഗത്ത് മാംസം കരിഞ്ഞു പോയി
തിങ്കളാഴ്ച രാത്രി മുതൽ നിരന്തരമായി കറന്റ് പരിസര പ്രദേശങ്ങളിൽ വന്നും പോയി നിന്നതുമായി ബന്ധപ്പെട്ട് പൂച്ചാക്കൽ കെ എസ് ഇ ബി യിൽ പരാതി പറഞ്ഞെങ്കിലും പരാതി നോക്കാൻ എത്തിയവർ ലൈൻ കമ്പിയിൽ കുടുങ്ങിയ പാമ്പിനെ കണ്ടിരുന്നില്ല.ചൊവ്വാഴ്ച പോസ്‌റ്റിന്‌ സമീപത്തെ വീട്ടിലെ കുട്ടികളായ ജയശങ്കറും ഹരിശങ്കറുമാണ്‌ പാമ്പ് വൈദ്യുത കമ്പിയിൽ കുടുങ്ങിക്കിടക്കുന്നത് കണ്ടത്.
വിവരമറിഞ്ഞെത്തിയ കെഎസ് ഇ ബി ജീവനക്കാർ പാമ്പിനെ താഴെയിറക്കി. അസിസ്റ്റന്റ് എഞ്ചിനീയർ കെവി സനിൽ, സബ് എഞ്ചിനീയർ എ നന്ദകുമാർ, ലൈൻമാരായ വിജയകുമാർ., സുജിത്ത്, സുരേഷ്‌കുമാർ, ദിനേശ് എന്നിവരാണ് പാമ്പിനെ ലൈനിൽ നിന്ന് നീക്കം ചെയ്‌തത്‌.
https://www.facebook.com/Malayalivartha
