ലോഡിജില്‍ നിന്നും ടിവി അപ്രത്യക്ഷമാകുന്നു. സംഭവം അന്വേഷിച്ചപ്പോള്‍ ലോഡ്ജില്‍ മുറിയെടുത്ത് താമസമാക്കിയ ആള്‍ മുറിയില്‍ ഘടിപ്പിച്ചിരുന്ന ടീവിയുമായ കടന്നുകളഞ്ഞെന്ന് ബോധ്യമായി. കണ്ണൂര്‍ ഇരിട്ടിയിലാണ് സംഭവം ശങ്കരനാരായണന്‍ എന്ന പേരില്‍ മുറിയെടുത്ത ആളാണ് ടിവി മോഷ്ടിച്ചത്.

ഏകദേശം 20,000 രൂപ വിലയിരുത്തുന്ന എല്‍ഇഡി ടീവിയാണ് മോഷ്ടിച്ചുപോയത്. ഈ മാസം 15ാം തിയതി മുറിയെടുത്ത ഇയാള്‍ 17ാം തിയതി മുറിയില്‍ നിന്നും മുങ്ങുകയായിരുന്നു.

17ന് പുലര്‍ച്ചെ ക്ഷേത്രദര്‍ശനത്തിന് പോകുന്നുവെന്ന് പറഞ്ഞ് പോയ ഇയാള്‍ തിരികെ എത്താത്തതിനെത്തുടര്‍ന്ന് സംശയം തോന്നിയ ജീവനക്കാര്‍ മുറി പരിശോധിച്ചപ്പോഴാണ് ടിവി കവര്‍ച്ച ചെയ്തത് മനസിലായത്. ഇരിട്ടി പോലീസ് കേസെടുത്ത് അന്വേഷണം തുടങ്ങി.