പറക്കോട് ഷഫീഖ് എന്ന യുവാവിന്റെ വീട്ടില്‍ നിന്ന് ആയുധങ്ങള്‍ കണ്ടെത്തിയ സംഭവത്തില്‍ അടൂര്‍പോലീസ്കള്ളക്കഥ പ്രചരിപ്പിക്കുകയാണെന്ന് എസ്ഡിപിഐ അടൂര്‍ മണ്ഡലം സെക്രട്ടറിയേറ്റ് അഭിപ്രായപ്പെട്ടു. ഷഫീഖ് എസ്ഡിപിഐ പ്രവര്‍ത്തകനാണന്ന വ്യാജ പ്രചരണമാണ് ആദ്യം പോലീസ് നടത്തിയത്. എന്നാല്‍ ഷഫീഖ് എസ്ഡിപിഐ പ്രവര്‍ത്തകന്‍ അല്ലന്ന് ബോധ്യപ്പെട്ടതോടെ പോലീസ് മലക്കം മറിഞ്ഞു. പിന്നീട് അനുഭാവി എന്ന തരത്തിലുള്ള പ്രചരണമാണ് പോലീസ് നടത്തുന്നത്. തെറ്റായ വാര്‍ത്ത മാധ്യമങ്ങള്‍ക്ക് നല്‍കുക വഴി എസ് ഡി പി ഐയെ പൊതുജനമധ്യത്തില്‍ ഇകഴ്ത്തുകയാണ് പോലീസ് ശ്രമം.

രണ്ട് മാസം മുമ്പ് പഴകുളത്ത് നടന്ന സി പി എമ്മിന്റെ അക്രമസംഭവത്തില്‍പോലീസ്ഏകപക്ഷീയമായ നിലപാടണ് സ്വീകരിച്ചത്. എസ്ഡിപിഐ പ്രവര്‍ത്തകര്‍ക്കെതിരേ വ്യാപകമായി കള്ളക്കേസ് ചുമത്തുകയും ചെയ്തു. ഇന്നലെ രാവിലെ മുതല്‍ ദൃശ്യമാധ്യമങ്ങളില്‍ പ്രത്യക്ഷപ്പെട്ട 'എസ്ഡിപിഐ പ്രവര്‍ത്തകന്റെ വീട്ടില്‍ വന്‍ ആയുധശേഖരം കണ്ടെത്തി' എന്ന വാര്‍ത്ത പാര്‍ട്ടിയെ ഏറെ തെറ്റിദ്ധരിപ്പിക്കപ്പെട്ടു. ഇതിനെതിരേ നിയമ പരമായും ജനകീയമായും നേരിടുമെന്നും സെക്രട്ടറിയേറ്റ് അഭിപ്രായപ്പെട്ടു. മണ്ഡലം പ്രസിഡന്റ് ആസാദ് പന്തളം അധ്യക്ഷത വഹിച്ചു. അല്‍അമീന്‍ മണ്ണടി, ലത്തീഫ് ഏഴംകുളം, രവി പുതുമല, റഷീദ് മുട്ടാര്‍ എന്നിവര്‍ സംബന്ധിച്ചു.